Live Updates: ایران کا بڑا حملہ، 100 کے قریب بیلسٹک میزائل داغ دئیے، مزید 8 اسرائیلی ہلاک
اسرائیل پر تازہ حملے میں نئے طریقے استعمال کیے گئے، پاسداران انقلاب
بلوچستان میں دہشت گرد حملے کے بعد بھارتی وزیر کا بیان پاکستانی مؤقف کی تصدیق ہے، ترجمان دفتر خارجہ
ترجمان دفتر خارجہ طاہر حسین اندرابی کا کہنا ہے کہ بلوچستان میں دہشت گرد حملے کے بعد بھارتی وزارت خارجہ کا بیان پاکستانی مؤقف کی تصدیق ہے۔
ترجمان دفتر خارجہ طاہرحسین اندرابی نے ہفتہ وار بریفنگ میں کہا افغان سرزمین پر دہشت گردوں کو میسر آزادی کا خاتمہ چاہتے ہیں،افغان عوام کے ساتھ اپنے تعلقات کا نقصان نہیں چاہتے،افغانستان اپنی سرزمین دیگر ممالک کے خلاف استعمال ہونے سے روکے۔
ترجمان دفترخارجہ کاکہنا تھا کہ بھارت اور اسرائیل کےدرمیان تعلقات پر تشویش ہے،نائب وزیراعظم اور وزیر خارجہ سینیٹر اسحاق ڈار سعودی عرب کے سرکاری دورے پرہیں،اسحاق ڈار جدہ میں فلسطین،غزہ اوراسرائیلی اقدامات پربات کریں گے،
ترجمان دفترخارجہ نے مزید کہا اسحاق ڈار 26 سے 28 فروری تک او آئی سی ایگزیکٹو کمیٹی کے غیرمعمولی اجلاس میں شرکت کریں گے۔اس اجلاس میں قابض اسرائیلی حکام کے اُس غیرقانونی فیصلے پر غور کیا جائے گا،جس کا مقصد یہودی بستیوں کو بڑھانا اور مقبوضہ مغربی کنارے پر اسرائیلی خودمختاری مسلط کرنا ہے، نائب وزیراعظم اور وزیر خارجہ اسرائیل کے حالیہ غیرقانونی اقدام پر پاکستانی مؤقف بیان کریں گے
ایران اور امریکا کے درمیان جنیوا میں مذاکرات کا تیسرا دور شروع ہوگیا
ایران اور امریکا کے درمیان جنیوا میں مذاکرات کا تیسرا دور شروع ہوگیا،یہ مذاکرات عمان کی ثالثی میں ہو رہے ہیں،جن میں دونوں ممالک کے وفود براہِ راست نہیں بلکہ ثالثوں کے ذریعے رابطے میں ہیں۔
ایران نے ثالثوں کے ذریعے امریکا کو ایک تحریری مسودہ پیش کر دیا،مسودے میں ایران نےسات سال تک یورینیم کی افزودگی معطل کرنے کی تجویز دی،جبکہ یورینیم کی افزودگی کی سطح 60 فیصد سے کم کر کے 3.6 فیصد تک لانے کی پیشکش بھی کی گئی۔
عرب میڈیا کے مطابق ایران نے واضح کیا ہے کہ وہ افزودہ یورینیم کو بیرونِ ملک منتقل نہیں کرے گا۔
مودی حکومت مسلمانوں کے خلاف اسرائیلی طرز کی ظالمانہ حکمتِ عملی اپنا رہی ہے، الجزیرہ
الجزیرہ کی تہلکہ خیز رپورٹ کے مطابق مودی حکومت مسلمانوں کے خلاف اسرائیلی طرز کی ظالمانہ حکمتِ عملی اپنا رہی ہے
الجزیرہ کی رپورٹ کے مطابق بھارت اور اسرائیل کے تعلقات ایک مشترکہ نظریاتی وژن پر استوار ہیں، جس میں مسلمانوں کو سیکیورٹی اورجغرافیائی خطرہ تصورکیاجاتا ہے،آرایس ایس کی قیادت صیہونی طرزِ حکومت سے متاثر ہے اور دونوں حکومتیں نسلی تفاخر کا شکار ہیں۔
رپورٹ میں مزیدبتایا گیا ہےکہ نریندر مودی کی حکومت نے غزہ میں اسرائیلی فوجی کارروائیوں کے دوران فوجی امدادفراہم کی،بھارت نے اسرائیلی نگرانی اور جاسوسی کے آلات کو سیکیورٹی ڈھانچے میں شامل کیا۔
الجزیرہ کےمطابق نومبر 2019 میں امریکہ میں بھارتی قونصل جنرل نےمقبوضہ کشمیرمیں غزہ کی طرزکااسرائیلی ماڈل اپنانے کا اعلان کیا، 2019 کے بعد سےمقبوضہ کشمیرمسلسل سخت فوجی محاصرے میں ہے۔
