Live Updates: پاکستان نے سپرپاور امریکا اور ایران کے درمیان جنگ رکوادی

سعودی عرب نے امریکا اور ایران جنگ بندی کےلیے پاکستان کی کوششوں کا خیر مقدم کیا ہے۔

ترجمان سعودی وزارت خارجہ کے مطابق خطے میں پائیدار امن اور مستقل جنگ بندی کیلئے پاکستان کی کوششوں کی حمایت کرتے ہیں، امریکی صدر اور وزیراعظم پاکستان کی جانب سے جنگ بندی کے اعلان کا خیر مقدم کرتے ہیں۔

دوسری جانب اماراتی صدارتی مشیر انور قرقاش نے کہا کہ متحدہ عرب امارات ایک ایسی جنگ میں سرخرو ہوا جس سے ہم بچنا چاہتے تھے، ہم اپنی خودمختاری، وقار اور کامیابیوں کا دفاع کرنے میں کامیاب رہے۔

انور قرقاش نے کہا کہ پیچیدہ علاقائی منظرنامے میں مضبوط گرفت کے ساتھ آگے بڑھ رہے ہیں، ہماری قوت، استقامت اور ثابت قدمی نے اماراتی ماڈل کو مزید مستحکم کیا۔

اماراتی صدارتی مشیر انور قرقاش نے امریکا ایران جنگ بندی کو خوش آئند قرار دے دیا۔

اماراتی صدارتی مشیر انور قرقاش نے کہا کہ متحدہ عرب امارات ایک ایسی جنگ میں سرخرو ہوا جس سے ہم بچنا چاہتے تھے، ہم اپنی خودمختاری، وقار اور کامیابیوں کا دفاع کرنے میں کامیاب رہے۔

انور قرقاش نے کہا کہ پیچیدہ علاقائی منظرنامے میں مضبوط گرفت کے ساتھ آگے بڑھ رہے ہیں، ہماری قوت، استقامت اور ثابت قدمی نے اماراتی ماڈل کو مزید مستحکم کیا۔

جنگ بندی کے اعلان کے بعد عالمی مارکیٹ میں سونے اور چاندی کی قیمتوں میں بڑا اضافہ ہوگیا۔

سونا 3.59 فیصد اضافے کے ساتھ 4 ہزار 828 ڈالر فی اونس کا ہوگیا جبکہ چاندی کی قیمت میں 7.63 فیصد اضافہ، 77 ڈالر فی اونس پر فروخت جاری ہے۔

دوسری جانب عالمی آئل مارکیٹ پر مثبت اثرات جاری ہیں۔ عالمی مارکیٹ میں خام تیل کی قیمتیں 13 سے 15 فیصد تک گرگئیں۔

برطانوی خام تیل برینٹ کی قیمت میں 17 ڈالر 31 سینٹ فی بیرل کمی ہوگئی، برطانوی خام کی قیمت 112 ڈالر سے کم ہوکر 94 ڈالر 69 سینٹ پر آگئی۔

امریکی خام تیل کی قیمت میں بھی 19 ڈالر 25 سینٹ کی کمی دیکھی گئی، ڈبلیو ٹی آئی خام  تیل کی قیمت 115 ڈالر سے کم ہوکر 96 ڈالر 73 سینٹ ہوگئی۔

جنگ بندی کے باوجود اسرائیل کی وحشیانہ کارروائیاں جاری ہیں۔

عرب میڈیا کے مطابق لبنان میں تازہ اسرائیلی حملے میں  8 شہری شہید، 22 زخمی ہوگئے۔

خیال رہے کہ امریکا اور ایران کی جانب سے جنگ بندی کے اعلان کے بعد اسرائیل کا کہنا ہے کہ اس جنگ بندی کا اطلاق لبنان پر نہیں ہو گا۔

اسرائیل کی جانب سے جاری باضابطہ بیان میں کہا گیا ہے کہ اسرائیل صدر ٹرمپ کے ایران کے خلاف دو ہفتوں کے لیے حملوں کو معطل کرنے کے مشروط فیصلے کی حمایت کرتا ہے تاہم دو ہفتے کی جنگ بندی میں لبنان شامل نہیں ہے۔

جنگ بندی کے تحت ایران اور عمان آبنائے ہرمز سے گزرنے والے بحری جہازوں سے محصولات لیں گے۔

خبر ایجنسی کے مطابق ایران ان فنڈز کو تعمیرنو کے لیےاستعمال کرےگا تاہم عمان کے منصوبےغیر واضح ہیں۔ تجزیہ کاروں کے مطابق اگر ایسا ہوا تو یہ ایران کی بڑی کامیابی تصور کی جائےگی۔

واضح رہے کہ ایرانی سرکاری نشریاتی ادارے کے مطابق امریکہ جن نکات پر مذاکرات کر رہا ہے وہ ایران کے پیش کردہ 10 نکاتی منصوبے کا حصہ ہیں۔ ان نکات میں خطے میں جاری جنگوں کا خاتمہ اور ایران کے لیے اہم سیاسی و اقتصادی ضمانتیں شامل ہیں۔

ایران کے 10 نکاتی منصوبے  میں عراق، لبنان اور یمن میں جنگ کا مکمل خاتمہ، ایران کے خلاف جنگ کا مکمل اور مستقل خاتمہ، پورے خطے میں تمام تنازعات کا اختتام، آبنائے ہرمز کو دوبارہ کھولنا۔ آبنائے ہرمز میں محفوظ اور آزادانہ بحری گزرگاہ کے لیے پروٹوکول اور شرائط کا قیام شامل ہیں۔

ایران کی تعمیرِ نو کے اخراجات کے لیے مکمل معاوضے کی ادائیگی، ایران پر عائد تمام پابندیوں کا مکمل خاتمہ، امریکہ کے پاس منجمد ایرانی اثاثوں اور فنڈز کی فوری رہائی ایجنڈے کا حصہ ہے۔

امریکی صدر ڈونلڈ ٹرمپ نے اپنے ایک تازہ بیان میں کہا ہے کہ ایران کے یورینیم کامعاملہ بہترین طریقےسےسنبھال لیا جائے گا۔ ایران کو مذاکرات کی میز پر چین لایا ہے۔

امریکی صدر نے خبر رساں ایجنسی سے گفتگو کرتے ہوئے کہا کہ ایران کے ساتھ جنگ میں امریکا نے مکمل فتح حاصل کی، 100 فیصد فتح حاصل کی، اس بارے میں کوئی سوال نہیں۔

انہوں نے کہا کہ  دو ہفتوں کی جنگ بندی کےتحت ایران کے یورینیم کامعاملہ بہترین طریقےسےسنبھال لیا جائے گا، ایران کی یورینیم کو مکمل طور پر سنبھال لیا جائےگا ورنہ میں یہ معاہدہ نہ کرتا۔

دوسری جانب سوشل میڈیا پر پیغام میں آج عالمی امن کیلئے ایک بڑا دن ہے، ایران سمیت ہر کوئی چاہتا تھا جنگ بندی ہو، امریکا آبنائے ہرمز میں آمدورفت کی بحالی میں مدد کرے گا، لاتعداد مثبت اقدامات ہوں گے، بہت پیسہ بنے گا۔ امریکا کی طرح مشرق وسطیٰ کا بھی سنہرا دور آئے گا۔

امریکا اور ایران کے درمیان جنگ بندی کے اعلان کے بعد عالمی منڈیوں میں بڑا ردعمل سامنے آیا ہے تیل کی قیمتوں میں نمایاں کمی جبکہ اسٹاک مارکیٹس میں زبردست تیزی دیکھی گئی۔

پاکستان اسٹاک مارکیٹ کھلتے ہی ہنڈریڈ انڈیکس میں 12 ہزار سے زائد پوائنٹس کا اضافہ دیکھا گیا۔ ایک ساتھ 14 حدیں بحال ہوگئیں۔ ہنڈریڈ انڈیکس ایک لاکھ 51 ہزار سے سیدھا ایک لاکھ 64 ہزار پر پہنچ گیا۔ غیر معمولی تیزی کے باعث پاکستان اسٹاک ایکسچینج میں ٹریڈنگ ایک گھنٹےکیلئے روک دی گئی ہے۔

عالمی بینچ مارک برینٹ کروڈ کی قیمت تقریباً 15.9 فیصد کمی کے بعد 92.30 ڈالر فی بیرل تک آ گئی جبکہ امریکی مارکیٹ میں ٹریڈ ہونے والا خام تیل بھی تقریباً 16.5 فیصد کمی کے ساتھ 93.80 ڈالر فی بیرل پر گیا۔

ماہرین کے مطابق قیمتیں اب بھی اس سطح سے زیادہ ہیں جہاں تنازع شروع ہونے سے قبل 28 فروری کو تیل تقریباً 70 ڈالر فی بیرل پر ٹریڈ ہو رہا تھا۔

یاد رہے کہ مشرقِ وسطیٰ میں کشیدگی کے باعث تیل اور گیس کی سپلائی شدید متاثر ہوئی تھی، خاص طور پر ایران کی جانب سے آبنائے ہرمز سے گزرنے والے جہازوں پر حملوں کی دھمکی کے بعد توانائی کی قیمتوں میں بڑا اضافہ دیکھنے میں آیا تھا۔

امریکا اور ایران کی جانب سے جنگ بندی کے اعلان کے بعد اسرائیل کا کہنا ہے کہ اس جنگ بندی کا اطلاق لبنان پر نہیں ہو گا۔

اسرائیل کی جانب سے جاری باضابطہ بیان میں کہا گیا ہے کہ اسرائیل صدر ٹرمپ کے ایران کے خلاف دو ہفتوں کے لیے حملوں کو معطل کرنے کے مشروط فیصلے کی حمایت کرتا ہے۔

بیان کے مطابق اسرائیل اس بات کو یقینی بنانے کے لیے امریکی کوششوں کی بھی حمایت کرتا ہے کہ ایران اب امریکہ، اسرائیل، اس کے عرب پڑوسیوں اور دنیا کے لیے جوہری، میزائل اور دہشت گردی کا خطرہ نہ بن سکے۔

بیان میں کہا گیا یے کہ امریکا نے اسرائیل کو بتایا ہے کہ مذاکرات کے دوران ان مشترکہ اہداف کو حاصل کرنے کی کوشش کی جائے گی۔ اسرائیل کا کہنا ہے کہ دو ہفتے کی جنگ بندی میں لبنان شامل نہیں ہے۔

امریکا اور ایران جنگ بندی معاہدے پر عالمی برادری نے خیرمقدم کیا ہے۔

سیکرٹری جنرل اقوام متحدہ انتونیو گوتریس نے پاکستان اور دیگر ممالک کی طرف سے جنگ بندی کو کوششوں کو سراہا۔ انہوں نے کہا انسانی تکالیف کو کم کرنے کے لیے دشمنی کا خاتمہ انتہائی ضروری ہے ۔ فریقین عالمی قوانین کا احترام اور جنگ بندی شرائط پر عمل کریں۔

ملائیشیا نے بھی امریکا اور ایران کی جنگ معاہدے کا خیرمقدم کیا اور پاکستان کی کوششوں کی تعریف کی ۔ مصری وزارت خارجہ نے بیان میں کہا دو ہفتوں کی جنگ بندی سے سفارت کاری کو آگے بڑھانے کا ایک اور موقع ملے گا ۔

آسٹریلوی وزیراعظم انتھونی البانیز نے کہا امریکا اور ایران کے درمیان جنگ بندی پر خوشی ہے۔ امید ہے عارضی جنگ بندی سے مستقل جنگ بندی کی راہموار ہوگی۔ نیوزی لینڈ اور جاپان نے بھی امریکا اور ایران کے درمیان جنگ بندی معاہدے کو سراہا۔

ایران امریکا جنگ بندی کے عالمی آئل مارکیٹ پر مثبت اثرات جاری ہیں۔ عالمی مارکیٹ میں خام تیل کی قیمتیں 13 سے 15 فیصد تک گرگئیں۔

برطانوی خام تیل برینٹ کی قیمت میں 17 ڈالر 31 سینٹ فی بیرل کمی ہوگئی، برطانوی خام کی قیمت 112 ڈالر سے کم ہوکر 94 ڈالر 69 سینٹ پر آگئی۔

امریکی خام تیل کی قیمت میں بھی 19 ڈالر 25 سینٹ کی کمی دیکھی گئی، ڈبلیو ٹی آئی خام  تیل کی قیمت 115 ڈالر سے کم ہوکر 96 ڈالر 73 سینٹ ہوگئی۔ 

جنگ سے قبل 28 فروری کو برینٹ  کی قیمت  70  ڈالر فی بیرل تھی جبکہ جنگ سے پہلے ڈبلیو ٹی آئی خام تیل 67 ڈالر فی بیرل میں ٹریڈ ہورہا تھا۔

عالمی مارکیٹ کے اثرات پاکستان میں پیٹرولیم مصنوعات پر پڑیں  گے اور پاکستان میں پیٹرولیم مصنوعات کی قیمتوں میں کمی متوقع ہے۔

واضح رہے کہ پاکستان نے سپرپاور امریکا اور ایران کے درمیان جنگ رکوادی۔ امریکی صدر ڈونلڈ ٹرمپ اور ایرانی قیادت نے پاکستان کی تجویز پر سرتسلیم خم کرلیا۔

امریکا اور ایران نے پاکستان کی تجویز پر دو ہفتوں کیلئے جنگ روک دی۔ پاکستان ایرانی تہذیب کو صفحہ ہستی سے مٹانے کی دھمکی دینے والے امریکا کو مذاکرات کی میز پر لے آیا ۔ 10 اپریل کو اسلام آباد میں امریکا اور ایران کے درمیان براہ راست مذاکرات ہوں گے۔

ایرانی وزیر خارجہ عباس عراقچی نے کہا ہے کہ آئندہ دو ہفتوں کے دوران آبنائے ہرمز سے محفوظ گزرگاہ ممکن ہوگی، جس کے لیے ایران کی مسلح افواج سے ہم آہنگی اور تکنیکی حدود کا خیال رکھا جائے گا۔

انھوں نے کہا کہ وزیراعظم شہباز شریف کی برادرانہ درخواست، امریکا کی جانب سے 15 نکاتی تجویز پر مذاکرات کی خواہش، اور امریکی صدر کی جانب سے ایران کی 10 نکاتی تجویز کے عمومی فریم ورک کو مذاکرات کی بنیاد کے طور پر قبول کرنے کے اعلان کو مدنظر رکھتے ہوئے، میں ایران کی سپریم نیشنل سکیورٹی کونسل کی جانب سے یہ اعلان کرتا ہوں کہ اگر ایران پر حملے روک دیے جائیں تو ہماری طاقتور مسلح افواج بھی اپنی دفاعی کارروائیاں معطل کر دیں گی۔

عباس عراقچی نے اپنے بیان میں مزید کہا کہ ایران کی جانب سے میں اپنے برادر ملک پاکستان کے وزیراعظم شہباز شریف اور فیلڈ مارشل عاصم منیر کی خطے میں جنگ کے خاتمے کے لیے کی جانے والی انتھک کوششوں پر دلی تشکر اور قدردانی کا اظہار کرتا ہوں۔

امریکی صدر ڈونلڈ ٹرمپ نے کہا ہے کہ پاکستان کے وزیرِ اعظم شہباز شریف اور آرمی چیف فیلڈ مارشل عاصم منیر سے بات چیت کے بعد وہ ایران کے خلاف طے شدہ حملے کو دو ہفتوں کے لیے مؤخر کرنے پر آمادہ ہیں، بشرطیکہ ایران آبنائے ہرمز کو فوری، مکمل اور محفوظ طریقے سے کھول دے۔

صدر ٹرمپ نے کہا کہ امریکہ اپنے تمام فوجی اہداف حاصل کر چکا ہے اور ایران کے ساتھ طویل المدتی امن معاہدے پر پیش رفت کافی حد تک ہو چکی ہے۔ انھوں نے بتایا کہ ایران کی جانب سے 10 نکاتی تجویز موصول ہوئی ہے جو مذاکرات کے لیے قابلِ عمل بنیاد فراہم کرتی ہے۔ موجودہ جنگ بندی دوطرفہ ہوگی۔

امریکی صدر کے مطابق امریکہ اور ایران کے درمیان زیادہ تر اختلافی نکات پر اتفاق ہو چکا ہے، اور دو ہفتوں کی مہلت معاہدے کو حتمی شکل دینے میں مدد دے گی۔ انھوں نے کہا کہ بطور صدر، اور مشرقِ وسطیٰ کے ممالک کی نمائندگی کرتے ہوئے، اس دیرینہ مسئلے کے حل کے قریب پہنچنا ان کے لیے باعثِ اعزاز ہے۔

ایران نے تصدیق کی ہے کہ امریکہ کے ساتھ 10 نکاتی ایجنڈے پر مذاکراتی عمل 15 روز کے لیے اسلام آباد میں جمعے سے شروع ہوگا، جس میں ضرورت پڑنے پر مزید توسیع بھی کی جا سکے گی۔

ایران کی سپریم نیشنل سکیورٹی کونسل نے اپنے تازہ بیان میں کہا ہے کہ گذشتہ 40 دنوں میں ایرانی عوام اور مسلح افواج کی مزاحمت نے دشمن کو پسپائی پر مجبور کر دیا ہے، اور جنگ کے بیشتر اہداف حاصل ہو چکے ہیں۔

بیان کے مطابق ایران نے ابتدا سے ہی فیصلہ کیا تھا کہ جنگ اس وقت تک جاری رہے گی جب تک دشمن کو پچھتاوے اور مایوسی کی کیفیت میں نہ پہنچا دیا جائے اور ملک کے خلاف طویل المدتی خطرات ختم نہ ہو جائیں۔

بیان میں کہا گیا کہ ایران نے امریکی صدر کی جانب سے دی گئی متعدد ڈیڈ لائنز کو مسترد کیا ہے اور واضح کیا ہے کہ دشمن کی کسی بھی مہلت کو کوئی اہمیت نہیں دی جاتی۔

سپریم نیشنل سکیورٹی کونسل کے مطابق اب جبکہ ایران کو میدانِ جنگ میں برتری حاصل ہے، اور امریکہ اس کے بیشتر مطالبات تسلیم کر چکا ہے، اس لیے فیصلہ کیا گیا ہے کہ مذاکرات جمعے کے روز اسلام آباد میں ہوں گے تاکہ جنگ میں حاصل ہونے والی کامیابیوں کو سیاسی سطح پر بھی مضبوط کیا جا سکے۔

