لاہورکے علاقے شفیق آباد میں شاپنگ پر آئے شہری کے گم جانے والے 10 لاکھ روپے پولیس نے فوری تلاش کر کے اس کے حوالے کر دیئے ۔
تفصیلات کے مطابق پولیس کوڈیوٹی کے دوران پیسوں سے بھرا شاپر بیگ ملا جس میں 10 لاکھ کی نقد رقم تھی، عید کی شاپنگ کےدوران شہری رفیق کا پیسوں سے بھرا شاپر بیگ گر گیاتھا،پیسوں کو موقع پر موجود سینئر افسران کے نوٹس میں دینے کے بعد شہری کی تلاش شروع کی گئی،شہری پیسے تلاش کرتا بازار ڈیوٹی پر مامور پولیس کے پاس پہنچا اور پیسوں کی تلاش میں مدد طلب کی، مرادسب انسپکٹر نے موقع پر تصدیق کرتے ہوئے شہری کو اسکی نقد رقم 10 لاکھ واپس کر دی، شہری نے 10 لاکھ واپس ملنے پر پولیس کا شکریہ ادا کیا۔