ٹرمپ جعلی خبروں کا شکار ہو چکے، ہم امریکا تک پہنچے والے ہتھیار نہیں تیار کر رہے،ایرانی وزیر خارجہ
ایران کے وزیر خارجہ عباس عراقچی امریکا سے مذاکرات کے لیے جنیوا پہنچے ہیں۔
دونوں ملکوں کے درمیان اومان کی مدد سے مذاکرات کا یہ تیسرا دور ہے تاہم اس بار مذاکرات آج جنیوا میں ہوں گے۔
ایرانی وفد کی قیادت ایرانی وزیرخارجہ عباس عراقچی کریں گےجبکہ امریکا کی نمائندگی امریکی نمائندہ خصوصی اسٹیو وٹکوف اور جیرڈ کُشنر کریں گے۔
اس سےقبل ایرانی وزیرخارجہ عباس عراقچی نےغیرملکی میڈیا کو انٹریومیں کہاخطے میں اسرائیل واحد ملک ہے جو جنگ چاہتا ہے،ہم نے جان بوجھ کر میزائلوں کی رینج کو 2,000 کلومیٹر تک محدود رکھا۔
مزید کہاصدر ٹرمپ جعلی خبروں کاشکارہوچکے ہیں،ہم امریکا تک پہنچے والے ہتھیارنہیں تیارکررہے،ہماری خواہش جنگ کی تیاری کی نہیں بلکہ اسے روکنے کی ہے،ایٹمی ہتھیار حاصل کرنے کی کوشش نہیں کریں گے۔
شواہد ملے ہیں کہ ایران جوہری ہتھیار بنانے کی کوشش کر رہا ہے، نائب امریکی صدر
امریکی نائب صدر جے ڈی وینس کا کہنا ہےکہ شواہدملےہیں کہ ایران جوہری ہتھیار بنانے کی کوشش کر رہاہے۔
امریکی نائب صدر جےڈی وینس نے اپنےبیان میں کہاواضح پیغام ہےکہ ایران کو جوہری ہتھیار نہیں بنانے دیں گے،واشنگٹن اس خطرےکو روکنے کے لیے ہرممکن اقدام کرے گا۔
دوسری جانب امریکی وزیرخارجہ مارکو روبیو کا کہنا ہےکہ ایران فی الحال یورینیم کی افزودگی نہیں کر رہا لیکن ایران یورینیم افزودگی کی کوشش کررہاہے۔
مارکو روبیو نےبیلسٹک میزائل پروگرام پرمذاکرات نہ کرنےکو بڑامسئلہ قراردیا اورکہا کہ ایران بین البراعظمی بیلسٹک میزائل حاصل کرنےکی کوشش کررہا ہےاوربیلسٹک میزائل پروگرام پرمذاکرات سے انکار بھی کر رہا ہے،ایران کا مسئلہ سفارتکاری سے حل کرناچاہتے ہیں،سفارتکاری ہمیشہ ممکنہ آپشن رہےگی۔
امریکا اور اسرائیل جھوٹ پھیلانے میں گوئبلز کے نظریے پر کاربند ہیں، ترجمان ایرانی دفترخارجہ
ترجمان ایرانی دفترخارجہ کی جانب سے جاری بیان میں کہا گیا ہے کہ امریکا اور اسرائیل جھوٹ پھیلانے میں گوئبلز کے نظریے پر کاربند ہیں۔
ترجمان ایرانی دفترخارجہ کے مطابق ایران کے ایٹمی اور میزائل پروگرام سے متعلق امریکا جھوٹ پھیلا رہا ہے،دسمبر میں احتجاج کے دوران ہلاکتوں کا امریکی دعویٰ بھی جھوٹا ہے،ان جھوٹے دعوؤں پر کسی کو بھروسہ نہیں کرنا چاہیے۔
اس سےقبل امریکی صدر ڈونلڈٹرمپ نےاپنے بیان میں کہا ایران کا مسئلہ سفارتکاری کےذریعےحل کرنا میری ترجیح ہے،تہران کو ایٹمی طاقت بننے سےہرحال میں روکوں گا،میں کبھی بھی دہشتگردی کےسرپرست کو ایٹمی ہتھیاررکھنے کی اجازت نہیں دے سکتا،لیکن ہم نےان سےکبھی جوہری ہتھیار نہ رکھنے کی بات نہیں سنی،ایرانی کسی سودے بازی کی خواہش رکھتے ہیں،ایران ایسے میزائل بنانےپرکام کررہاہےجوجلد امریکہ تک پہنچ جائیں گے۔
ایران کا مسئلہ سفارتکاری کے ذریعے حل کرنا میری ترجیح ہے، امریکی صدر ڈونلڈ ٹرمپ