بیان میں کہا گیا کہ ایران نے دشمن کی تمام تجاویز مسترد کرتے ہوئے اپنا 10 نکاتی منصوبہ امریکہ کو پاکستان کے ذریعے پیش کیا ہے، جس میں آبنائے ہرمز سے کنٹرولڈ گزرگاہ، خطے میں مزاحمتی گروہوں کے خلاف جنگ کا خاتمہ، امریکی افواج کا انخلا، ایران کو ہونے والے نقصانات کا ازالہ، تمام پابندیوں کا خاتمہ، منجمد اثاثوں کی بحالی اور ان تمام امور کی سلامتی کونسل کی ایک پابند قرارداد کے ذریعے توثیق شامل ہے۔

ایرانی حکام کے مطابق پاکستان کے وزیراعظم نے اطلاع دی ہے کہ امریکہ ان اصولی نکات کو مذاکرات کی بنیاد کے طور پر قبول کر چکا ہے۔ تاہم بیان میں زور دیا گیا کہ اس کا مطلب جنگ کا خاتمہ نہیں، اور جنگ اسی وقت ختم ہوگی جب 10 نکاتی منصوبے کی تمام تفصیلات مذاکرات میں طے پا جائیں۔

سپریم نیشنل سکیورٹی کونسل نے عوام، سیاسی جماعتوں اور تمام طبقات سے اپیل کی ہے کہ وہ قومی اتحاد برقرار رکھیں اور اس عمل کی حمایت کریں۔ بیان کے آخر میں کہا گیا کہ اگر مذاکرات میں دشمن کی پسپائی سیاسی کامیابی میں تبدیل نہ ہوئی تو ایران اپنے مطالبات پورے ہونے تک میدان میں لڑائی جاری رکھے گا۔

ایرانی سرکاری نشریاتی ادارے کے مطابق امریکہ جن نکات پر مذاکرات کر رہا ہے وہ ایران کے پیش کردہ 10 نکاتی منصوبے کا حصہ ہیں۔ ان نکات میں خطے میں جاری جنگوں کا خاتمہ اور ایران کے لیے اہم سیاسی و اقتصادی ضمانتیں شامل ہیں۔

ایران کے 10 نکاتی منصوبے  میں عراق، لبنان اور یمن میں جنگ کا مکمل خاتمہ، ایران کے خلاف جنگ کا مکمل اور مستقل خاتمہ، پورے خطے میں تمام تنازعات کا اختتام، آبنائے ہرمز کو دوبارہ کھولنا۔ آبنائے ہرمز میں محفوظ اور آزادانہ بحری گزرگاہ کے لیے پروٹوکول اور شرائط کا قیام شامل ہیں۔

ایران کی تعمیرِ نو کے اخراجات کے لیے مکمل معاوضے کی ادائیگی، ایران پر عائد تمام پابندیوں کا مکمل خاتمہ، امریکہ کے پاس منجمد ایرانی اثاثوں اور فنڈز کی فوری رہائی ایجنڈے کا حصہ ہے۔

ایران کی جانب سے جوہری ہتھیار حاصل نہ کرنے کی مکمل یقین دہانی، مندرجہ بالا شرائط کی منظوری کے ساتھ تمام محاذوں پر فوری جنگ بندی شامل ہے۔ یہ نکات اس فریم ورک کا حصہ ہیں جس پر ایران کا کہنا ہے کہ امریکہ مذاکرات کے لیے آمادہ ہے۔

پاکستان نے امریکا اور ایران کو جنگ بندی معاہدے کے بعد مذاکراتی ٹیموں کو جمعے کو اسلام آباد آنے کی دعوت دے دی ہے۔

وزیر اعظم شہباز شریف نے ایکس پر اپنے پیغام میں لکھا کہ وہ آنے والے دنوں میں مزید خوشخبریاں شیئر کرنے کے منتظر ہیں۔

شہباز شریف نے اپنے پیغام میں لکھا کہ انتہائی عاجزی کے ساتھ مجھے یہ اعلان کرتے ہوئے خوشی محسوس ہو رہی ہے کہ ایران اور امریکا، اپنے اتحادیوں کے ساتھ ہر جگہ بشمول لبنان فوری طور پر جنگ بندی پر متفق ہو گئے ہیں۔

انھوں نے کہا کہ میں اس دانشمندانہ فیصلے کا گرمجوشی سے خیرمقدم کرتا ہوں اور دونوں ممالک کی قیادت کا شکریہ ادا کرتا ہوں۔ ساتھ ہی میں ان کی مذاکراتی ٹیموں کو دعوت دیتا ہوں کہ وہ جمعہ، 10 اپریل 2026 کو اسلام آباد تشریف لائیں، تاکہ تمام تنازعات کے حتمی حل کے لیے مزید بات چیت کی جا سکے۔‘

وزیر اعظم نے کہا کہ دونوں فریقوں نے غیر معمولی بصیرت اور سمجھ بوجھ کا مظاہرہ کیا ہے اور امن و استحکام کے مقصد کو آگے بڑھانے میں تعمیری طور پر مصروف رہے ہیں۔

شہباز شریف نے کہا کہ ہمیں پوری امید ہے کہ ’اسلام آباد مذاکرات‘ پائیدار امن کے قیام میں کامیاب ہوں گے، اور ہم آنے والے دنوں میں مزید خوشخبریاں شیئر کرنے کے خواہشمند ہیں۔

پاکستان نے سپرپاور امریکا اور ایران کے درمیان جنگ رکوادی۔ امریکی صدر ڈونلڈ ٹرمپ اور ایرانی قیادت نے پاکستان کی تجویز پر سرتسلیم خم کرلیا۔

امریکا اور ایران نے پاکستان کی تجویز پر دو ہفتوں کیلئے جنگ روک دی۔ پاکستان ایرانی تہذیب کو صفحہ ہستی سے مٹانے کی دھمکی دینے والے امریکا کو مذاکرات کی میز پر لے آیا ۔ 10 اپریل کو اسلام آباد میں امریکا اور ایران کے درمیان براہ راست مذاکرات ہوں گے ۔

وزیراعظم شہبازشریف اور فیلڈمارشل عاصم منیر کی انتھک محنت رنگ لائی ۔ امریکا اور ایران نے بھی پاکستان کی سول اور عسکری قیادت سے اظہارتشکر کیا۔

جنگ بندی سے متعلق وزیراعظم شہبازشریف کا ٹوئٹ عالمی میڈیا کی شہ سرخی بن گیا ۔ دنیا نے مان لیا پاکستان نے امن کا راستہ دکھا دیا ۔ پاکستان نے تاریخ رقم کردی جنگ بندی ممکن بنادی۔

اقوام متحدہ کی سلامتی کونسل میں آبنائے ہرمز سے متعلق قرار داد کو چین نے ویٹو کردیا۔

تفصیلات کے مطابق  بحرین کی جانب سے پیش کی گئی قرار داد کو سعودی عرب، قطر،  متحدہ عرب امارات اور کویت کی حمایت حاصل تھی۔ قرار داد کے حق میں گیارہ ووٹ ڈالے گئے،  چین سمیت دو ارکان نے مخالفت کی جبکہ پاکستان سمیت دو ارکان نے ووٹنگ میں حصہ نہیں لیا۔

خبر رساں ایجنسی کی رپورٹ کے مطابق قرار داد کے مسودے میں آبنائے ہرمز پر جہاز رانی کےتحفظ  پر زور دیا گیا تھا جبکہ اس مقصد کیلئے طاقت کے استعمال کا ذکرشامل نہیں تھا۔ چند دن پہلے چین اور روس نے اس قرار داد پر ووٹنگ رکوادی تھی۔

امریکی نشریاتی ادارے سی این این نے کہاہے کہ سعودی عرب پر حملوں کے بعد بھی پاکستان کی سفارتی کوششیں جاری ہیں اور فریقین کو مذاکرات کیلئے میز پر لانے کی کوشش میں مصروف ہے ۔

سی این این کے مطابق پاکستانی قیادت سفارتی رابطوں میں پیشرفت کیلئے سرتوڑ محنت کررہی ہے، پاکستان فریقین کو مذاکرات کی میز پر لانے کی کوششوں میں مصروف ہے۔

وال سٹریٹ جرنل

دوسری جانب وال سٹریٹ جرنل نے اپنی رپورٹ میں دعویٰ کیاہے کہ ایران نے امریکا کے ساتھ براہ راست سفارتکاری معطل کردی ہے ،صدر ٹرمپ کی جانب سے نئی دھمکیوں کے بعد ایران نے یہ فیصلہ کیا، ایران کے فیصلے سے مذاکرات کی کوششوں میں پیچیدگی آئی ہے۔

ایرانی عہدیدار کا کہناتھا کہ ایران نے رابطے منقطع کر کے اپنی ناپسندیدگی اور مزاحمت کا پیغام دینا چاہا۔ وال سٹریٹ جرنل کے مطابق یہ واضح نہیں کہ ڈیڈ لائن سے پہلے براہِ راست مذاکرات دوبارہ شروع ہوں گے یا نہیں۔

فاکس نیوز

فاکس نیوز نے دعویٰ کیا کہ ایران کے ساتھ مذاکرات جاری ہیں، امریکی عہدیدار نے گفتگو کرتے ہوئے کہا کہ ایران سے رابطے  میں ہیں، ہم خوش قسمت رہے تو آج کوئی معاہدہ ہوگا۔

امریکی نائب صدر

امریکی نائب صدر  جے ڈی وینس نے کہا کہ ایران پر حملوں سے متعلق ہماری پالیسی تبدیل نہیں ہوئی،خارگ کے جزیرے میں فوجی تنصیبات پر حملہ کیا آئل تنصیبات نہیں، خارگ پر بمباری ہماری اسٹریٹجی میں تبدیلی کو ظاہر نہیں کرتا، ڈیڈ لائن سے پہلے ایرانی توانائی تنصیبات کو نشانہ نہیں بنائیں گے۔

اسرائیلی فوج 

ایرانی میڈیا نے دعویٰ کیاہے کہ اصفہان میں امریکی طیاروں کی تباہی کا ریسکیو مشن سے کوئی تعلق نہیں،  یہ آپریشن ایرانی ایٹمی تنصیبات پر حملے کیلئے شروع کیا گیا تھا۔

 پریس ٹی وی کی رپورٹ کے مطابق امریکا کے دو سی ون تھرٹی طیارے اصفہان میں ایک پرانی ایئر فیلڈ پر اترے،  ایک میں امریکی کمانڈوز اور دوسرے میں خصوصی گاڑیاں، چھوٹے ہیلی کاپٹرز اور دیگر سامان تھے۔

 ایرانی فورسز نے طیارے لینڈ ہوتے ہی حملہ کردیاجس کی وجہ سے امریکی اٹیک مشن ریسکیو مشن میں بدل گیا۔ اورامریکی کمانڈوز دستاویزات اور ہتھیار چھوڑ کر ہیلی کاپٹروں میں بھاگ گئے اور جاتے جاتے اپنی دونوں سی ون تھرٹی طیارے تباہ کردیے۔

ایرانی میڈیا کے مطابق امریکا کے برطرف ہونے والے جنرلز نے ٹرمپ اور پیٹ ہیگسیتھ کو اس مشن سے منع کیا تھا جس کی وجہ سے حملے سے ایک دن پہلے انہیں ہٹا دیا گیا۔

پاکستان نے سعودی عرب پر ایرانی میزائل اور ڈرون حملوں کی شدید مذمت اور قیمتی جانوں کے ضیاع پر گہرے دکھ اور افسوس  کا اظہار کیا ہے ۔

حکومت پاکستان نے سعودی عرب پر ایرانی حملوں پر گہری تشویش کا اظہار کیا ہے ۔ ترجمان دفتر خارجہ طاہر حسین اندرابی کے مطابق توانائی تنصیبات کو نشانہ بنانا قابل مذمت اور خطرناک اقدام ہے ، اہم انفرااسٹرکچر کو نقصان پہنچانے کی سخت الفاظ میں مذمت کرتے ہیں ، حملے سعودی خودمختاری اور علاقائی سالمیت کی سنگین خلاف ورزی  ہیں ۔

ترجمان دفتر خارجہ نے کہا پاکستان مشکل وقت میں سعودی حکومت اور عوام کے ساتھ کھڑا ہے ، پاکستان نے سعودی عرب کی سلامتی کیلئے غیر متزلزل حمایت کا اعادہ بھی کیا ہے ۔

پاسدران انقلاب

ایران کی پاسداران انقلاب نے سعودی عرب میں پیٹروکیمیکل پلانٹ پر حملوں کی ذمہ دری قبول کر لی ہے۔

پاسداران انقلاب کے مطابق الجبیل میں امریکی کمپنیوں کو میزائلوں اور ڈرونز کے ذریعے نشانہ بنایا گیا، جُعیمہ میں امریکی کمپنی شورڈن فلپس کے پیٹرو کیمیکل کمپلیکس پر بھی حملہ کیا گیا، نشانہ بننے والی امریکی کمپنیوں  میں صدرہ،  ایکسن موبل اور ڈارک کیمیکلز بھی شامل ہیں۔ پاسداران کے مطابق سعودی عرب میں پلانٹس پر حملہ شیراز میں ہماری تنصیبات پر حملوں کا جواب ہے۔

 سعودی وزارت دفاع کا کہنا ہے کہ آج سعودی فضائی حدود میں گیارہ میزائلوں اور اٹھارہ ڈرونز کو تباہ کیا۔ میزائلوں کا ملبہ گرنے سے توانائی کی تنصیبات کو نقصان پہنچا۔ سیکیورٹی وجوہات کی بنا پر سعودی عرب اور بحرین کو ملانے والا واحد پل کنگ فہد کازوے پل کو کئی گھنٹے بند رکھنے کے بعد دوبارہ ٹریفک کیلئے کھول دیا گیا۔

ایران کی پاسداران انقلاب نے سعودی عرب میں پیٹروکیمیکل پلانٹ پر حملوں کی ذمہ دری قبول کر لی ہے۔

پاسداران انقلاب کے مطابق الجبیل میں امریکی کمپنیوں کو میزائلوں اور ڈرونز کے ذریعے نشانہ بنایا گیا، جُعیمہ میں امریکی کمپنی شورڈن فلپس کے پیٹرو کیمیکل کمپلیکس پر بھی حملہ کیا گیا، نشانہ بننے والی امریکی کمپنیوں  میں صدرہ،  ایکسن موبل اور ڈارک کیمیکلز بھی شامل ہیں۔ پاسداران کے مطابق سعودی عرب میں پلانٹس پر حملہ شیراز میں ہماری تنصیبات پر حملوں کا جواب ہے۔

 سعودی وزارت دفاع کا کہنا ہے کہ آج سعودی فضائی حدود میں گیارہ میزائلوں اور اٹھارہ ڈرونز کو تباہ کیا۔ میزائلوں کا ملبہ گرنے سے توانائی کی تنصیبات کو نقصان پہنچا۔ سیکیورٹی وجوہات کی بنا پر سعودی عرب اور بحرین کو ملانے والا واحد پل کنگ فہد کازوے پل کو کئی گھنٹے بند رکھنے کے بعد دوبارہ ٹریفک کیلئے کھول دیا گیا۔ 

اسرائیل کی ایران پر تازہ بمباری میں یہودی عبادت گاہیں مکمل طور پر تباہ ہوگئیں، ایران کا بھی جوابی وار،درجنوں میزائل داغ دئیے۔

امریکا اور اسرائیل کےحملوں سے یہودی عبادت گاہیں بھی محفوظ نہیں،تہران میں بمباری سےیہودی عبادت گاہیں ملبےکا ڈھیر بن گئی،مغربی ایشیا میں یہودیوں کی دوسری بڑی آبادی ایران میں ہے۔

اسرائیلی فوج نےکہا ہےکہ ایران پرفضائی حملوں کی لہر مکمل کرلی گئی، حملہ تہران سمیت ایران کے مختلف علاقوں میں انفراسٹرکچرکو نقصان پہنچانےکےلیے کیا تھا

ایران پراسرائیل اورامریکا کےحملوں میں شہادتوں کی تعداد 15 ہوگئی،9 شہری تہران کے علاقے شہریار پر بمباری میں شہید ہوئے،تہران کے علاقے پردیس میں ملبے سے 6 شہدا کی لاشیں ملیں۔

ایران نے بھی اسرائیلی تنصیبات پرمیزائل حملےکردئیے،وسطی اسرائیل میں کئی مقامات پر میزائل ہدف پر گرے،ساحلی شہر ایلات میں ایک میزائل کو فضا میں تباہ کیا گیا۔

حزب اللہ نے بھی اسرائیلی تنصیبات پر حملوں کا دعویٰ کیا ہے،کہنا ہے کہ کریات شمونا سمیت دو مقامات پر اسرائیلی تنصیبات کو نشانہ بنایا،اسرائیلی فوجی بھی ہمارے حملوں کا ہدف بنے

دوسری جانب جنگ بندی کی کوششوں پرچینی دفترخارجہ نےردعمل دیتے ہوئےکہاامن کیلئےکی جانے والی تمام کوششوں کی حمایت کرتے ہیں،ہم پاکستان کی جانب سے ثالثی کی کوششوں کو سپورٹ کرتے ہیں،امید ہےفریقین امن کا یہ موقع ضائع جانے نہیں دیں گے،امریکا اور ایران اپنے اختلافات بات چیت کے ذریعے دور کریں۔

ٹرمپ کی دھمکی کے بعد مشرق وسطیٰ کے پلوں پرایرانی حملوں کا خدشہ ہے۔

، سعودی حکام کےمطابق سعودی عرب اوربحرین کوملانےوالا پل ٹریفک کیلئے بندکردیاگیا،کنگ فہد کازوے کو احتیاطی تدابیر کےتحت بندکیاگیا ہے،25 کلومیٹر طویل پل سعودی عرب اور بحرین کو ملانے والا واحد زمینی راستہ ہے۔

دوسری جانب نیوزی لینڈ کےوزیراعظم  نےٹرمپ پرتنقیدکرتےہوئےکہا ایران پرمزید حملوں کی امریکی دھمکی بےفائدہ ہے،انہوں نے کشیدگی کو کم کرنے پرتوجہ دینے پر زور دیا۔

امریکی صدر ڈونلڈ ٹرمپ کی ایران کو دھمکی دینے کے بعد عالمی منڈی میں خام تیل کی قیمتوں میں پھر اضافہ ریکارڈ کیا جارہا ہے۔

امریکی خام تیل کی قیمت 2.86 فیصدبڑھ گئی،مارکیٹ میں امریکی خام تیل 115 ڈالر فی بیرل پر فروخت ہورہا ہے،برطانوی خام تیل 1.5 فیصد اضافے کے ساتھ 111 ڈالرفی بیرل پر پہنچ گیا۔

