اسرائیلی فوج کا کہنا ہے کہ اس نے رواں ہفتے تہران میں کیے گئے ایک حملے میں ایران کی بسیج فورسز کے ایک اعلیٰ انٹیلی جنس عہدیدار کو شہید کر دیا ہے۔
بیان کے مطابق ہلاک ہونے والے افسر کی شناخت اسماعیل احمدی کے نام سے کی گئی ہے، جو بسیج یونٹ کے انٹیلی جنس سربراہ تھے۔ اسرائیلی فوج نے دعویٰ کیا کہ وہ آپریشنز کی منصوبہ بندی اور عملدرآمد میں مرکزی کردار ادا کرتے تھے اور ایران میں حکومت مخالف مظاہروں کو دبانے میں بھی اہم کردار رکھتے تھے۔
بیان میں مزید کہا گیا کہ اس حملے میں مرکزی تہران میں واقع بسیج کمانڈ سینٹر کو نشانہ بنایا گیا، جس کے نتیجے میں یونٹ کمانڈر غلام رضا سلیمانی اور دیگر اعلیٰ عہدیداران بھی جاں بحق ہوئے۔
تاہم ان دعوؤں کی آزاد ذرائع سے تصدیق نہیں ہو سکی ہے اور ایرانی حکام کی جانب سے تاحال اس حوالے سے کوئی باضابطہ ردعمل سامنے نہیں آیا۔
