مکہ مکرمہ کے منیٰ گرینڈ پیلس میں سعودی ولی عہد محمد بن سلمان نے دنیا بھرسےآئےمعززمہمانوں کے اعزازمیں استقبالیہ دیا ، پاکستان کی نمائندگی وزیرمذہبی امور سردارمحمد یوسف نےحکومتِ کی ، وفاقی وزیرداخلہ محسن نقوی اورحافظ طاہر اشرفی بھی شریک تھے، سعودی ولی عہد سے گورنر سندھ نہال ہاشمی کی بھی ملاقات ہوئی ۔
استقبالیہ تقریب میں آئمہ حرمین،انتظامی کمیٹیوں کےذمہ داران اورضیوفِ خادم الحرمین نےشرکت کی ۔ وفاقی وزیر مذہبی امور سردار محمد یوسف نے ولی عہد محمد بن سلمان سے ملاقات میں بہترین حج انتظامات پر سعودی حکومت کا شکریہ اداکیااور کہا حجاج کی خدمت اورسہولیات کی فراہمی کیلئےسعودی حکومت کےاقدامات قابلِ تحسین ہیں ۔
وزیرمذہبی امورنےشاہ سلمان بن عبدالعزیزاورولی عہد محمد بن سلمان کیلئےنیک خواہشات کا اظہار کیا ۔ گورنرسندھ نہال ہاشمی نے سعودی ولی عہد شہزادہ محمد بن سلمان سےملاقات میں پاکستانی عوام سے سعودی قیادت کی محبت،حجاج کرام کے لیے مثالی انتظامات اور مہمان نوازی کوسراہا ۔ نہال ہاشمی نے خادم الحرمین الشریفین اور ولی عہد شہزادہ محمد بن سلمان کو عالمِ اسلام کےلیےباعثِ فخر بھی قراردیا ۔