دوسری جانب اوپیک ممالک نےمئی کیلئے تیل کی پیداوار بڑھانے کا فیصلہ کیا ہے۔ ترجمان کے مطابق مئی میں روزانہ کی بنیاد پر دولاکھ بیرل سے زائد تیل کی پیداوار بڑھائیں گے، تیل کی پیداوار بڑھانے کا مقصد توانائی کی مارکیٹوں میں جاری ہلچل کو روکناہے، سعودی عرب اور روس سمیت کئی خلیجی ممالک بھی تیل کی پیداوار بڑھانے متفق ہوئے۔

ایرانی وزیر نائب کھیل نے پاور پلانٹس بچانے کیلئے ہیومن چین بنانے کا اعلان کردیا۔

ایرانی وزیرنائب کھیل علی رضارحیمی کاکہنا ہےکہ آج دوپہر کو تمام بجلی گھروں کےقریب انسانی ہاتھوں کوزنجیربنائیں گے،ملک بھر کےنوجوان،کھلاڑی اورقومی ہروزاس مہم میں شریک ہوں، ہم یہ پیغام دیں گےکہ عوامی ڈھانچے پر حملہ جنگی جرم ہے۔

ایرانی سپریم لیڈر مجتبیٰ خامنہ ای کی صحت سے متعلق برطانوی اخبار نے دعوی کیا ہے کہ وہ شدید زخمی اور بے ہوش ہیں۔

برطانوی اخبار دی ٹائمز کے مطابق ایرانی سپریم لیڈرمجتبیٰ خامنہ ای کا ایران کے شہرقم میں علاج چل رہا ہے،یہ دعویٰ امریکا اوراسرائیل کی انٹیلی جینس میمومیں سامنےآئی،ایرانی سپریم لیڈرروزمرہ کے معاملات چلانے کے قابل نہیں ہیں،وہ جنگ کے پہلے روز زخمی ہوئے تھے۔

دوسری جانب ٹرمپ کی دھمکی کےبعد مشرق وسطیٰ کےپلوں پرایرانی حملوں کاخدشہ ہے،جس کے پیش نظر سعودی عرب اوربحرین کوملانےوالا پل ٹریفک کیلئے بندکردیاگیا،کنگ فہد کازوے کو احتیاطی تدابیر کے تحت بند کیا گیا،25 کلومیٹر طویل پل سعودی عرب اور بحرین کو ملانے والا واحد زمینی راستہ ہے۔

ایرانی سپریم لیڈر مجتبیٰ خامنہ ای نے بیان جاری کرتے ہوئے کہاہے کہ قتل اور جرائم ایران کی مسلح افواج کو کمزور نہیں کر سکتے،امریکا اور اسرائیل کو ایران میں مسلسل شکستوں کا سامنا کرنا پڑا ۔

تفصیلات کے مطابق ایرانی سپریم لیڈر کا کہناتھا کہ امریکا اور اسرائیل ایران کے شہری مقامات پر حملے کر رہے ہیں،پل، بجلی کے پلانٹ، اسکول پر حملے انسانیت کے خلاف جرم ہیں،دشمن ہر روز  دھمکیاں اور تباہی کی وارننگز دے رہا ہے،انٹیلی جنس چیف میجر جنرل مجید خادمی بہادر اور نڈر افسر تھے،ایران کی مسلح افواج  دشمن کے خلاف لڑائی جاری رکھیں گے۔ 

امریکی صدر ڈونلڈ ٹرمپ نے وائٹ ہاؤس میں نیوز کانفرنس سے خطاب کرتے ہوئے کہا کہ امریکا نے تاریخ کا اہم آپریشن انجام دیا،ایک پائلٹ کو واپس لانے کیلئے 200فوجیوں نے آپریشن میں حصہ لیا،امریکی فوجی ایران کے اندر گئے اورپائلٹ کو واپس لائے۔

تفصیلات کے مطابق صدر ڈونلڈ ٹرمپ نے کہا کہ میں نے امریکی فوج کو آپریشن کا حکم دیا،پائلٹ کی تلاش کےلئے ہمارے طیارے ایران میں گئے،ایران سے مذاکرات  کیلئے تجاویز بہت اہم ہیں،جنگی طیاروں اور دیگر جہازوں نے اہم آپریشن میں حصہ ہیں،ایک رات میں ایران کو تباہ کردیں گے شاید وہ کل رات ہے،امریکی فوجی اہلکاروں کو ایران میں اتنہائی قریب سے فائرنگ کا سامنا کرنا پڑاآپریشن میں نقصان پہنچنے والے طیاروں کو دس منٹ میں ٹھیک کیا۔

ڈونلڈ ٹرمپ کا کہناتھا کہ ریسکیو آپریشن میں حصہ لینے والا ہمارا کوئی فوجی زخمی نہیں ہوا،ہم نے ریت پر پھنسے دو کارگو طیاروں کو اڑانے کو ترجیح دی،میں اس اہم آپریشن میں حصہ لینے والے تمام فوجیوں کو سراہتا ہوں،ایران اگر فوجی کو گرفتار کرتا تو اپنے اہلکاروں کو انعام دیتا،امریکی فوج نے ایران میں 10ہزار سے زائد اہداف کو نشانہ بنایا،جو آپریشن میں ایران میں کیا ایسا آپریشن تاریخ میں کبھی نہیں دیکھا،آپریشن میں جدید امریکی طیاروں کی کارکردگی بہت شاندار رہی۔

ایرانی میڈیا نے دعویٰ کیاہے کہ ایران نے امریکا  کی تجویز پر پاکستان کو باضابطہ جواب بھجوادیا،ایران کا ردعمل ظاہر کرتا ہے ایران نے جنگ بندی کو مسترد کردیا ہے۔

ایرانی میڈیا  کے مطابق ایران جنگ کا مکمل اور مستقل خاتمہ چاہتا ہے۔

دوسری جانب ایرانی صدرنے انٹیلی جنس سربراہ جنرل مجید خادمی کی شہادت کی تصدیق کر دی ہے اور مسعود پزشکیان کا کہناتھا کہ ایران کی سلامتی اور عوام کی آزادی آپ کی قربانیوں کی وجہ سے ہے۔

ایرانی دفتر خارجہ کے ترجمان اسماعیل بقائی نے پریس بریفنگ کے دوران کہا کہ کسی ڈیڈ لائن کی وجہ سے اپنے وطن کے دفاع سے نہیں ہچکچائیں گے،مسلط کردہ جنگ کا خاتمہ ہماری خواہش لیکن دوبارہ شروع نہ کرنے کی ضمانت چاہتے ہیں۔

اسماعیل بقائی نے کہا کہ ضمانت یہ ہے کہ دشمن دوبارہ ایران کی خودمختاری پر حملہ کرنے کی ہمت نہ کرے،ایران دشمن کے خلاف تمام تر صلاحیتیں اور وسائل استعمال کرے گا،دشمن کو مجبور کریں گے کہ وہ اپنے کیے پر پچھتائے،یہ کارروائی امریکا کے لیے ایک تباہ کن رسوائی ثابت ہوئی،امریکا نے سبق سیکھ لیا ہوگا کہ اپنی خودمختاری کیلئے تمام ایرانی متحد ہو جاتے ہیں،بہادر خانہ بدوش اور ہمارے قبائل نے نمایاں کردار ادا کیا،ایران ہر حال میں اپنی قومی خودمختاری اور وقار کا دفاع کرے گا۔

امریکی صحافی ٹکر کارلسن نے امریکا کی موجودہ صورتحال کو عالمی طاقت کا خاتمہ قرار دیا۔

ایک ویڈیو میں ٹکر کارلسن کا کہنا ہے۔ یونی پولر ورلڈ کا اب خاتمہ ہوچکا۔ دوسری جنگ عظیم کے بعد جوامریکا وجود میں آیا وہ اب پہنچانا نہیں جارہا۔ ہم گلوبل امریکی سلطنت کا اختتام دیکھ رہے ہیں۔

قبل ازیں ایک انٹرویو میں معروف امریکی صحافی ٹَکر کارلسن نے انکشاف کیا ہے کہ اسرائیل پورے مشرقِ وسطیٰ کو اپنے لیے خطرہ سمجھتا ہے اور ان خلیجی ممالک کو صفحہ ہستی سے مٹانا چاہتا ہے۔

ٹکر کارلسن نے دعویٰ کیا ہے کہ سعودی عرب اور قطر میں اسرائیلی خفیہ ایجنسی موساد کے ایجنٹس کو گرفتار کیا گیا ہے، یہ ایجنٹس سعودی عرب اور قطر میں بڑے پیمانے پر بم دھماکے کرنے کی منصوبہ بندی کر رہے تھے ، ان گرفتاریوں کو ابھی تک منظرِ عام پر نہیں لایا گیا تاکہ علاقائی استحکام کو مزید نقصان نہ پہنچے۔

ایران نے امریکا کے ساتھ جنگ بندی کی تجویز مسترد کردی۔

ترک میڈیا نے ترجمان ایرانی وزارت خارجہ اسماعیل بقائی کے حوالے دعویٰ کیا ہے کہ  ایران مستقبل میں دوبارہ جنگ نہ ہونے کی ضمانت کا مطالبہ کرتا ہے۔

قبل ازیں سینئر ایرانی عہدیدار نے رائٹرز سے گفتگو کرتے ہوئے تصدیق کی ہے کہ ایران کو پاکستان کی جانب سے جنگ بندی تجاویز کا مسودہ مل گیا ہے۔ مسودے کا جائزہ لے رہے ہیں۔ ایران فیصلے کیلئے کسی ڈیڈ لائن یا دباؤ کو قبول نہیں کرے گا۔

ایرانی حکام کے مطابق امریکا مستقل جنگ بندی کیلئے تیار نہیں ہے، تہران عارضی جنگ بندی کیلئے آبنائے ہرمز نہیں کھولے گا۔

واضح رہے کہ برطانوی خبر ایجنسی رائٹرز کے مطابق امریکا اور ایران کو جنگ ختم کرنے کا منصوبہ مل گیا۔ رپورٹ کے مطابق حتمی معاہدے کی تجویز میں ایران کی جانب سے جوہری ہتھیاروں سے دستبرداری شامل ہے۔ مشرق وسطیٰ میں کشیدگی ختم کرنے کے پلان پر آج ہی رضامندی ضروری ہے۔

امن منصوبے کا خاکہ پاکستان نے تیار کیا جو دو مرحلوں پر مشتمل ہے۔ پہلے مرحلے  میں فوری جنگ بندی ہوگی اور آبنائے ہرمز کو کھول دیا جائے گا۔ دوسرے مرحلے میں 15 سے 20 دن کے اندر ایک جامع معاہدے کو حتمی شکل دی جائے گی۔

 ممکنہ معاہدے کو عارضی طور پر اسلام آباد اکارڈ کا نام دیا گیا ہے۔ حتمی مذاکرات اسلام آباد میں متوقع ہیں۔ رپورٹ کے مطابق معاہدہ طے ہونے کی صورت میں ایران ایٹمی ہتھیاروں سے دستبردار ہوکر اپنے ایٹمی پروگرام کو محدود کرے گا۔ بدلے میں ایران پر عائد پابندیاں نرم کی جائیں گی اور منجمد اثاثے بحال ہونگے۔ معاہدے میں آبنائے ہرمز کے لیے ایک علاقائی فریم ورک بھی شامل ہوگا۔

ترجمان ایرانی فوج  نےکہا ایران میں پلوں اور پیٹرو کیمیکل تنصیبات پر حملوں کا جواب دے دیا،حیفا میں اسرائیلی طیاروں کو ایندھن فراہم کرنے والی ریفائنری کو تباہ کردیا ہے۔

ایرانی فوج کےترجمان ابراہیم ذوالفقاری نے پریس بریفنگ میں کہامتحدہ عرب امارات میں ایکسن موبل اور شیورون گیس کے مراکز،اورامریکی پیٹرو کیمیکل فیکٹری پرمیزائل حملہ کیا گیا،یہ فیکٹری امریکی طیاروں کیلئے عسکری ساز و سامان تیار کرتی ہے۔

ترجمان ایرانی فوج نےبتایاکہ بحرین میں امریکی پیٹروکیمیکل فیکٹری پر ڈرون حملہ کیا،ڈرون حملے میں صنعتی مرکز کےاہم حصے تباہ ہوگئے،کویت میں الشعیبہ پیٹرو کیمیکل فیکٹری پرحملے کےبعد آگ بھڑک اٹھی۔

ایرانی نائب صدر نےشریک یونیورسٹی پر امریکا کی جانب سےکی جانے والی بمباری پر ردعمل دیتے ہوئے کہا یونیورسٹی پر بنکر بسٹر بم گرانا ٹرمپ کی جاہلیت اور پاگل پن کا اظہارہے۔

ایرانی نائب صدر نےکہاکنکریٹ کی عمارت تباہ کرنےسےایرانی علم کوتباہ نہیں کیاجاسکتا،ہمارے پروفیسرز اوراساتذہ ہی علم کا مضبوط قلعہ ہیں،دنیا کی کوئی بھی سفاکیت ایرانی عوام اور سائنس کا الگ نہیں کرسکتی۔

دوسری جانب تہران کی یونیورسٹی پربمباری پرامریکی کانگریس وومن یاسمین انصاری نےبھی کڑی تنقید کی ہے،کہاشریف یونیورسٹی آف ٹیکنالوجی ایران کی ایم آئی ٹی ہے،اس یونیورسٹی سےکئی انجینیئرز سیلیکون ویلی تک پہنچے،ایرانی انجینیئرز نےکامیاب ترین امریکی کمپنیوں کی بنیاد رکھی،ہم ایک کروڑ کی آبادی والے شہر میں یونیورٹی پر بمباری کیوں کررہے ہیں۔

مشرق وسطیٰ جنگ کی وجہ سے پاکستانی برآمدات متاثر ہونے لگیں۔ مارچ میں ٹیکسٹائل برآمدات 6.64 فیصد کمی کے ساتھ ایک ارب 35 کروڑ ڈالر تک محدود رہیں۔ مالی سال کے پہلے 9 ماہ میں بھی ٹیکسٹائل برآمدات کم ہو کر 13 ارب 61 کروڑ ڈالر پر آگئیں۔

مشرق وسطیٰ کی کشیدگی کے باعث پاکستانی برآمدات پر منفی اثرات جاری ہیں۔ مارچ 2026 میں ٹیکسٹائل برآمدات 6.64  فیصد کمی کے بعد ایک ارب 35 کروڑ ڈالر رہیں جبکہ گزشتہ سال اسی ماہ یہ برآمدات ایک ارب 44 کروڑ ڈالر تھیں۔

مالی سال کے پہلے نو ماہ میں ٹیکسٹائل برآمدات کم ہو کر 13 ارب 61 کروڑ ڈالر رہ گئیں۔دستاویز کے مطابق مجموعی گڈز ایکسپورٹس میں بھی نمایاں کمی ریکارڈ کی گئی اور جولائی تا مارچ برآمدات 8.04 فیصد کم ہو کر 22 ارب 73 کروڑ ڈالر تک محدود رہیں۔

اسی عرصے میں درآمدات 6.64 فیصد اضافے کے ساتھ 50 ارب 53 کروڑ ڈالر تک پہنچ گئیں جس کے باعث تجارتی خسارہ 22 ارب 68 کروڑ ڈالر سے بڑھ کر 27 ارب 80 کروڑ ڈالر ہوگیا۔ماہرین کے مطابق شپمنٹ میں تاخیر اور فریٹ چارجز میں اضافہ ٹیکسٹائل برآمدات میں کمی کی بڑی وجوہات ہیں۔

ایرانی پاسدارانِ انقلاب (آئی آر جی سی) کے انٹیلی جنس سربراہ امریکی و اسرائیلی حملے میں شہید ہو گئے۔

ایرانی میڈیا کے مطابق ایرانی پاسدارانِ انقلاب نے تصدیق کی ہے کہ اسلامی انقلابی گارڈ کور (آئی آر جی سی) کے انٹیلی جنس ادارے کے سربراہ میجر جنرل مجید خادمی ایک امریکی اسرائیلی حملے میں شہید ہو گئے ہیں۔

پاسدارانِ انقلاب کے بیان کے مطابق مجید خادمی گزشتہ تقریباً 5 دہائیوں سے ایران کے انٹیلی جنس اور سیکیورٹی نظام میں کلیدی کردار ادا کر رہے تھے۔

قبل ازیں اسرائیل کے وزیرِ دفاع نے دعویٰ کیا تھا کہ اسرائیلی فوج نے دارالحکومت تہران میں ایک کارروائی کے دوران ایرانی پاسدارانِ انقلاب (آئی آر جی سی) کے انٹیلی جنس ادارے کے سربراہ میجر جنرل مجید خادمی کو شہید کر دیا ہے۔

برطانوی خبر ایجنسی رائٹرز کے مطابق امریکا اور ایران کو جنگ ختم کرنے کا منصوبہ مل گیا۔

رپورٹ کے مطابق حتمی معاہدے کی تجویز میں ایران کی جانب سے جوہری ہتھیاروں سے دستبرداری شامل ہے۔ مشرق وسطیٰ میں کشیدگی ختم کرنے کے پلان پر آج ہی رضامندی ضروری ہے۔

مجوزہ منصوبے میں پہلے جنگ بندی اور پھر حتمی معاہدہ شامل ہے ۔ منصوبے پر اتفاق ہوگیا تو 20 دن میں حتمی معاہدہ طے پانے کی راہ ہموار ہوگی ۔ فوری طور پر جنگ بندی ہوگی اور آبنائے ہرمز کو کھول دیا جائے گا۔

رپورٹ کے مطابق فیڈ مارشل سید عاصم منیر نے امریکی نائب صدر جے ڈی وینس، ڈونلڈ ٹرمپ کے نمائندہ خصوصی اسٹیو وٹکوف اور ایرانی وزیر خارجہ عباس عراقچی سے رابطے کیے۔

امن منصوبے کا خاکہ پاکستان نے تیار کیا جو دو مرحلوں پر مشتمل ہے۔ پہلے مرحلے  میں فوری جنگ بندی ہوگی اور آبنائے ہرمز کو کھول دیا جائے گا۔ دوسرے مرحلے میں 15 سے 20 دن کے اندر ایک جامع معاہدے کو حتمی شکل دی جائے گی۔

 ممکنہ معاہدے کو عارضی طور پر اسلام آباد اکارڈ کا نام دیا گیا ہے۔ حتمی مذاکرات اسلام آباد میں متوقع ہیں۔ رپورٹ کے مطابق معاہدہ طے ہونے کی صورت میں ایران ایٹمی ہتھیاروں سے دستبردار ہوکر اپنے ایٹمی پروگرام کو محدود کرے گا۔ بدلے میں ایران پر عائد پابندیاں نرم کی جائیں گی اور منجمد اثاثے بحال ہونگے۔ معاہدے میں آبنائے ہرمز کے لیے ایک علاقائی فریم ورک بھی شامل ہوگا۔

