ایس آئی ایف سی کے تعاون سے پاکستانی آٹو انڈسٹری میں نمایاں بہتری ہوئی ہے جس سے سرمایہ کاری کے رجحان میں اضافہ دیکھا جارہا ہے۔
مسافر گاڑیوں کی فروخت میں 46.7 فیصدجبکہ ٹرک اور بسوں کی فروخت میں 82 فیصد بہتری دیکھی گئی،جیپوں اور پک اپ گاڑیوں کی خریداری میں 60 فیصد اورموٹرسائیکلوں اور رکشوں کی فروخت میں 23.4 فیصد اضافہ ہوا۔
ماحول دوست الیکٹرک گاڑیاں متعارف،مانگ میں شاندار بڑھوتری ہوئی ہے، بہتر آٹو فنانسنگ اور مارکیٹ میں بڑھتا ہوا اعتماد فروخت میں اضافے کا باعث بنا۔
آٹو انڈسٹری میں ترقی کی وجہ اسٹیٹ بینک آف پاکستان کی جانب سے شرح سود میں بتدریج کمی دیکھنے میں آئی،سود سے پاک فنانسنگ کی بدولت صارفین اور سرمایہ کاروں کا اعتماد بحال ہوا۔
ایس آئی ایف سی کی سہولت کاری سے شرح سود میں مزید کمی اور نئے ماڈلز سے آٹو سیلز میں مزید اضافہ متوقع ہے۔
