ایران کے سپریم لیڈر مجتبیٰ خامنہ ای نے عیدالفطر کی مبارک باد دیتے ہوئے قوم کے نام پیغام جاری کر دیاہے جس میں انہوں نے نئے ایرانی سال کو بہادری اور قومی اتحاد کا سال قرار دیا ، انہوں نے تیسری مسلط کردہ جنگ میں ایرانی فوج کی کامیابیوں کو سراہا ۔
تفصیلات کے مطابق ایرانی سپریم لیڈ ر کا پیغام میں کہناتھا کہ دشمن نے قوم میں خوف اور مایوسی پھیلانے کیلئے حملہ کیا، دشمن اپنے مقاصد حاصل کرنے میں بری طرح ناکام رہا، ہماری باوقار قوم نے فوجی اور سیکیورٹی نوعیت کے تین بڑے مقابلوں کا سامنا کیا۔
انہوں نے کہا کہ ہم ہمسایوں کے ساتھ تعلقات بہترکرنے کے خواہاں ہیں، لوگوں کے درمیان اتحاد مزید مضبوط ہو گا اور دشمن رسوا ہوں گے، اسرائیل ایران اور ہمسایہ ممالک کے درمیان اختلاف پیدا کرنے کے لیے فالس فلیگ کی حکمتِ عملی استعمال کر رہا ہے۔
ان کا کہناتھا کہ پاکستان اور افغانستان تعلقات بہتر کریں، ہم دونوں ملکوں کے درمیان ثالثی کیلئے تیار ہیں، ترکیہ اور عمان پر حملے ہم نے نہیں کیے، ان حملوں میں ایرانی فوج یا اتحادی ملوث نہیں ہیں۔