سینئر ایرانی عہدیدار نے رائٹرز سے گفتگو کرتے ہوئے تصدیق کی ہے کہ ایران کو پاکستان کی جانب سے جنگ بندی تجاویز کا مسودہ مل گیا ہے۔ مسودے کا جائزہ لے رہے ہیں۔ ایران فیصلے کیلئے کسی ڈیڈ لائن یا دباؤ کو قبول نہیں کرے گا۔ ہمیں لگتا ہے کہ امریکا مستقل جنگ بندی کیلئے تیار نہیں ہے، تہران عارضی جنگ بندی کیلئے آبنائے ہرمز نہیں کھولے گا۔

ایران نے اسرائیل پر میزائلوں کی بارش کردی۔ حیفا شہر میں کئی اہم تنصیبات ملبے کا ڈھیر بن گئے۔

تازہ ایرانی حملوں میں 4 اسرائیلی ہلاک جبکہ متعدد زخمی ہوگئے۔ تل ابیب میں 15 مقامات پر ایرانی میزائل اہداف پر گرے۔ ایک اسرائیلی زخمی کئی عمارتیں تباہ ہوگئیں۔ واٹر لائن پھٹنے سے پانی گھروں میں داخل ہوگیا جگہ جگہ دھویں کے بادل اٹھ رہے ہیں۔

متحدہ عرب امارات کے شہر الفجیرہ میں ٹیلی کام بلڈنگ پر ڈرون حملہ کیا گیا۔ اماراتی فورسز نے ابوظبی میں مصفح انڈسٹریل زون پرمیزائل حملہ ناکام بنا دیا۔ ملبہ گرنے سے انڈسٹریل زون کو نقصان پہنچا۔ سعودی عرب میں بھی دو ڈرونز مار گرائے گئے۔

ایران کو جنگ بندی پر مجبور کرنے کیلئے امریکا اور اسرائیل نے حملے تیز کردیے۔

ایرانی میڈیا کے مطابق رات کو ہونے والی بمباری میں شہید ہونے والے ایرانیوں کی تعداد 34 ہوگئی۔ تہران میں متعدد مقامات پر بم گرائے گئے۔ 6 بچوں سمیت 23 شہریوں نے جام شہادت نوش کی۔

 ایران کے شہر قم میں پانچ اور ساحلی شہر بندر لنگہ میں چھ شہری امریکی اور صیہونی سفاکیت کا نشانہ بنے۔ تہران کی شریف یونیورسٹی پربھی بمباری کی گئی۔ جس سے عمارت کو شدید نقصان پہنچا۔ بیروت میں رہائشی عمارت پرحملے میں 8 افراد شہید اور 55 زخمی ہوگئے۔

ایرانی وزارتِ خارجہ کے ترجمان اسماعیل بقائی نے کہا ہے کہ اگر ایران کے انفراسٹرکچر کو نشانہ بنایا گیا تو ایرانی افواج بھی امریکا کی اسی طرح کی تنصیبات کو نشانہ بنائیں گی۔

الجزیرہ ٹی وی کو دیے گئے انٹرویو میں اسماعیل بقائی کا کہنا تھا کہ ’کسی ملک کے انفراسٹرکچر اور توانائی تنصیبات کو نشانہ بنانے کا مطلب یہ ہے کہ آپ اس ملک کی پوری آبادی کی زندگیوں کو خطرے میں ڈال رہے ہیں اور یہ ایک طرح سے جنگی جرم اور انسانیت کے خلاف جرم کے مترادف ہے۔

ترجمان ایرانی وزارتِ خارجہ نے کہا کہ موجودہ امریکی انتظامیہ کسی منطق اور قانون کو نہیں مانتی اور بنیادی اخلاقیات کے تقاضوں سے عاری ہے۔

اس سے قبل ایرانی صدر کے ترجمان مہدی طباطبائی نے کہا کہ آبنائے ہرمز کو اسی صورت میں کھولا جائے گا، جب ایران ٹرانزٹ ٹول کا ایک حصہ جنگ سے ہونے والے نقصانات کی تلافی کے لیے استعمال نہیں کر لیتا۔

واضح رہے کہ ایران نے یہ عندیہ دے رکھا ہے کہ وہ آبنائے ہرمز سے گزرنے والے جہازوں سے ٹول وصول کرے گا۔

ایران کی سینٹرل ملٹری کمانڈ کے جنرل علی عبداللہ علی آبادی نے کہا کہ ٹرمپ کی دھمکی ایک ’بے بس، اعصاب شکن، غیر متوازن اور احمقانہ اقدام‘ ہے۔

ایران نے کہا ہے کہ ورلڈ کپ میں اس کی شرکت اس وقت تک غیر یقینی ہے جب تک کہ فیفا اس کے میچز امریکا سے میکسیکو منتقل نہیں کرتا۔

ایرانی وزیر کھیل احمد دونیا مالی کا کہنا ہے کہ اُنھیں یقین نہیں ہے کہ ایرانی کھلاڑی امریکا میں محفوظ ہوں گے۔

خیال رہے کہ صدر ٹرمپ نے کہا تھا کہ ایران کا امریکہ میں کھیلنا انھیں خطرے میں ڈال سکتا ہے۔ اس بیان کے باوجود فیفا نے ایران کے میچز منتقل کرنے سے انکار کر دیا تھا۔

ایرانی فٹبال نیوزی لینڈ، بیلجیم اور مصر کے خلاف کیلیفورنیا اوور سیاٹل میں کھیلے گی۔ امریکا، میکسیکو اور کینیڈا میں شیڈول فیفا ورلڈ کپ کا آغاز 11 جون سے ہو رہا ہے اور یہ 19 جولائی تک جاری رہے گا۔

وزیراعظم شہبازشریف نے متحدہ عرب امارات کی بندرگاہ پر میزائل ملبہ گرنے پر تشویش کا اظہار کیا ہے۔

سوشل میڈیا پلیٹ فارم ایکس پر پیغام میں وزیراعظم نے کہا کہ یو اے ای کی خورفکان بندرگاہ پر میزائل ملبہ گرنے پر گہری تشویش ہے، اس واقعے میں پاکستانی شہریوں سمیت کئی عام افراد زخمی ہوئے۔ یقینی بنایا جارہا ہے کہ پاکستانیوں کو تمام ضروری مدد فراہم کی جاسکے۔

وزیراعظم نے کہا کہ زخمیوں کی جلد صحت یابی کے لیے دعاگو،یو اے ای حکام سے رابطے میں ہیں، پاکستان متحدہ عرب امارات کے عوام کے ساتھ یکجہتی کے ساتھ کھڑا ہے، پاکستان تحمل اور خطے میں کشیدگی کم کرنے کی فوری ضرورت کا اعادہ کرتا ہے۔

واضح رہے کہ امریکی اخبار وال اسٹریٹ جرنل نے ایک رپورٹ میں کہا ہے کہ علاقائی ممالک ایران کو مذاکرات کی میز تک لانے کی کوششوں میں مصروف ہیں۔ پاکستان ،مصر اور ترکیہ ایران کو مذاکرات کی میزپر لانے کی کوشش کررہے ہیں۔

رپورٹ کے مطابق امریکا اور ایران کے مابین ثالثی کرنے والے ممالک سیزفائر کیلئے ایڑی چوٹی کا زور لگارہے ہیں، امریکی ویب سائٹ کے مطابق پہلے مرحلے میں 45 روزہ سیزفائر اور اس کے بعد جامع اور حتمی معاہدے پر بات ہوگی۔ پس پردہ براہِ راست پیغامات کے ذریعے بھی رابطے جاری ہیں۔

امریکا اور ایران کے درمیان 45 دن کی جنگ بندی کا امکان ہے تاہم ایرانی حکام کا کہنا ہے کہ آبنائے ہرمز کبھی پرانے معمول پر نہیں آئے گا۔ ایرانی نیوی خلیج فارس میں  نئے نظام کے قیام کے لیے آپریشنز کی تیاری کررہی ہے۔

ایران کی اجازت سے 24 گھنٹوں میں 15 جہاز آبنائے ہرمز سے گزر گئے۔ ایرانی نیوی کمانڈر نے دھمکی دی ہے کہ آبنائے ہرمز کبھی پرانے معمول پر نہیں آئے گی۔ امریکا اور اسرائیل کیلئے تو صورتحال بالکل ایک جیسی نہیں ہوگی۔

دوسری جانب امریکی اخبار وال اسٹریٹ جرنل کے مطابق علاقائی ممالک ایران کو مذاکرات کی میز تک لانے کی کوششوں میں مصروف ہیں۔ پاکستان ،مصر اور ترکیہ ایران کو مذاکرات کی میزپر لانے کی کوشش کررہے ہیں۔

رپورٹ کے مطابق پاکستان، مصر اور ترکیہ کی کوشش کا مقصد جنگ کو روکنا ہے، جنگ روکنے کی کوششوں میں ابھی کوئی پیش رفت نہیں ہوئی۔ ایران نے آبنائے ہرمز کھولنے کی امریکی پیش کش پھر مسترد کیا ہے۔

خیال رہے کہ امریکی ویب سائٹ نے دعویٰ کیا ہے کہ امریکا اور ایران کے مابین ثالثی کرنے والے ممالک سیزفائر کیلئے ایڑی چوٹی کا زور لگارہے ہیں تاہم آئندہ 48 گھنٹوں میں بریک تھرو کی امید کم ہے۔

امریکی ویب سائٹ کے مطابق پہلے مرحلے میں 45 روزہ سیزفائر اور اس کے بعد جامع اور حتمی معاہدے پر بات ہوگی۔ پس پردہ براہِ راست پیغامات کے ذریعے بھی رابطے جاری ہیں۔

امریکا کی جانب سے پیش کردہ متعدد تجاویز ایران کو قبول نہیں۔ ثالث کاروں کے مطابق حتمی معاہدے میں آبنائے ہرمزکھولنا اوریورینیم افزودگی کا معاملہ شامل ہوگا۔

امریکی صدر نے منگل تک کی ڈیڈلائن دیتے ہوئے آج ایران سے معاہدے کا امکان ظاہر کیا تھا۔ مذاکرات کی کوششوں میں علاقائی ممالک بھی شامل ہیں جن میں پاکستان سرفہرست ہے۔ اس کے علاوہ ترکیہ اور مصر بھی اہم کردار ادا کررہے ہیں۔

ایران کی پاسدارانِ انقلاب نے دعویٰ کیا ہے کہ کہ متحدہ عرب امارات میں ایک حملے میں میں 25 امریکی فوجی مارے گئے۔

ایرانی پاسداران انقلاب کی آپریشن وعدہ صادق 4 کی 97ویں لہر کا آغاز ہوگیا، ترجمان کے مطابق خلیج فارس میں امریکی اور اسرائیلی اہداف کو نشانہ بنایا گیا۔ کویت میں امریکی فوج کے خفیہ ٹھکانے پر میزائل اور ڈرونز داغے۔

ایرانی پاسداران انقلاب کی جانب سے جاری بیان میں متحدہ عرب امارت میں 25 امریکی فوجیوں کو ہلاک اور زخمی کرنے کا دعویٰ کیا گیا ہے۔

مشرق وسطیٰ میں جاری جنگ کے اثرات پاکستان تک پہنچنے لگے۔ رواں مالی سال کے پہلے 9 ماہ میں تجارتی خسارہ 5 ارب ڈالر اضافے سے 28 ارب ڈالر تک پہنچ گیا۔ پاکستانی برآمدات میں بھی 8 فیصد سے زائد کمی ریکارڈ، حجم 23 ارب ڈالر سے نیچے آگیا۔ ٹیکسٹائل سیکٹر اور چاول سمیت متعدد غذائی اجناس کی برآمدات متاثر ہوئیں۔

مشرق وسطیٰ میں کشیدگی اور تجارتی راستوں کی بندش کے اثرات اب پاکستان کی معیشت پر بھی نمایاں ہونے لگے۔رواں مالی سال کے پہلے 9 ماہ کے دوران تجارتی خسارے میں تقریباً 23 فیصد یعنی 5 ارب ڈالر سے زائد اضافہ ریکارڈ کیا گیا۔ جولائی تا مارچ خسارہ بڑھ کر تقریباً 28 ارب ڈالر تک پہنچ گیا۔ گزشتہ مالی سال اسی عرصے میں تجارتی خسارہ22 ارب 67 کروڑ ڈالر تھا۔

وفاقی ادارہ شماریات کے مطابق جولائی تا مارچ پاکستانی برآمدات میں بھی 8فیصد یعنی 2 ارب ڈالر تک کمی آئی، جس کے بعد برآمدات24 ارب 71 کروڑ ڈالر سے کم ہوکر 22 ارب 73 کروڑ ڈالر رہ گئیں۔

دوسری جانب درآمدات میں اضافہ6.64 فیصد تک ریکارڈ کیا گیا۔مجموعی حجم 50 ارب ڈالر سے تجاوز کرگیا۔۔ٹیکسٹائل، چاول، پھل اور سبزیوں سمیت مختلف شعبے متاثر ہوئے۔

وقاقی ادارہ شماریات کی رپورٹ کے مطابق مارچ 2026 میں سالانہ بنیاد پر برآمدات میں 14.40 فیصد کمی آئی اور حجم 2 ارب 64 کروڑ ڈالر سے کم ہوکر 2 ارب 26 کروڑ ڈالر پر آگیا۔

 فروری کے مقابلے مارچ 2026 میں برآمدات میں 0.55  فیصد تک کمی آئی۔ گزشتہ ماہ سالانہ بنیاد پر درآمدات 5.57 فیصد تک کم ہوئیں اورحجم 5 ارب 27 کروڑ ڈالر سے کم ہو کر4 ارب 99 کروڑ رہ گیا۔

ماہانہ بنیاد پر درآمدات گرنے سے تجارتی خسارے میں 9.36 فیصد تک کمی ریکارڈ کی گئی۔ مشرق وسطٰی میں جنگ طویل ہونے سے تجارتی سرگرمیاں مزید متاثر ہونے کا خدشہ ہے۔

امریکی صدر کی دھمکیاں عالمی مارکیٹ میں جلتی پر تیل کا کام کررہی ہیں ۔ مشرق وسطیٰ میں جنگ اور آبنائے ہرمز کی مسلسل بندش کی وجہ سے عالمی منڈی میں تیل کی قیمتوں میں اتار چڑھاؤ جاری ہے۔

کاروباری ہفتے کے پہلے روز امریکی خام تیل 3 فیصد اضافے سے 115 ڈالر فی بیرل تک پہنچا تاہم اس وقت 111 ڈالر 23 سینٹ پرٹریڈ کررہا ہے۔ برطانوی برینٹ کروڈ 2.28 فیصد اضافے سے  111 ڈالر تک پہنچا جو کم ہوکر 109 ڈالر 84  سینٹ پرآگیا۔

دوسری جانب اوپیک ممالک نےمئی کیلئے تیل کی پیداوار بڑھانے کا فیصلہ کیا ہے۔ ترجمان کے مطابق مئی میں روزانہ کی بنیاد پر دولاکھ بیرل سے زائد تیل کی پیداوار بڑھائیں گے، تیل کی پیداوار بڑھانے کا مقصد توانائی کی مارکیٹوں میں جاری ہلچل کو روکناہے، سعودی عرب اور روس سمیت کئی خلیجی ممالک بھی تیل کی پیداوار بڑھانے متفق ہوئے۔

امریکی میڈیا کا دعویٰ ہے کہ امریکا، ایران اور علاقائی ثالثوں کے گروپ کی ممکنہ 45 روزہ جنگ بندی کی شرائط پر بات چیت ہورہی ہے۔

ایرانی توانائی تنصیبات پر حملوں کی ڈیڈ لائن میں دو دن سے بھی کم وقت رہ گیا،ثالثوں نے ڈیڑھ ماہ کی جنگ بندی کیلئے کوششیں تیز کردیں،ثالثوں میں پاکستان،مصر اور ترکیہ شامل ہیں،۔

امریکی ویب سائٹ کا ذرائع سےدعویٰ ہے کہ امریکا، ایران اور علاقائی ثالثوں کا ایک گروپ ممکنہ 45 دن کی جنگ بندی کی شرائط پر بات کر رہا ہے جو جنگ کے مستقل خاتمے کا باعث بن سکتی ہے۔

امریکی میڈیا کےمطابق ابتدائی طورپر 45روزہ جنگ بندی کی جائے گی،دوسرےمرحلےمیں ایک جامع اور حتمی امن معاہدہ پربات ہوگی،پس پردہ براہِ راست پیغامات کےذریعے بھی رابطےجاری ہیں،امریکا کی جانب سےپیش متعدد تجاویز ایران کوقبول نہیں ،48 گھنٹوں میں جزوی معاہدے کے امکانات کم ہیں، دوسری جانب وائٹ ہاؤس اور امریکی محکمہ خارجہ نے رپورٹ پر تبصرے سے گریز کیا ہے۔

امریکی صدر ڈونلڈ ٹرمپ  نے ایک بار پھر ایران کو دھمکی دیتےہوئے کہا ہے کہ مشرق وسطیٰ تنازع ہفتوں میں نہیں دنوں میں ختم ہونا چاہیے،اگر معاہدہ نہ ہوا تو بہت کم چھوڑ کر پورے ایران کو تباہ کیا جاسکتا ہے۔

امریکا اور اسرائیل کے تہران سمیت ایران کےمختلف شہروں پرشدید حملے جاری ہیں،جنوبی تہران میں بمباری سے 13افراد،قم میں بمباری سے 5افراد شہید ہوئے۔

نائب وزیر اعظم اور وزیر خارجہ اسحاق ڈار نے مشرق وسطیٰ کشیدگی کے تناظر میں سعودی عرب کے وزیر خارجہ شہزادہ فیصل بن فرحان سے ٹیلی فون پر گفتگو کی ہے۔

ترجمان دفترخارجہ کے مطابق دونوں رہنماؤں نے ٹیلیفونک گفتگو میں تازہ ترین علاقائی پیشرفت کا جائزہ لیا، امن و استحکام یقینی بنانے کیلئے کشیدگی میں کمی کی فوری ضرورت پر زور دیا گیا۔ دونوں رہنماؤں نے موجودہ علاقائی صورتحال میں قریبی رابطے میں رہنے پر اتفاق کرلیا۔

دوسری جانب چینی وزیرخارجہ وانگ یی کا روسی ہم منصب سے ٹیلی فونک رابطہ ہوا۔ آبنائے ہرمز اور مشرق وسطیٰ کی صورتحال پر تبادلہ خیال کیا گیا۔

چینی وزیرخارجہ نے کہا آبنائے ہرمز کی بحالی جلد جنگ بندی سے ہی ممکن ہے، چین نے ہمیشہ عالمی تنازعات کے خاتمے کیلئے مفاہمت پر زور دیا ۔ کہا چین ہمیشہ مسائل کو بات چیت اور مذاکرات سے حل کرنے کا حامی رہا ہے۔

ایران نے آبنائے ہرمز کے بعد آبنائے باب المندب میں بھی جہازوں کی آمدورفت بند کرنے کی دھمکی دیدی۔

ایران کے سینیئر عہدیدار علی اکبر ولایتی کا کہنا ہے کہ امریکا  نے ایران سے تاریخ سیکھ لی  لیکن جغرافیہ کو سمجھ نہ پایا، آبنائے ہرمز اور آبنائے باب المندب ہمارے لئے اہمیت رکھتے ہیں، امریکا نے غلطی دہرائی توعالمی تجارت روک دیں گے، ایک اشارے سے عالمی تجارتی نظام کو جام کرسکتے ہیں۔

قبل ازیں امریکی صدر ڈونلڈ ٹرمپ نے اپنے سوشل میڈیا پلیٹ فارم پر ایک سخت بیان جاری کیا ہے، جس میں انھوں نے ایران کو آبنائے ہرمز کو نہ کھولنے پر سنگین نتائج کی دھمکی دی ہے۔ ٹرمپ نے کہا کہ اگر ایران نے اس اہم تجارتی راستے کو نہ کھولا تو شہری تنصیبات کو نشانہ بنایا جائے گا اور ایران پر قیامت ٹوٹ پڑے گی۔

ٹرمپ نے اپنے بیان میں کہا کہ ’منگل ایران کے لیے پاور پلانٹ ڈے اور برج ڈے ہوگا۔ اگر آبنائے ہرمز نہ کھولی گئی تو تم جہنم میں دھکیل دیے جاؤ گے، بس دیکھتے جاؤ۔

دوسری جانب حوثی باغیوں نے اسرائیل اور امریکہ کو مشرقِ وسطیٰ میں جاری جنگ کے دوران حملوں کے لیے بحیرہ احمر کو استعمال کرنے کے خلاف خبردار بھی کیا ہے۔

ماہرین کے مطابق حوثیوں کی تنازع میں ​​شمولیت ’بڑی اہمیت‘ کی حامل ہے کیونکہ وہ ایک اور اہم بین الاقوامی تجارتی بحیرہ احمر پر بیٹھے ہیں۔ آبنائے ہرمز کی بندش کے بعد بحیرہ احمر کی ممکنہ بندش یہ ایک ڈراؤنا خواب ہے۔

اوپیک ممالک نے تیل کی پیداوار بڑھانے کا اعلان کردیا۔

ترجمان کے مطابق مئی میں روزانہ کی بنیاد پر دولاکھ بیرل سے زائد تیل کی پیداوار بڑھائیں گے، تیل کی پیداوار بڑھانے کا مقصد توانائی کی مارکیٹوں میں جاری ہلچل کو روکناہے، سعودی عرب اور روس سمیت کئی خلیجی ممالک بھی تیل کی پیداوار بڑھانے متفق ہوئے۔

واضح رہے کہ مشرق وسطیٰ میں جاری جنگ اور ٹرمپ کی جانب سے ایران پر مزید حملوں کے اعلان کے بعد خام تیل کی قیمتیں بڑھ گئیں۔ برینٹ خام تیل 6 فیصد اضافے کے بعد 107 ڈالرفی بیرل پر پہنچ گیا۔ امریکی خام تیل کی بھی 110 ڈالر میں فروخت ہوئی۔

تباہ شدہ امریکی طیارے کے پائلٹ کو نکالنے کےلیے آپریشن کے دوران امریکی بمباری سے 9 ایرانی شہید اور 8 زخمی ہوئے۔ اسرائیل کی جانب سے 24 گھنٹے کے دوران ایران پر 120 حملے کیے گئے۔ وسطی اور مغربی شہروں میں تنصیبات کو نشانہ بنایا۔

 ایرانی میڈیا کے مطابق ایک حملے میں ایرانی ایئر ڈیفنس اکیڈمی کے کمانڈر بریگیڈیئر جنرل مسعود زارے شہید ہوگئے۔ ایران کے صوبے فارس میں ہلال احمر کی گاڑی پر حملہ کیا گیا تاہم کوئی جانی نقصان نہیں ہوا۔

تہران، کراج اور دیگر مقامات پر بھی امریکی اور اسرائیلی افواج نے بمباری کی۔ گزشتہ روز پیٹروکیمیکل پلانٹ پر حملے میں شہادتوں کی تعداد 6 ہوگئی۔

 اہواز میں بین الاقوامی ہوائی اڈے کو بھی نشانہ بنایا گیا۔ اسرائیل کی لبنان میں وحشیانہ کارروائیاں جاری۔ دارالحکومت بیروت سمیت کئی شہروں میں بمباری سے 15 افراد شہید ہوگئے۔

امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر دوسرے امریکی فضائیہ کے اہلکار کی بازیابی سے متعلق ایک نیا پیغام جاری کیا ہے۔

اپنے بیان میں انھوں نے کہا کہ ہم نے شدید زخمی مگر نہایت بہادر ایف 15 کے عملے کے رکن یعنی ائیرمین کو ایران کے پہاڑی علاقے سے بحفاظت نکال لیا۔

ڈونلڈ ٹرمپ نے مزید لکھا کہ ’ایرانی فوج بڑی تعداد میں ہمارے ائیرمین کی تلاش میں تھی اور قریب پہنچ چُکی تھی۔ ٹرمپ نے مزید کہا کہ ’اس نوعیت کے آپریشنز خطرات کے باعث شاذ و نادر ہی کیے جاتے ہیں کیونکہ اس میں اہلکاروں اور سازوسامان دونوں کو شدید خطرہ ہوتا ہے۔

امریکی صدر کا کہنا تھا کہ دوسرا آپریشن پہلے کے بعد کیا گیا، جس میں ہم نے پائلٹ کو دن کی روشنی میں بچایا اور اس دوران ہم نے ایران کی فضائی حدود میں سات گھنٹے گزارے۔

انھوں نے اس کارروائی کو ’بہادری اور مہارت کی شاندار مثال‘ قرار دیتے ہوئے کہا کہ وہ پیر کو دوپہر ایک بجے اوول آفس میں فوجی حکام کے ہمراہ ایک پریس کانفرنس کریں گے۔

امریکی صدر ڈونلڈ ٹرمپ کا کہنا ہے کہ کل تک ایران کے ساتھ معاہدہ کرنے میں کامیاب ہوجائیں گے، اگر ڈیل نہ ہوئی ایران کے  تیل پر قبضہ کرنے پر غور کر رہا ہوں۔

فاکس نیوز سے گفتگو میں صدر ڈونلڈ ٹرمپ نے کہا کہ اگر ایران معاہدہ نہیں کرتا تو میں ہر چیز کو تباہ کرسکتا ہوں، اگر ڈیل نہ ہوئی ایران کے  تیل پر قبضہ کرنے پر غور کر رہا ہوں، مجھے لگتا ہے کل تک ایران کے ساتھ معاہدہ کرنے میں کامیاب ہوجائیں گے۔

امریکی صدر نے کہا کہ ہم نے ایرانی مظاہرین اور  کردوں کو بہت سے ہتھیار بھیجے، میرا خیال ہے  کردوں نے  ہتھیار اپنے پاس رکھ لئے ہیں۔

دوسری جانب امریکی صدر ڈونلڈ ٹرمپ نے اپنے سوشل میڈیا پلیٹ فارم پر ایک سخت بیان جاری کیا ہے، جس میں انھوں نے ایران کو آبنائے ہرمز کو نہ کھولنے پر سنگین نتائج کی دھمکی دی ہے۔ ٹرمپ نے کہا کہ اگر ایران نے اس اہم تجارتی راستے کو نہ کھولا تو شہری تنصیبات کو نشانہ بنایا جائے گا اور ایران پر قیامت ٹوٹ پڑے گی۔

ٹرمپ نے اپنے بیان میں کہا کہ ’منگل ایران کے لیے پاور پلانٹ ڈے اور برج ڈے ہوگا۔ اگر آبنائے ہرمز نہ کھولی گئی تو تم جہنم میں دھکیل دیے جاؤ گے، بس دیکھتے جاؤ۔

ایرانی پاسداران انقلاب نے دعویٰ کیا ہے کہ ریسکیو مشن کے دوران امریکا کے دو سی ون تھرٹی طیارے، دو بلیک ہاک ہیلی کاپٹرز اور کئی ڈرونز کو تباہ کیا گیا۔ بی بی سی نے آپریشن میں چار ہلاکتوں کا دعویٰ بھی کیا ہے۔

ایرانی فوج نے ٹرمپ کا الٹی میٹم مسترد کردیا کہا ایرانی توانائی تنصیبات پر حملوں کی صورت میں خطے کو امریکا کیلئے جہنم بنادیں گے۔

ایرانی اسپیکرمحمد باقر قالیباف نے امریکی طیاروں کے ملبے کی تصاویرشیئرکردیں۔ طنزکیا کہ امریکا کو ایسی تین کامیابیاں اور ملیں تووہ تباہ و برباد ہوجائے گا۔

قبل ازیں امریکی فوج نے ایران میں گرنے والے طیارے کے دوسرے پائلٹ کو بحفاظت ریسکیو کرلیا تھا، امریکی صدر نےکہا امریکی فوج نے تاریخ کا سب سے خطرناک ریسکیو آپریشن کیا،پائلٹ کو نکالنے کیلئےدرجنوں طیاروں کو ایرانی حدود میں بھیجا گیا،جوخطرناک ترین ہتھیاروں سے لیس تھے،معزز کرنل اب بالکل محفوظ اور خیریت سے ہیں۔

صدرٹرمپ نےکہا دو ہوا بازوں کو دشمن کےعلاقے سے بچانےکا یہ عسکری تاریخ میں پہلا موقع ہے،ہم کبھی بھی کسی امریکی سپاہی کو میدان میں تنہا نہیں چھوڑیں گے،طیارے کے پائلٹ کو دو روز قبل ہی امریکی فوج نے ریسکیو کرلیا تھا،ریسکیو مشن کے دوران کوئی امریکی ہلاک یا زخمی نہیں ہوا۔

ابو ظہبی کے حکام کے مطابق بوروج پیٹروکیمیکلز پلانٹ میں ’متعدد مقامات پر آگ‘ لگنے کے واقعات پیش آئے۔ انتظامیہ کی جانب سے ایکس پر جاری ایک بیان میں کہا گیا کہ پلانٹ میں آگ فضا میں ناکارہ بنائے جانے والے میزائل اور ڈرونز کا ملبہ اس پر گرنے سے لگی۔

 گزشتہ روز بھی انتظامیہ کی جانب سے کہا گیا تھا کہ مُلکی دفاعی نظام کی جانب سے مبینہ طور پر ایران سے داغے جانے والے میزائلوں اور ڈرونز کو ناکارہ بنانے کے لیے ہونے والی کارروائیاں جاری ہیں۔

بحرین میں گلف پیٹروکیمیکل انڈسٹریز کمپنی کا کہنا ہے کہ اس کی ایک تنصیب ڈرون حملے کی زد میں آئی، تاہم سرکاری خبر رساں ادارے کے مطابق اس تنصیب کی ایک جانب لگنے والی آگ پر اب قابو پا لیا گیا ہے۔ سرکاری خبر رساں ادارے کی جانب سے باپکو انرجیز میں ایک ٹینک میں لگنے والی آگ کی بھی اطلاع دی۔

کویتی حکام کے مطابق ایران کے ڈرون حملے میں کویتی آئل پلانٹ میں آگ لگ گئی ہے، ڈرون حملوں میں آئل تنصیبات کو شدید نقصان پہنچا، آگ پر قابو پانے کی کوششیں جاری، کوئی جانی نقصان نہیں ہوا۔

اسرائیلی حکام نے یہ بھی اطلاع دی ہے کہ رات بھر اور آج صبح ایران کی جانب سے مزید میزائل حملے کیے گئے اور اب کہا جا رہا ہے کہ مُلک کا دفاعی نظام میزائل اور ڈرونز کو نشانہ بنانے کے لیے فعال ہے۔

ایرانی اسپیکرمحمد باقر قالیباف نے امریکی طیاروں کے ملبہ کی تصویر شیئر کر دی۔

ایرانی اسپیکرمحمد باقر قالیباف نے کہا امریکا کو ایسی 3 کامیابیاں اور ملیں تووہ تباہ و برباد ہوجائے گا، ترجمان ایرانی فوج نےاصفہان میں امریکی طیاروں کے ملبے کا تفصیلی جائزہ لیا،امریکا کے 2 سی ون تھرٹی طیارے اور 2 ہیلی کاپٹر تباہ ہوئے ہیں۔

اسرائیلی فوج نےدعوی کیا ہے کہ 24 گھنٹے کے دوران ایران پر 120 حملے کیے،ایران کے وسطی اور مغربی شہروں میں تنصیبات کو نشانہ بنایا۔

پاسداران انقلاب نے امریکی صدر ڈونلڈ ٹرمپ کا الٹی میٹم مسترد کردیا،واضح کیا کشیدگی بڑھی تو پورا خطہ جہنم بن جائے گا۔

پاسداران انقلاب نےدعوی کیا ہےکہ ریسکیو آپریشن میں شریک ایک اورامریکی طیارہ اور دو ہیلی کاپٹر تباہ کیے، طیارہ ری فیولنگ کیلئے آیا تھا۔

امریکی اخبارنیویارک ٹائمزکا کہنا ہےکہ 2 ٹرانسپورٹ طیارے، جو کمانڈوز اور ایئر مین کو محفوظ مقام تک لے جانے کے لیے گئے تھے، ایران کے ایک دور دراز اڈے پر پھنس گئے۔

امریکی اہلکار کےمطابق بعد ازاں 3 نئےطیارے بھیجےگئےتاکہ امریکی افواج کووہاں سےنکالا جاسکے،کمانڈوز نےدونوں خراب طیاروں کو تباہ کر دیا تاکہ وہ ایرانیوں کے ہاتھ نہ لگ سکیں۔

واضح رہےکہ اس سے قبل امریکی صدر نے ایران میں گرنے والے ایف 15 طیارے کے ویپن آفیسر کو بازیاب کروانے کی تصدیق کی تھی۔

نیویارک ٹائمز امریکی فوج کے ریسکیو مشن کی تفصیلات سامنے لے آیا۔

نیویارک ٹائمز کےمطابق ایران سےامریکی ہوابازکوطبی امداد کیلئےکویت منتقل کردیاگیا ہے، 2 ٹرانسپورٹ طیارےتباہ ہونے کےباعث ریسکیومشن تاخیرکاشکارہوا،کمانڈوزکو نکالنے کیلئے مزید 3 طیارے ایرانی حدود میں اترے،واپسی سے پہلے ناکارہ ہونے والے امریکی طیاروں کو تباہ کیا گیا۔

نیویارک ٹائمزکے مطابق طیارہ تباہ ہونے پرامریکی ہواباز ایک پہاڑی علاقے میں اترا، شروع میں امریکی فوج کو بھی ہواباز کی لوکیشن کا علم نہیں تھا،ایرانی فوج کو دھوکا دینےکیلئےجعلی ریسکیو آپریشن شروع کیاگیا،ریسکیو مشن میں سیکڑوں اہلکار،درجنوں طیاروں نےحصہ لیا،ہوا بازمسلسل ایرانی فوج کو چکمہ دینےمیں کامیاب رہا،ایک مقام پر ہواباز کو 7 ہزار فٹ بلندی پر چڑھنا پڑا۔

امریکی فضائیہ مسلسل بمباری کرکےایرانی فورسز کو ہواباز سے دور رکھا،امریکی کمانڈوز اور ایرانی فورسز کے درمیان براہ راست تصادم نہیں ہوا۔

قاسم سلیمانی کی بیٹی نے امریکا میں خاندان والوں کی گرفتاری کی تردید کردی۔

قاسم سلیمانی کی بیٹی  زینب سلیمانی نے اپنے بیان میں کہاامریکا میں گرفتار افراد کا قاسم سلیمانی کے خاندان سے کوئی تعلق نہیں،قاسم سلیمانی کے خاندان سے متعلق امریکی وزیر خارجہ کا دعویٰ جھوٹا ہے۔

خیال رہے کہ گزشتہ روز امریکا نے قاسم سلیمانی کی دو رشتہ دار خواتین کو گرفتار کرنے کا دعوی کیا تھا، امریکی وزیرخارجہ مارکو روبیو نے کہا کہ حمیدہ سلیمانی افشار اور انکی بیٹی امریکا کی گرین کارڈ ہولڈر تھیں اور امریکا میں پُر تعیش زندگی گزار رہی تھیں، حمیدہ سلیمانی اور ان کی بیٹی دونوں کا گرین کارڈ منسوخ کر دیا ہے۔

امریکی فوج نے ایران میں گرنے والے طیارے کے دوسرے پائلٹ کو بحفاظت ریسکیو کرلیا،صدر ٹرمپ نے تصدیق کردی۔

سوشل میڈیا پر پیغام میں امریکی صدر نےکہا امریکی فوج نے تاریخ کا سب سے خطرناک ریسکیو آپریشن کیا،پائلٹ کو نکالنے کیلئےدرجنوں طیاروں کو ایرانی حدود میں بھیجا گیا،جوخطرناک ترین ہتھیاروں سے لیس تھے،معزز کرنل اب بالکل محفوظ اور خیریت سے ہیں۔۔

صدرٹرمپ نےکہا دو ہوا بازوں کو دشمن کےعلاقے سے بچانےکا یہ عسکری تاریخ میں پہلا موقع ہے،ہم کبھی بھی کسی امریکی سپاہی کو میدان میں تنہا نہیں چھوڑیں گے،طیارے کے پائلٹ کو دو روز قبل ہی امریکی فوج نے ریسکیو کرلیا تھا،ریسکیو مشن کے دوران کوئی امریکی ہلاک یا زخمی نہیں ہوا۔

دوسری جانب پاسداران انقلاب نےدعوی کیا ہے کہ ریسکیو مشن میں شریک امریکا کا ایک اور طیارہ تباہ کیا،امریکی طیارے کو اصفہان صوبےمیں مار گرایا گیا۔

کویت میں اہم تنصیبات ایرانی ڈرون کے نشانے پر،شوائخ آئل سیکٹر پر حملے کے بعد آگ بھڑک اٹھی، 2پاور پلانٹس اور سرکاری عمارت کو بھی نشانہ بنایا گیا،حملوں میں کوئی جانی نقصان نہیں ہوا۔

روسی میڈیا نےوزارت مالیات کےدفترمیں نقصان کی ویڈیو بھی جاری کردی،ایران کی جانب سے کویت کی گیس فیلڈ پر بھی حملہ کیا گیا۔

پاسداران انقلاب ایران نے امریکا کے صدرڈونلڈ ٹرمپ کوجنگ کا دائرہ بڑھانے سے خبردارکرتے ہوئےکہا ہے کہ پورے خطےکوامریکا کےلیےدوزخ میں تبدیل کردیں گے،بھولنا مت اگر جارحیت بڑھائی تو پورا خطہ تمھارے لیے دوزخ میں تبدیل کردیا جائے گا۔

ایران نےجوابی کارروائیوں میں تل ابیب سمیت اسرائیل کے کئی شہروں پرمیزائل اور ڈرون داغے،جس سے کئی گاڑیوں میں آگ بھڑک اٹھی۔

ایران میں گرنےوالےجہاز کےپائلٹ کا کچھ پتہ نہ چل سکا،ایران نےدعویٰ کیا ہے کہ امریکا نے ریسکیومیں ناکامی پر اپنے ہی پائلٹ کو ہلاک کرنے کےلئے بمباری کی ہے۔

ایران کوڈیل کرنے اور آبنائے ہرمز کھولنے کے 48 گھنٹے کے الٹی میٹم پر تیل کی قیمتوں میں ایک بار پھر اضافہ ہوگیا۔

امریکی ڈبلیوٹی آئی کروڈ آئل 11 اعشاریہ 4 ایک فیصد اضافے سے 111 اعشاریہ 5 چار ڈالر فی بیرل پر پہنچ گیا،اسی طرح برطانوی برینٹ کروڈ آئل گزشتہ 24 گھنٹوں میں 7 اعشاریہ 7 آٹھ فیصد اضافے سے 109 اعشاریہ 2 چار ڈالر فی بیرل پر ٹریڈ کرنےلگا۔

خیال رہے کہ امریکی صدر کا ایک بیان تیل کی عالمی قیمتوں پر بھی اثر انداز ہوتا ہے۔

 لبنانی وزارتِ صحت کے مطابق جنوبی لبنان پر ہونے والے تازہ فضائی حملے میں 2 بچیاں شہید جبکہ 22 افراد زخمی ہو گئے ہیں۔

وزارتِ صحت کا کہنا ہے کہ 2 مارچ سے جاری حملوں کے دوران اب تک مجموعی طور پر 1442 شہری شہید ہو چکے ہیں، جبکہ زخمیوں کی تعداد بڑھ کر 4 ہزار 294 تک پہنچ گئی ہے۔

حکام کے مطابق اسرائیلی حملوں کے باعث خطے میں انسانی بحران سنگین صورت اختیار کر رہا ہے اور متاثرہ علاقوں میں امدادی سرگرمیاں جاری ہیں۔

مشرق وسطیٰ جنگ میں ایران کی جانب سے امریکہ کو سخت جواب دینے کا سلسلہ جاری ہے اور امریکی فوج کو اب تک کا سب سے بڑا دھچکا  لگاہے،  ایک دن میں امریکا کے 8طیارے تباہ ہوئے یا انہیں ناقابل تلافی نقصان پہنچا  تاہم  امریکا نے دو لڑاکا طیارے تباہ ہونے کی تصدیق کردی۔

ایرانی میڈیا کے مطابق  پاسداران انقلاب نے اے 15 طیارے کو ایرانی حدود میں مار گرایا ، ریسکیو مشن پر آنے والا اے10   طیارہ بھی ایرانی دفاعی نظام کا نشانہ بنا ،  ایک اور اےٹین طیارہ کویت میں کریش لینڈنگ کے بعد تباہ ہوگیا ، کویت میں ہوائی اڈے پر کھڑا چنوک ہیلی کاپٹر بھی ڈرون حملےمیں تباہ ہوا ۔  دو ہیلی کاپٹر ایران میں ریسکیو مشن کے دوران فائرنگ کا نشانہ بنے ۔ ایک امریکی ایف سولہ طیارے نے عراق میں  اور کے سی ون تھرٹی فائیو  ٹینکر طیارے نے اسرائیل میں ہنگامی لینڈنگ کی ۔

ایرانی فوج نے بیان جاری کرتے ہوئے کہا کہ دشمن کے طیاروں کا مقابلہ کرنے کیلئے نیا دفاعی نظام نصب کردیا،امریکی طیاروں کو گرانے کیلئے نئے دفاعی نظام کا استعمال کیا،ہم اپنی فضائی حدود کا مکمل کنٹرول حاصل کرلیں گے۔ 

ایرانی میڈیا نے دعویٰ کیاہے کہ ایران نے انسانی بنیادوں پر آبنائے ہرمز سے سامان کی ترسیل کی اجازت دے دی ہے۔

ایرانی میڈیا کے مطابق بنیادی ضرورت کی اشیا اور انسانی امداد لے جانے والے جہازوں کو اجازت نامے جاری کر دیئے گئے،ایرانی بندرگاہوں یا بحیرہ عمان میں موجود جہازوں کو آمد و رفت کی اجازت ہوگی۔

دوسری جانب نائب وزیراعظم اسحاق ڈار نے ایرانی وزیر خارجہ کی وضاحت کی تعریف کرتے ہوئے کہا کہ میرے عزیز بھائی،آپ کی وضاحت کی دل سے قدر کرتا ہوں۔

ایرانی وزیر خارجہ

ایرانی وزیر خارجہ عباس عراقچی نے بیان جاری کرتے ہوئے کہا کہ ایران نے مذاکرات کیلئے پاکستان جانے سے کبھی انکار نہیں کیا، ہم امن کی کوششوں کیلئے پاکستان کے شکر گزار ہیں،امریکی میڈیا پر ایرانی موقف کو غلط انداز میں پیش کیا جارہا ہے، ہمیں غیر قانونی جنگ کے حتمی اور پائیدار خاتمے کی شرائط کی فکر ہے۔ ایرانی وزیر خارجہ نے اپنے پیغام کے آخر میں پاکستان زندہ باد لکھ دیا۔

انہوں نے کہا کہ یوکرین کے جوہری بجلی گھر پر مغرب کا شدید ردعمل کسی کو یاد ہے،امریکا اور اسرائیل بوشہر جوہری پاور پلانٹ پر 4 بار حملہ کرچکے ہیں،تابکاری پھیلی تو تہران نہیں بلکہ خلیجی ممالک میں زندگی کا خاتمہ کرے گی،ہمارے پیٹروکیمیکل مراکز پر حملے بھی اصل مقاصد کو ظاہر کرتے ہیں۔

ایرانی پارلیمان کے سپیکر محمد باقر قالیباف نے الجزیرہ سے گفتگو کرتے ہوئے کہا کہ ایران پڑوسی ممالک کے ساتھ دو طرفہ سفارتکاری کیلئے تیار ہے،اس جنگ کیلئے ہم نے تیاری کرلی تھی اپنے دفاع کی صلاحیت ثابت کردی۔

تفصیلات کے مطابق محمد باقر قالیباف نے کہا کہ یہ جنگ اسرائیل کی جنگ ہے،ایران اپنے دفاع میں امریکی اڈوں اور مفادات کو نشانہ بنانے پر مجبور ہوا،کشیدگی کا جواب امریکی مفادات کے خلاف ردعمل کے ذریعے دیں گے،مشرق وسطیٰ میں پائیدار امن تمام ممالک کے مفاد میں ہے،امریکا اور اسرائیل کے بغیر خطے کی سیکیورٹی کو یقینی بنانا چاہیے،خطے کے ممالک دو طرفہ معاہدوں کے ذریعے اپنا تحفظ کر سکتے ہیں،خطے میں عدمِ استحکام کے بنیادی اسباب کو ختم کرنا ضروری ہے۔

ایرانی وزیر خارجہ  عباس عراقچی نے اپنے بیان میں کہا ہےکہ ایران نے مذاکرات کیلئے پاکستان جانے سے کبھی انکار نہیں کیا۔

ایرانی وزیر خارجہ  عباس عراقچی نے اپنےبیان میں کہا امن کی کوششوں کیلئے پاکستان کے شکر گزار ہیں، امریکی میڈیا پر ایرانی موقف کو غلط انداز میں پیش کیا جارہا ہے،ہمیں غیر قانونی جنگ کے حتمی اور پائیدار خاتمے کی شرائط کی فکر ہے،ایرانی وزیرخارجہ نے اپنے پیغام کے آخر میں پاکستان زندہ باد لکھ دیا۔

آئی آرجی سی قدس فورس کےسربراہ اسماعیل قاآنی نے اپنے بیان میں کہا امریکی افواج کو خطے سے آخرکار پسپائی کاسامنا کرناہوگا،امریکی طیارہ بردارجہازجیرالڈفورڈ باب المندب سےگزرنےکی ہمت نہ کرسکا، جیرالڈ فورڈ کی پسپائی یمنی مزاحمت کے سامنے امریکی کمزوری کی دلیل ہے۔

امریکا اور اسرائیل خطے کو ایٹمی حادثے سے دوچارکرنے کی راہ پر ہے،دونوں ممالک نے ایران کے بوشہر ایٹمی بجلی گھر کے قریب ایک بار پھر بمباری کردی۔

ایرانی حکام نےعالمی ایٹمی توانائی ایجنسی کوحملے سےآگاہ کردیا،ایرانی حکام کےمطابق بمباری سے ایٹمی بجلی گھرکا ایک سیکیورٹی اہلکارجاں بحق ہوگیا،ایٹمی پاورپلانٹ کی عمارت کودھماکے کےجھٹکوں اور میزائل کے ٹکڑوں سے نقصان پہنچا۔

امریکا اوراسرائیل پہلےبھی جوہری پاورپلانٹ کےقریب بمباری کرچکےہیں جس عالمی ایٹمی توانائی ایجنسی نے تابکاری پھیلنے کے خدشے کا اظہار کیا تھا۔ 

ایران نے تمام یونیورسٹیوں میں کلاسز بحال کرنے کا فیصلہ کرلیا۔

ایرانی میڈیا رپورٹس کے مطابق تمام کلاسز ورچوئل ہونگی، کیمپسز بند رہیں گے،ورچوئل کلاسز اگلے نوٹس تک جاری رہیں گی،ایران میں جاری جنگ کے پیش نظر یونیورسٹیز اور اسکولز بند ہیں۔

ایران کےدارالحکومت تہران کےشمال میں متعدد دھماکوں اطلاعات موصول ہوئی ہیں،جس کے بعد شہریوں میں خوف و ہراس پھیل گیا۔

ان دھماکوں کےنتیجےمیں ہونے والے کسی بھی قسم کے جانی و مالی نقصان کی فی الحال اطلاعات سامنے نہیں آئی ہیں۔

ایرانی پاسداران انقلاب نے ریاض میں امریکی سفارتخانے پر حملے کی تردید کردی۔

پاسداران انقلاب کی جانب سے جاری بیان میں کہاگیاکہ ریاض میں ہونے والا حملہ صیہونیوں کی سازش، ہمارا تعلق نہیں،3 مارچ کو ہونے والےحملے میں سفارتخانےکی عمارت کو نقصان پہنچا تھا۔

ایرانی پاسدارانِ انقلاب نےکہا کہ ضروری ہےکہ ہمسایہ ممالک امریکی صہیونی اتحادکی سازشی کوششوں کےخلاف چوکس رہیں،امریکی صیہونی اتحادخطےکوغیرمستحکم اور تباہ کرنے کا ارادہ رکھتا ہے۔

وال اسٹریٹ جرنل کےمطابق حملے میں سفارتخانے کی تین منزلیں تباہ ہوئی تھیں۔

دوسری جانب ایرانی فوج نےاصفہان میں ایک اورامریکی ڈرون مارگرایا،ایم کیو ون ڈرون کو فضائی دفاعی نظام کے ذریعے تباہ کیا،اب تک امریکا کے 160 ڈرونز تباہ کرچکے ہیں۔

ایران نے صیہونی ریاست پر میزائلوں کی بوچھاڑ کردی،7 شہروں میں سترہ مقامات پر وار،تل ابیب سمیت مختلف علاقوں میں سائرن بج اٹھے،بنی براک میں متعدد اسرائیلی زخمی ہوگئے۔

متحدہ عرب امارات اورسعودی عرب پر بھی نئے ڈرون حملے کیےگئے،ابوظبی کی گیس تنصیبات میں آگ بھڑک اٹھی،میزائل کا ملبہ گرنے سے 12  افراد زخمی ہوگئے،بحری میں بھی ڈرون کا ملبہ گھر پرگرگیا،جس کے نتیجےمیں چار افراد زخمی ہوئے،اسرائیل اورامریکا کی ایران پر بھی جارحیت جاری ہے،تہران اور کاراج پر شدید بمباری کی گئی،

ایرانی صدر نےامریکا کی دوغلی پالیسی بےنقاب کردی،کہاجب میں امریکی عوام سےمخاطب تھاتب ہمارے رہنماؤں پرحملےکیےگیے،دنیا فیصلہ کرے کہ کون مذاکرات میں مصروف اورکون دہشتگردی میں ملوث ہے۔ 

پینٹاگون کی جانب سے ایران جنگ میں جانی نقصان کی تفصیلات جاری کردی گئیں۔

پینٹاگون کےمطابق ایران کے خلاف جنگ میں اب تک 13 اہلکار ہلاک، 365 زخمی ہوئے،زخمیوں میں امریکی فوج کے 247،بحریہ کے 63 فضائیہ کے 36 اہلکارشامل ہیں،حال ہی میں مشرق وسطیٰ پہنچنے والی میرینز کے 19 اہلکار بھی زخمی ہوئے۔

ایران نے امریکا کا ایک اور ہیلی کاپٹر تباہ کردیا،کویت میں چنوک ہیلی کاپٹر ڈرون حملے میں تباہ ہوئے،ایرانی میڈیا نے تباہ شدہ ہیلی کاپٹر کی تصاویر جاری کردی۔

ایرانی میڈیا کی جانب سےدعوی کیا گیا ہے کہ ایک دن میں 7 امریکی طیارے تباہ ہوئے یا نقصان پہنچا۔

ایرانی میڈیا رپورٹس کےمطابق اے 15 طیارےکو ایرانی حدود میں مارگرایاگیا،اے 10 جیٹ کو خلیج فارس میں تباہ کیاگیا،ویڈیوبھی جاری کردی گئی،اس کے علاوہ کویت میں چنوک ہیلی کاپٹر ڈرون حملےمیں تباہ ہوا،ریسکیو مشن میں شریک 2 ہیلی کاپٹر فائرنگ کی زد میں آئے،

ایرانی میڈیا کےمطابق دوسرے اے 10 طیارے نے ہٹ ہونے پر ایمرجنسی لینڈنگ کی،عراق میں ایف 16 طیارے کو ہنگامی بنیادوں پر اتار لیا گیا، اسرائیلی حدود میں کے سی 135 طیارے کی ایمرجنسی لینڈنگ کرائی گئی۔

امریکی صدر ڈونلڈ ٹرمپ نےکہا ہے کہ امریکی طیارہ گرائے جانے کے باوجود ایران سے مذاکرات جاری رہیں گے، جنگی صورتحال کے باوجود سفارتی عمل متاثر نہیں ہوگا،۔

امریکی صدر ٹرمپ نے کہا کہ یہ جنگ ہے اور ہم حالت جنگ میں ہیں، ابھی نہیں کہہ سکتا کہ لاپتہ عملے کے رکن کو نقصان پہنچایا گیا تو امریکا کیا اقدام کرے گا؟

دوسری جانب ایران نے مذاکرات سے صاف انکار کرتے ہوئےایرانی اعلیٰ حکام نے ثالثوں کو بھی آگاہ کر دیاکہا صدر ٹرمپ کے مطالبات کسی صورت نہیں مان سکتے،امریکی میڈیا کے مطابق جنگ بندی کیلئے ہونے والی ثالثی کی کوششیں امریکا کی وجہ سے ڈیڈ لاک کا شکار ہو گئیں۔

واضح رہےکہ ایران جنگ میں امریکا کے لیے گزشتہ روز ایک اور انتہائی خوفناک دن رہا، 3 طیارے مار گرائے گئے، 2 ہیلی کاپٹروں پر فائرنگ کی گئی،ایران نےامریکا کےاے 10 لڑاکا طیارےکوآبنائے ہرمز کے قریب مار گرایا، پائلٹ بچ نکلنےمیں کامیاب ہوا۔

ایران نے امریکی شرائط کو ناقابل قبول قرار دیتے ہوئے مذاکرات سے انکار کر دیا ۔

 امریکی میڈیا نے دعوی کیاہے کہ ایران کے اعلیٰ حکام نے ثالثوں کو بھی آگاہ کر دیا ہے کہ صدر ڈونلڈ ٹرمپ کے مطالبات قبول نہیں  ہیں اور امریکی حکام سے ملاقات سے بھی انکار کر دیاہے ۔

 اس طرح جنگ بندی کیلئے ہونے والی ثالثی کی کوششیں امریکا کی وجہ سے ڈیڈ لاک کا شکار ہو گئی ہیں۔

سی این این نے دعویٰ کیاہے کہ امریکہ نے ایران میں گرنے والے امریکی لڑاکا طیارے کے ایک پائلٹ کو ڈھونڈ کر ریسکیو کر لیا ہے۔
سی این این کے مطابق بازیاب ہونے والا اہلکار زندہ ہے، امریکی تحویل میں ہے اور اسے طبی امداد فراہم کی جا رہی ہے۔تاہم دوسرے پائلٹ کی حالت کے بارے میں تاحال کوئی واضح معلومات سامنے نہیں آ سکیں، جبکہ طیارہ گرنے کے بعد سرچ اینڈ ریسکیو آپریشن تاحال جاری ہے۔

ایک امریکی ذریعے نے تصدیق کی کہ تباہ ہونے والا طیارہ ایف 15 سٹرائیک ایگل  تھا، جو فضاء سے فضاء اور فضاء سے زمین تک حملے کرنے کی صلاحیت رکھتا ہے۔

واضح رہے کہ اس طیارے میں عموماً دو افراد سوار ہوتے ہیں، جن میں ایک پائلٹ اور دوسرا ویپن سسٹمز آفیسر شامل ہوتا ہے۔

ایرانی خبر ایجنسی تسنیم نیوز کے مطابق ایک پائلٹ پاسداران انقلاب کی تحویل میں ہے،  پائلٹ کو ڈھونڈنے کیلئے امریکا کے سی ون تھرٹی طیارے اور ہیلی کاپٹرز بھی علاقے میں پروازیں کرتے رہے۔ ایرانی میڈیا پر پائلٹ کو زندہ پکڑنے کیلئے انعام کے اعلانات بھی ہوتے رہے۔

ایران کے خاتم الانبیا مرکزی ہیڈکوارٹر کی جانب سے جاری ایک بیان میں دعویٰ کیا گیا ہے کہ ایران کی فضائی حدود میں ایک ایف 35 جنگی طیارے کو نشانہ بنایا گیا ہے۔

اس حوالے سے امریکی میڈیا کا کہناہے کہ ایران میں گرائے گئے طیارے کا ملبہ ایف 15 طیارے سے مطابقت رکھتا ہے، سینٹ کام نے ابھی تک طیارہ تباہ ہونے کی تصدیق نہیں کی۔

طیارے کا ملبہ ایرانی حدود میں گر ا،  پائلٹ نے پیراشوٹ کے ذریعے چھلانگ لگا دی جبکہ  ایرانی میڈیا پر پائلٹ کو زندہ پکڑنے کیلئے انعام کے اعلانات بھی ہوتے رہے۔

 ایرانی خبر ایجنسی تسنیم نیوز کے مطابق پائلٹ پاسداران انقلاب کی تحویل میں ہے،  پائلٹ کو ڈھونڈنے کیلئے امریکا کے سی ون تھرٹی طیارے اور ہیلی کاپٹرز بھی علاقے میں پروازیں کرتے رہے۔

ایرانی میڈیا کے مطابق امریکی پائلٹ کی تلاش کیلئے امریکی فوج کا ریسکیو مشن ناکام ہو گیاہے ، امریکی سی 130 طیارے اور بلیک ہاک ہیلی کاپٹروں نے سرچ آپریشن میں حصہ لیا۔

خاتم الانبیا مرکزی ہیڈ کواٹر

بی بی سی کے مطابق خاتم الانبیا مرکزی ہیڈکوارٹر کے ترجمان کرنل ابراہیم ذوالفقاری نے اپنے ایک اعلان میں دعویٰ کیا ہے کہ ایک ایف 35 جنگی طیارہ ’وسطی ایران کی فضاؤں میں‘ نشانہ بنائے جانے کے بعد ’گر کر تباہ‘ ہو گیا ہے۔

ایرانی ذرائع ابلاغ کا کہنا ہے کہ اس جنگی طیارے کو ’پاسدارانِ انقلاب کے جدید فضائی دفاعی نظام‘ کے ذریعے نشانہ بنایا گیا ہے۔

ایران کے خاتم الانبیا مرکزی ہیڈکوارٹر نے دعویٰ کیا ہے کہ طیارے پر حملے کے وقت اور گرنے کے دوران شدید دھماکے کے باعث اس بات کا امکان کم ہے کہ پائلٹ باہر نکلنے میں کامیاب ہوا ہو۔

امریکی اور اسرائیلی افواج کی قیادت کی جانب سے تاحال اس خبر پر کوئی ردِعمل سامنے نہیں آیا، تاہم امریکی سینٹرل کمانڈ نے کل ایران کے اس دعوے کی تردید کی تھی جس میں قشم جزیرے کے قریب ایک جنگی طیارہ مار گرانے کا کہا گیا تھا۔

اس سے تقریباً دو ہفتے قبل بھی ایران نے ایک ایف 35 جنگی طیارے کو نشانہ بنانے کا اعلان کیا تھا، جس پر امریکی سینٹرل کمانڈ نے کہا تھا کہ ایک امریکی ایف 35 جنگی مشن مکمل کرنے کے بعد ایران کے اوپر پرواز کے دوران کسی مسئلے کے باعث مشرقِ وسطیٰ میں امریکہ کے ایک اڈے پر ہنگامی لینڈنگ پر مجبور ہوا تھا۔

پاکستان کی مضبوط ہوتی معیشت پر مشرق وسطی جنگ کے منفی اثرات منڈلانے لگے۔ امریکی اشاعتی و نشریاتی ادارے بلوم برگ نے پاکستان کی معاشی صورتحال پر رپورٹ جاری کر دی ۔ کہا خوراک اور ایندھن کی قیمتیں بڑھنے سے مہنگائی میں مزید اضافہ ہوگا۔ پاکستان کی معیشت بیرونی امداد پر انحصار کر ہی ہے۔

عالمی ادارے بلوم برگ نے پاکستان کی معاشی صورت حال پر رپورٹ میں کہا ہے کہ پاکستان کی معیشت میں گزشتہ سال کی نسبت بہتری آئی ۔ گزشتہ سہ ماہی میں جی ڈی پی کی شرح نمو 3.9 فیصد رہی۔ گزشتہ مالی سال اسی مدت میں معاشی شرح نمو 1.73 فیصد تھی۔

رپورٹ کے مطابق معیشت میں بہتری کے باوجود خطرات برقرار ہیں۔ مرکزی بینک نے مہنگائی کے پیش نظر شرح سود برقرار رکھی ہے۔ مارچ میں مہنگائی بڑھ کر 7.3 فیصد ہو گئی۔ توانائی قیمتوں میں اتار چڑھاؤ سے معاشی صورتحال غیر یقینی کا شکار ہے۔ برآمدات  گیارہ ماہ کی کم ترین سطح پر آگئی ہیں۔ حکومت نے ایندھن بچانے کے اقدامات شروع کر دیئے ہیں۔

 رپورٹ کے مطابق حکومت نے تین ہفتے میں 139 ارب روپے خرچ کیے۔ ایندھن کی کھپت میں 10 فیصد اضافہ ریکارڈ کیا گیا۔ زرعی اور صنعتی شعبے کی ترقی سست جبکہ سروسز سیکٹر میں بہتری آئی ہے۔

امریکی خفیہ اداروں کی رپورٹ کے مطابق ایران کے آدھے سے زیادہ میزائل لانچر محفوظ ہیں، امریکا اور اسرائیل کی بمباری میں صرف 50 فیصد میزائل لانچر تباہ ہوئے۔

سی این این کی رپورٹ کے مطابق ایران کے پاس اب بھی ہزاروں خودکش ڈرونز موجود ہیں، خفیہ ایجنسی کی رپورٹ صدر ٹرمپ اور وزیردفاع کے دعوؤں کی نفی ہے۔ ٹرمپ انتظامیہ ایران کی میزائل اور ڈرونز کی 90 فیصد صلاحیت ختم کرنےکا دعویٰ کرتی ہے۔

دوسری جانب ایرانی فوج کے گراؤنڈ فورسز کے کمانڈر جنرل علی جہانشاہی کا امریکی صدر کو جواب دیتے ہوئے کہا کہ ہم آپ کی افواج کو پتھر کے زمانے سے بھی پیچھے بھیج دیں گے، ایرانی کمانڈوز کئی سالوں سے اس جنگ کی تیاری کررہے ہیں، ایران پر قدم رکھنے والوں کو یہیں دفن کردیں گے۔

سلامتی کونسل کے ایجنڈے سے آبنائے ہرمز سے متعلق قرار داد پر ووٹنگ ایجنڈے سے ہٹا دی گئی۔

اقوامِ متحدہ کی سلامتی کونسل کی جانب سے آبنائے ہرمز سے متعلق بحرین کی جانب سے پیش کی جانے والی ایک قرارداد پر ووٹنگ شیڈول سے ہٹا دی گئی ہے۔

جمعرات دو اپریل کو جاری کردہ شیڈول میں مشرقِ وسطیٰ سے متعلق ایک قرارداد پر ووٹنگ مقامی وقت کے مطابق آج گیارہ بجے مقرر تھی۔ تاہم جمعہ تین اپریل کے لیے اقوامِ متحدہ کی ویب سائٹ پر اب جاری شیڈول سے اس قرار داد پر ووٹنگ کی کارروائی کو ہٹا دیا گیا ہے۔

اجلاس سے ووٹنگ کی اس کارروائی کو ہٹانے کی کوئی وجہ نہیں بتائی گئی اور نہ ہی ابھی تک اس قرار داد پر ووٹنگ کے لیے کسی نئی تاریخ کا اعلان سامنے آیا ہے۔

واضح رہے کہ گزشتہ روز یہ خبر سامنے آئی تھی کہ اقوامِ متحدہ کی سلامتی کونسل جمعہ کو بحرین کی جانب سے پیش کردہ ایک مسودہ قرارداد پر ووٹنگ کرے گی، جس کا مقصد آبنائے ہرمز اور اس کے اطراف تجارتی جہازرانی کا تحفظ ہے، تاہم چین جس کے پاس ویٹو کا اختیار ہے کی جانب سے کہا گیا تھا کہ وہ طاقت کے استعمال کے لیے دی جانے والی کسی بھی اجازت کی مخالفت کرتا ہے۔

امریکی صدر ڈونلڈ ٹرمپ کی ایک بار پھر ایران کو سخت حملوں کی دھمکی دیدی۔

ڈونلڈ ٹرمپ نے سوشل میڈیا پر جاری پیغام میں کہا کہ ہماری فوج دنیا میں سب سے بڑی اور طاقتور ہے۔ امریکی فوج نے ایران میں باقی چیزوں کو تباہ کرنا شروع ہی نہیں کیا۔ انہوں نے کہا کہ اگلا نشانہ پل ہوں گے۔ پھر بجلی کے کارخانے۔ نئی قیادت جانتی ہے کیا کرنا ہےاور یہ کام فوراً ہونا چاہیے۔

ایرانی فوج کے ترجمان کا کہنا ہے کہ بجلی کے کارخانوں پر حملے ہوئے توخطے میں توانائی تنصیبات اور مواصلاتی ادارے ہمارا ہدف ہونگے۔ جن اداروں میں امریکی حصص ہیں ان کو نشانہ بنائیں گے۔

ایران میں امریکی فوج کی جانب سے ایک اور جنگی جرم کا انکشاف ہوا ہے۔

جنگ کے آغاز میں ایران کے شہر لامرد میں اسپورٹس کمپلیکس پر میزائل حملہ کیا گیا تھا جس میں 21 لڑکیاں شہید ہوئی تھیں۔ ایرانی حکام کے مطابق حملے کے وقت لڑکیاں والی بال کھیلنے میں مصروف تھیں۔

 ایرانی وزارت خارجہ کے ترجمان اسماعیل بقائی کے مطابق حملے میں امریکی پی آر ایم ایس میزائل استعمال کیا گیا۔ جس مقام پر حملہ کیا گیا وہاں زیادہ تر بچے موجود تھے۔

ایران نے امریکا کے طیارہ بردار بحری جہاز ابراہام لنکن پر کروز میزائلوں سے حملہ کیا ہے۔

پاسداران انقلاب نے دشمن کیخلاف 91 ویں لہر میں یو ایس ایس ابراہام لنکن کو نشانہ بنایا ہے۔ ایرانی بحریہ نے قیشم جزیرہ پر دشمن کا لڑاکا طیارہ بھی مار گرایا۔

ترجمان ایرانی پاسداران انقلاب کے مطابق امریکی ایف 35 طیارے کو ایرانی حدود میں تباہ کیا، طیارےکے پائلٹ سے متعلق ابھی تک کوئی اطلاع نہیں ملی، پائلٹ کے بچ جانے کا امکان نہ ہونے کے برابر ہے۔

اسرائیل کے مختلف شہروں پر بھی ایران نے میزائل حملے کیے، اسرائیل کا دفاعی نظام ناکام، ایرانی میزائل بلا رکاوٹ اہداف پر گرنے سے زور دار دھماکے ہوئے اور آگ کے شعلے بلند ہوگئے۔

علاوہ ازیں اردن کے الازرق فوجی اڈے پر بھی ڈورنز سے حملہ کیا گیا، بحرین میں ایمازون کی کلاوڈ فیسلیٹی بھی نشانہ بنانے کا دعویٰ کیا ہے۔

ایرانی فوج کے ترجمان نے کمیں گاہوں پر حملوں میں کئی امریکی فوجی ہلاک اور زخمی ہونے کا بھی دعویٰ کیا اور کہا امریکا اور اسرائیل اب ماضی سے کہیں زیادہ سخت حملوں کے لیے تیار رہیں۔

پاسدارانِ انقلاب نے دعویٰ کیا ہے کہ انھوں نے دبئی میں امریکی ٹیکنالوجی کمپنی کے ایک ڈیٹا سینٹر کو نشانہ بنایا ہے۔

پاسدارانِ انقلاب کے مطابق یہ حملہ گزشتہ روز کمال خرازی اور ان کی اہلیہ کے قتل کی کوشش کے جواب میں کیا گیا تاہم دبئی انتظامیہ نے ایران کی جانب سے اوراکل کمپنی پر حملے کے دعوے کی تردید کی ہے۔

پاسدارانے انقلاب نے اس سے قبل امریکہ کی 18 بڑی ٹیکنالوجی اور صنعتی کمپنیوں کی ایک فہرست جاری کی تھی جن میں مائیکروسافٹ، گوگل، ایپل، میٹا، انٹیل، آئی بی ایم، ٹیسلا اور بوئنگ شامل ہیں اور انھیں مشرقِ وسطیٰ میں اپنی تنصیبات کو نشانہ بنائے جانے کی دھمکی دی گئی تھی۔

پاسدارانِ انقلاب کے شعبۂ تعلقاتِ عامہ نے ایک بیان میں کہا کہ ’جیسا کہ ہم پہلے خبردار کر چکے تھے، ایرانی شخصیات کے قتل کے بدلے میں ہم اُن جاسوس ٹیکنالوجی اور مصنوعی ذہانت کی کمپنیوں کو نشانہ بنائیں گے جو دشمن کی دہشت گردانہ کارروائیوں کی بنیاد ہیں۔

ایران کے شہر کرج میں ایک پُل پر حملے کے بعد اپنے بیان میں وزیر خارجہ عباس عراقچی نے کہا ہے کہ سویلین مقامات بشمول زیر تعمیر پُلوں پر حملے ایرانیوں کو گھٹنے ٹیکنے پر مجبور نہیں کر سکتے۔

عباس عراقچی نے کہا کہ شہری علاقوں پر حملہ دشمن کی اخلاقی پستی  کامنہ بولتا ثبوت ہے، ہربلڈنگ اورہرپل پہلےسےبھی مضوط تعمیر کیے جائیں گے مگر امریکہ کی ساکھ کو پہنچنے والے نقصان کی کبھی تلافی نہیں ہوسکے گی۔

کرج میں پُل پر حملے کا حوالہ دیتے ہوئے ایرانی وزیر خارجہ نے کہا کہ صرف انتشار کا شکار دشمن کی شکست اور اخلاقی زوال کو ظاہر کرتے ہیں۔

خیال رہے اس سے قبل امریکی صدر ڈونلڈ ٹرمپ نے پُل پر حملے کی ایک ویڈیو سوشل میڈیا پر شیئر کی تھی اور کہا تھا کہ ایران کا ’سب سے بڑا پُل زمین بوس ہو گیا ہے، اب کبھی استعمال کے قابل نہیں رہے گا، آگے اور بھی بہت کچھ ہونے والا ہے۔

امریکی سیکریٹری دفاع پیٹ ہیگسیتھ نے فوج کے چیف آف سٹاف جنرل رینڈی جارج کو عہدہ چھوڑنے کے احکامات جاری کر دیے ہیں۔ جنرل رینڈی جارج کو سنہ 2027 تک اس عہدے پر رہنا تھا۔

ذرائع کے مطابق ہیگسیتھ چاہتے ہیں کہ جنرل رینڈی جارج کی جگہ ایسا افسر اس عہدے پر لایا جائے جو امریکی فوج کے لیے صدر ٹرمپ اور ان کے وژن پر عملدرآمد کرے۔ سیکریٹری دفاع ایک درجن سے زیادہ سینیئر فوجی افسران کو ان کے عہدوں سے ہٹا چکے ہیں۔

دوسری جانب امریکی محکمہ دفاع نے فوج کے چیف آف سٹاف جنرل رینڈی جارج کی ریٹائرمنٹ کی تصدیق کر دی ہے۔

پینٹاگون کے ترجمان شان پارنیل نے سوشل میڈیا پلیٹ فارم ایکس پر جاری ایک بیان میں کہا کہ جنرل رینڈی اے جارج فوری طور پر امریکی فوج کے 41ویں چیف آف سٹاف کے عہدے سے ریٹائر ہو رہے ہیں۔ انھوں نے کہا کہ محکمہ دفاع جنرل جارج کی دہائیوں پر محیط خدمات پر ان کا شکر گزار ہے۔

عالمی منڈی میں خام تیل کی قیمتوں میں مزید اضافہ جاری ہے اور برطانوی کروڑ آئل 109.37 ڈالر فی بیرل پر پہنچ گیاہے ۔

تفصیلات کے مطابق امریکی کروڈ آئل کی قیمت 110 اعشاریہ  34 ڈالر فی بیرل ہو گئی جبکہ برطانوی برینٹ کروڈ آئل 109.37ڈالر فی بیرل پر پہنچ گیا۔

قطر کا اقوام متحدہ کے سیکریٹری جنرل کو خط

قطر نے اقوام متحدہ کے سیکریٹری جنرل  انتونیو گوتریس کو خط  لکھ دیاہے جس میں خطے میں ایران کے حملوں کی شدید مذمت کی گئی ۔

قطری وزارت خارجہ کے مطابق خط میں ایرانی میزائل اور ڈرون حملوں کی تفصیلات بھی دی گئیں،خلیجی ممالک کے خلاف ایرانی اقدامات غیرقانونی ہیں،ایران تمام نقصانات کا معاوضہ ادا کرے،عالمی قوانین کے تحت ایران کے جواب دینے کا حق رکھتے ہیں۔

خلیجی ممالک نے آبنائے ہرمز کے متبادل کے طور پر نئی پائپ لائنز کی تعمیر پر غور شروع کردیا تاہم پائپ لائنز کی تعمیر تکنیکی طور پر انتہائی دشوار اور مالی طور پر بہت مہنگی ہے۔

عالمی جریدے ‘فائننشل ٹائمز’ نے اپنی تازہ ترین رپورٹ میں انکشاف کیا ہے کہ مشرقِ وسطیٰ کی تیزی سے بدلتی صورتحال کے پیشِ نظر خلیجی ممالک نے تیل کی ترسیل کے لیے آبنائے ہرمز کے متبادل راستوں کی تلاش شروع کر دی ہے۔

رپورٹ میں کہا گیا کہ خلیجی ریاستیں اب سمندری راستے کے بجائے نئی پائپ لائنز کی تعمیر کو ترجیح دینے پر غور کر رہی ہیں۔ پائپ لائنز کی تعمیر تکنیکی طور پر انتہائی دشوار اور مالی طور پر بہت مہنگی ہے، لیکن موجودہ حالات میں سمندری راستوں پر بڑھتے ہوئے خطرات کے باعث اسے ایک ناگزیر متبادل کے طور پر دیکھا جا رہا ہے۔

رپورٹ کے مطابق آبنائے ہرمز سے ہونے والی تیل کی یومیہ ترسیل، جو کسی زمانے میں 20 ملین بیرل تھی، اب 95 فیصد سے بھی کم رہ گئی ہے۔

سعودی عرب کی ایسٹ ویسٹ پائپ لائن کی موجودہ گنجائش محض 7 ملین بیرل یومیہ ہے، جو کہ آبنائے ہرمز کے ذریعے ہونے والی عالمی ترسیل کا نعم البدل نہیں بن سکتی۔

فائننشل ٹائمز نے خبردار کیا ہے کہ اگرچہ خلیجی ممالک متبادل راستوں پر کام کر رہے ہیں، لیکن یہ تمام تر کوششیں آبنائے ہرمز کی بندش یا وہاں سے ہونے والی ترسیل میں کمی کے خلا کو پُر کرنے کے لیے نا کافی ثابت ہو سکتی ہیں۔

روس نے ایران تنازعے کے حل کیلئے ثالثی کی پیش کش کردی۔

ترجمان روسی صدارتی آفس کی جانب سے کہا گیا ہے کہ روس ایران تنازع کے حل میں کردار ادا کرنے کیلئے تیار ہے،ایران تنازعے کا خاتمہ صرف صرف مکالمے کے ذریعے ہی ممکن ہے۔

ترجمان کا کہنا ہے کہ صدر پیوٹن خلیجی ممالک کے رہنماؤں کے ساتھ مسلسل رابطے میں ہیں،روس  نیٹو اتحاد کو اپنا دشمن اتحاد سمجھتا ہے۔

ایرانی آرمی چیف میجر جنرل امیر حاتمی کا کہنا ہے کہ اگر دشمن نے زمینی کارروائی کی  تو ایک بھی فوجی زندہ نہیں بچے گا، ایران فوج نے دشمن کو جواب دینے کی مکمل طور تیار ہے۔

ایرانی کمانڈر ان چیف امیر حاتمی نے آپریشنل ہیڈکوارٹرز کو الرٹ رہنے کی ہدایت کردی۔ کہا جنرل امیر حاتمی نے کہا کہ دشمن زمینی کارروائی کا منصوبہ بنارہا ہے،فوج الرٹ رہے، زمینی حملے کو ناکام بنانے کیلئے دشمن کی نقل وحرکت پر کڑی نظر رکھی جائے۔

دوسری جانب ایران کے سینیئر عہدیدار علی اکبر ولایتی نے کہا کہ جنگ ایران کی ثابت قدمی کے ساتھ ختم ہوگی، جارحین کے خوابوں کے ساتھ نہیں، آبنائے ہرمز صرف ایران کے دشمنوں کیلئے بند ہے، آبنائے ہرمز ایران کے دوستوں کیلئے کھلا ہے، جنگ ایران کی محتاط منصوبہ بندی اور طاقت کے ذریعے ختم ہوگی۔

دوسری جانب ایرانی پاسداران انقلاب کے ترجمان نے ایک بیان میں کہا کہ  ایران کی فوجی طاقت اور سازوسامان کے بارے میں دشمنوں کی معلومات نامکمل ہیں، امریکا اور اسرائیل ایران کی حقیقی صلاحیتوں سے ناواقف ہیں، ہم میزائل  ایسی جگہوں پر تیار کرتے ہیں جن کے بارے میں آپ کو کوئی علم نہیں، دشمن نے اب تک جن مراکز کو نشانہ بنایا گیا وہ غیر اہم تھے۔

واشنگٹن پوسٹ کے مطابق امریکا نے ایران کے یورینیم کو قبضے میں لینے کے لئے منصوبہ تیار کر لیا۔ امریکی فوج نے صدر ٹرمپ کو افزودہ یورینیم قبضے میں لینے کا منصوبہ پیش کردیا۔

رپورٹ کے مطابق منصوبہ زمینی فورسز داخل کرکے یورینیم نکالنے پر مشتمل ہے، منصوبے کیلئے کھدائی کے آلات، طیاروں کیلئے رن وے تعمیر کرنا ضروری ہے، منصوبے کی عملی مشکلات اور خطرات انتہائی زیادہ ہیں۔

واشنگٹن پوسٹ کے مطابق آپریشن میں یورینیم کی محفوظ منتقلی سب سے بڑا چیلنج ہے، یہ کارروائی ہوئی تو یہ جدید تاریخ کی سب سے پیچیدہ فوجی مہمات میں سے ایک ہوگی۔

ترجمان دفترخارجہ طاہرحسین اندرابی کا کہنا ہے کہ پاکستان، مصر، سعودی عرب اور ترکیہ کے گروپ کو کسی قسم کے فوجی اتحاد سے تشبیہ دینا قبل از وقت ہے۔ پاکستان کے ذریعے سے ایران پر دباؤ ڈلوانے کی بات غلط ہے۔

اسلام آباد میں ہفتہ وار بریفنگ کے دوران ترجمان دفترخارجہ طاہرحسین اندرابی نے کہا کہ پاکستان، امریکا ، یورپی شراکت داروں، خلیجی ممالک سے رابطے میں ہے، ہمارے جن ممالک سے رابطے ہیں ان میں سے بعض کےاسرائیل سے سفارتی تعلقات بھی ہیں۔

طاہرحسین اندرابی نے کہا کہ پاکستان کے ذریعے سے ایران پر دباؤ ڈلوانے کی بات غلط ہے، ایران آزاد اورخود مختار ملک ہے اس کی اپنی پالیسیز ہیں، ایران کی جانب سےروزانہ 2 پاکستانی جہازوں کو آبنائے ہرمز سے گزرنے کی اجازت دی گئی، فی الحال پاکستانی جہازوں کی نقل و حرکت کا شیڈول موجود نہیں۔

ترجمان دفترخارجہ نے کہا کہ ایرانی صدر مسعود پزشکیان نے وزیراعظم شہبازشریف سے اظہار تشکر کیا، ایرانی صدر نے ثالثی کے لیے اعتماد سازی کی فضا قائم کرنے پر زور دیا، وزیراعظم کی 31 مارچ کو یورپین کونسل کے صدر انٹونیوکوسٹا سے بات ہوئی۔

انہوں نے مزید کہا کہ پاک چین 5 نکات کو نہ صرف خطے بلکہ باہر سے بھی سراہا گیا، امریکی حکام کی طرف سے بھی بات چیت کے حق میں بیانات سامنے آئے ہیں، پاک چین 5 نکات دشمنی کے خاتمے اور قیام امن کے لیے ہیں۔

"آپریشن غضب للحق جاری ہے، کوئی تبدیلی نہیں آئی"

طاہرحسین اندرابی نے کہا کہ پاکستانی وفد نے ارمچی میں افغان حکام کے ساتھ بات چیت کی ہے، ارمچی میں ورکنگ لیول پر بات چیت ہو رہی ہے، ارمچی میں بات چیت میں حصہ لینا پاکستان کے موقف کا تسلسل ہے۔ افغانستان کےمعاملے پر چین کے کردار اور کاوشوں کو سراہتے ہیں۔

ترجمان دفتر خارجہ نے کہا کہ پاکستان، افغان سرزمین کا اپنے خلاف استعمال روکنا چاہتا ہے، افغانستان کی جانب سےاظہارتو ہےمگرعملی طور پر بھی ہونا چاہیے، طالبان نے ایسا ہی اظہار دوحا معاہدے میں بھی کیا تھا مگرعملی طورپردکھائی نہیں دیا، ہمیں افغان سرزمین کےدہشتگردی کیلئےاستعمال نہ ہونے کی تحریری ضمانتیں درکارہیں، آپریشن غضب للحق جاری ہے، کوئی تبدیلی نہیں آئی۔

ترجمان چینی وزارتِ خارجہ کا کہنا ہے کہ آبنائے ہرمز کے مسئلے کی بنیادی وجہ ایران میں غیر قانونی فوجی کارروائیاں ہیں۔ فریقین سے اپیل کرتے ہیں وہ فوجی کارروائیاں بند کردیں۔

امریکی صدر ڈونلڈ ٹرمپ کے خطاب پر ردعمل دیتے ہوئے ترجمان چینی وزارتِ خارجہ نے کہا کہ طاقت اور جنگ کسی مسئلے کا حل نہیں، فریقین سے اپیل کرتے ہیں وہ فوجی کارروائیاں بند کردیں، کشیدگی کے خاتمے کیلئے بات چیت کا راستہ اپنایا جائے۔

بیان کے مطابق آبنائے ہرمز کے مسئلے کی بنیادی وجہ ایران میں غیر قانونی فوجی کارروائیاں ہیں ، آبنائے ہرمز کو محفوظ بنانے کے لیے کشیدگی کا خاتمہ ضروری ہے، عالمی معیشت اور توانائی بحران کو  سنگین اثرات سے بچانے کیلئے اقدامات کئے جائیں۔

ایران نے امریکی صدر ڈونلڈ ٹرمپ کےخطاب پر ردعمل دیتے ہوئے کہا جنگ، مذاکرات اور جنگ بندی کے شیطانی چکر کو برداشت نہیں کریں گے

ترجمان ایرانی وزارت خارجہ کی جانب سےجاری بیان میں کہاگیاکہ جب تک حملےجاری رہیں گےایران جواب دیتارہےگا،ایران اپنے خلیجی ہمسایہ ممالک کو دشمن نہیں سمجھتا،ہمسائیہ ممالک سے اچھے تعلقات جاری رکھنے کیلئے پرعزم ہیں۔

ترجمان ایرانی وزارت خارجہ نےکہا امریکا اوراسرائیل دوست ممالک کی سرزمین استعمال کررہے ہیں،یہ غیر منصفانہ جنگ ہے،جو ایرانی عوام پرمسلط کی گئی،ہمارے پاس امریکی اسرائیل حملےکا جواب دینے کے سواکوئی چارہ نہیں۔

ایران نے صیہونی ریاست پر کلسٹر میزائل داغ دیے۔ تل ابیب سمیت کئی شہروں میں سائرن بج اٹھے۔

ایرانی حملوں سے حیفا اور بنی براک میں تباہی، عمارتوں کو نقصان پہنچا ۔ گاڑیوں کے شیشے ٹوٹ گئے۔ سات اسرائیلی زخمی ہوگئے۔ بحرین کے دارالحکومت میں امریکی بیس پر بھی ڈرون حملہ کیا ۔ آگ بھڑک اٹھی۔

بغداد میں امریکی سفارتی مرکز نشانہ  وکٹوریہ ایئربیس پر میزائل مارے۔ سعودی وزارت دفاع نے مزید چار ڈرونز مار گرانے کا دعویٰ کیا ہے۔

دوسری جانب آئندہ 24 سے 48 گھنٹوں میں عراقی ملیشیا کے حملے متوقع ہے۔ امریکی سفارتخانے نے امریکی شہریوں کو عراق چھوڑنے کی ہدایت کر دی۔

امریکی صدر ڈونلڈ ٹرمپ نے دھمکی دی ہے کہ یورپ آبنائے ہرمز کھلوانے میں شریک نہ ہوا تو یوکرین کو ہتھیار دینا روک دیں گے۔

فنانشنل ٹائمز نےرپورٹ میں کہاہےکہ ڈونلڈ ٹرمپ نے یوکرین کو ہتھیاروں کی فراہمی روکنےکی دھمکی دی ہے،امریکی صدر نےآبنائےہرمزکھلوانےکیلئےنیٹو اتحادیوں پردباؤ بڑھادیا ہے،دھمکی کےبعد نیٹوسیکریٹری جنرل نےفوری سفارتی رابطے تیزکر دیے۔

فنانشنل ٹائمز کےمطابق  آبنائے ہرمز بحران اوریوکرین جنگ اب ایک دوسرے سےجڑتے دکھائی دے رہے ہیں، عالمی سیاست اور سکیورٹی صورتحال مزید پیچیدہ ہو سکتی ہے،برطانیہ میں آبنائے ہرمز کھولنے کیلیے اتحاد پر مشاورت شروع ہوگئی۔

امریکی صدر ڈونلڈ ٹرمپ کے خطاب کے بعد عالمی اسٹاک مارکیٹس میں شدید مندی کا رجحان ہے۔

ٹوکیو اسٹاک مارکیٹ میں 2.34فیصد کمی دیکھی جارہی ہے،جبکہ جنوبی کوریا کی اسٹاک مارکیٹ میں 4 فیصد،تائیوان اسٹاک مارکیٹ میں 1.60فیصد کمی ہوئی ہے،آسٹریلیا،شنگھائی،تھائی لینڈ،ملائیشیا،فلپائن کی اسٹاک مارکیٹ میں مندی کا رجحان ہے۔

دوسری جانب خام تیل کی قیمت میں بھی اضافہ ریکارڈکیاگیا،امریکی کروڈ آئل 5فیصد مہنگا،قیمت 105 اعشاریہ 30ڈالرفی بیرل ہوگئی،برطانوی کروڈ آئل ساڑھے 6 فیصد مہنگا، قیمت 107اعشاریہ 67ڈالر فی بیرل ہوگئی۔

مشرق وسطیٰ کی جنگ کے باعث عالمی توانائی بحران شدت اختیار کرگیا۔ صورتحال سے نمٹنے کیلئے تین بڑے عالمی مالیاتی اداروں نے مشترکہ گروپ بنانے کا اعلان کردیا۔

مشترکہ گروپ میں آئی ایم ایف، عالمی بینک اور بین الاقوامی توانائی ایجنسی شامل ہے۔ گروپ جنگ کے عالمی معاشی اثرات کا مشترکہ جائزہ لے کر متاثرہ ممالک کو مالی مدد فراہم کرے گا۔

ترجمان آئی ایم ایف کے مطابق جنگ کے عالمی معاشی اثرات کا مشترکہ جائزہ لیا جائے گا، متاثرہ ممالک کو مالی مدد فراہم کی جائے گی، متاثرہ ممالک کو پالیسی رہنمائی اور سپورٹ بھی دی جائے گی۔ اس عمل میں عالمی شراکت داروں کو بھی شامل کیا جائے گا۔

بیان کے مطابق جنگ کے باعث تیل، گیس اور کھاد کی قیمتوں میں بڑا اضافہ ہوا، جنگ سے غریب اور درآمدی ممالک سب سے زیادہ متاثر ہیں، کشیدگی جاری رہی تو خوراک کی قیمتوں میں اضافے کا خدشہ ہے۔

ترجمان آئی ایم ایف نے کہا کہ مشرق وسطیٰ کشیدگی سے عالمی سپلائی چین شدید متاثر ہوئی ہے، سیاحت اور پروازوں پر بھی منفی اثرات مرتب ہوئے ہیں، جنگ سے ترقی پذیر ممالک کی کرنسیاں بھی دباؤ کا شکار ہیں، مہنگائی میں اضافے کا خدشہ بڑھ گیا،عالمی معاشی رفتار سست ہونے کا امکان ہے۔ متاثرہ ملکوں کے مرکزی بینک سخت پالیسی اختیار کرسکتے ہیں۔

گوادر کے بعد ضلع چاغی کی ضلعی انتظامیہ نے بھی یکم اپریل سے ایران جانے کے لیے رائج ’’راہداری سسٹم‘‘ کو بند کرنے کا باضابطہ نوٹیفکیشن جاری کر دیا ہے۔

ڈپٹی کمشنر چاغی کے دفتر سے جاری اعلامیے کے مطابق ایران آنے جانے کے لیے جاری راہداری نظام کو تاحکمِ ثانی معطل کر دیا گیا ہے۔ اعلامیے میں واضح کیا گیا ہے کہ اب کسی بھی فرد کو ایران سفر کے لیے راہداری جاری نہیں کی جائے گی۔

حکام کے مطابق راہداری سسٹم کے تحت سرحدی علاقوں کے رہائشی بغیر پاسپورٹ اور ویزا کے پاکستان اور ایران کے درمیان آمد و رفت کر سکتے تھے، اور یہ سہولت صرف دونوں ممالک کے بارڈر ایریاز میں رہنے والے باشندوں کے لیے مخصوص تھی۔

جاری کردہ نوٹیفکیشن میں محکمہ داخلہ کے حکم نامے کا حوالہ دیتے ہوئے بتایا گیا کہ 15 روزہ اجازت نامہ ’’راہداری‘‘ کے تحت رشتہ داروں سے ملنے کی سہولت یکم اپریل 2026 سے فی الفور ختم کر دی گئی ہے۔ اب ایران جانے کے لیے صرف ویزا اور پاسپورٹ کے ذریعے ہی سفر ممکن ہوگا۔

قبل ازیں گزشتہ ماہ گوادر کی ضلعی انتظامیہ نے بھی ایران جانے کے لیے رائج رہداری سسٹم بند کرنے کا نوٹیفکیشن جاری کر دیا تھا۔

اسسٹنٹ کمشنر گوادر کے دفتر سے جاری اعلامیے کے مطابق ضلع انتظامیہ نے ایران جانے کے لیے جاری رہداری سسٹم کو تاحکمِ ثانی معطل کر دیا ہے۔ نوٹیفکیشن میں کہا گیا ہے کہ آئندہ کسی بھی فرد کو ایران جانے کے لیے رہداری جاری نہیں کی جائے گی۔

واضح رہے کہ یہ نظام طویل عرصے سے مقامی آبادی کے لیے ایک اہم اور آسان سفری سہولت کے طور پر استعمال ہوتا رہا ہے۔

ایرانی صدر مسعود پزشکیان نے امریکا کے عوام کے نام ایک خط میں کہا ہے کہ ایران نے کبھی جنگ کا آغاز نہیں کیا، باوجود اس کے کہ ان کے ملک نے حملوں کا سامنا کیا ہے۔

مسعود پزشکیان نے لکھا کہ ایرانی عوام کی امریکہ، یورپ یا ہمسایہ ممالک کے عوام سے کوئی دشمنی نہیں، اور آخر میں کہا کہ ’محاذ آرائی یا تعلقات‘ میں سے انتخاب، آنے والی نسلوں کے مستقبل کا تعین کرے گا۔

یہ خط ایک ایسے وقت میں سامنے آیا ہے جب امریکی صدر ڈونلڈ ٹرمپ نے دعویٰ کیا تھا کہ ایران کے نئے صدر نے امریکہ سے جنگ بندی کی درخواست کی ہے، تاہم انھوں نے واضح نہیں کیا کہ وہ کس کی بات کر رہے تھے۔

سوشل میڈیا پر اپنے بیان میں ٹرمپ نے کہا کہ امریکہ جنگ بندی پر اسی وقت غور کرے گا جب آبنائے ہرمز کھلے، آزاد اور محفوظ ہو۔ اس سے پہلے، ان کے بقول، امریکہ ایران کے خلاف سخت کارروائی جاری رکھے گا۔