امریکی صدر ڈونلڈ ٹرمپ نے کہا ایران کا مسئلہ سفارتکاری کے ذریعے حل کرنا میری ترجیح ہے،تہران کو ایٹمی طاقت بننے سےہر حال میں روکوں گا،میں کبھی بھی دہشتگردی کےسرپرست کو ایٹمی ہتھیاررکھنے کی اجازت نہیں دے سکتا،لیکن ہم نےان سےکبھی جوہری ہتھیار نہ رکھنے کی بات نہیں سنی،ایرانی کسی سودے بازی کی خواہش رکھتے ہیں،ایران ایسے میزائل بنانےپرکام کررہاہےجوجلد امریکہ تک پہنچ جائیں گے۔
امریکی صدرڈونلڈ ٹرمپ نے اسٹیٹ آف یونین سےخطاب کرتےہوئےکہا اقتدار میں واپسی کے بعد آٹھ جنگیں ختم کی ہیں،غزہ میں اسرائیل اورحماس کےدرمیان جنگ بندی ایک کامیابی ہے،غزہ کی جنگ بہت کم سطح پرجاری ہےتقریباً ختم ہو چکی ہے،معاہدے کےتحت تمام اسرائیلی قیدیوں کو رہاکردیاگیا، اسرائیلی افواج نےجنگ بندی کےبعد 600 سےزائد فلسطینیوں کوہلاک کیا،اسرائیل نےانسانی امداد تک رسائی کو بھی سخت محدود رکھا،یہ امداد معاہدے کےتحت بڑی مقدار میں غزہ پہنچنی تھی۔
امریکی صدر نےسپریم کورٹ کے عالمی ٹیرف کوغیرقانونی قرار دینے کےفیصلےکو بدقسمتی قرار دیا، کہا کانگریس سے مشاورت کے بغیر بھی دیگر قوانین کے تحت ٹیرف برقرار رکھے جائیں گے،ٹیرف نے دہائیوں سے جاری غیرمتوازن تجارتی تعلقات کو درست کیا ہے۔
صدر ٹرمپ نےکہا کہ ڈیموکریٹس فنڈنگ روک کر امیگریشن نفاذ سے متعلق سخت پالیسیوں کا مطالبہ کر رہے ہیں،حکومت کا پہلا فرض غیرقانونی تارکین وطن نہیں بلکہ امریکی شہریوں کا تحفظ ہے۔ اس موقع پر ریپبلکن ارکان صدر کی اپیل پر کھڑے ہوئے جبکہ ڈیموکریٹس نشستوں پر بیٹھے رہے۔
ڈونلڈ ٹرمپ نے مزید کہا ہے کہ اے آئی ڈیٹا سینٹرز تعمیر کرنے والی بڑی ٹیک کمپنیاں اپنی بجلی خود پیدا کریں،کیونکہ ٹیک سیکٹر کو اپنی توانائی ضروریات کی ذمہ داری لینا ہوگی،حکومت نے ٹیکنالوجی کمپنیوں سے معاہدے کیے ہیں تاکہ یوٹیلٹی بلز کم رہیں۔
امیگریشن پر بات کرتے ہوئے صدر ٹرمپ نے منی سوٹا میں جرائم کے واقعات کا حوالہ دیا اور کہا کہ غیر محدود امیگریشن کے ذریعےبعض مسائل درآمد ہوئے،جن کی قیمت امریکی عوام میڈیکل بلز، انشورنس، کرایوں، ٹیکسوں اور جرائم کی صورت میں ادا کر رہے ہیں۔
معاشی پالیسی پرصدر ٹرمپ نے دعویٰ کیا کہ ڈیموکریٹس کی پالیسیاں مہنگائی کا باعث بنیں جبکہ موجودہ حکمتِ عملی سے مہنگائی تیزی سے کم ہو رہی ہے اور آمدن میں اضافہ جاری ہے، امریکی معیشت پہلے سے کہیں زیادہ ترقی کر رہی ہے، فوج اور پولیس مضبوط ہیں اور ملک بھر میں جرائم کی شرح میں کمی آئی ہے۔
امریکی صدر نےمزید کہا امریکہ کو وینزویلا سے 80 ملین بیرل سے زائد تیل موصول ہوا ہے،وائٹ ہاؤس میں واپسی پرایک خراب صورتحال ورثےمیں ملی،مگر اقتدار کے پہلے ہی سال میں ملک نے ایسی تاریخی تبدیلی دیکھی جو پہلے کبھی نہیں دیکھی گئی۔
امریکی سینیٹر الزبتھ وارن نے ایران کے ساتھ جنگ کی مخالفت کردی
امریکی سینیٹر الزبتھ وارن نے ایران کےساتھ جنگ کی مخالفت کردی۔
امریکی سینیٹرالزبتھ وارن نے کہا امریکی عوام چاہتےہیں ٹرمپ اندرونی معاشی صورتحال بہتر بنانےپرتوجہ دیں،محنت کش اور متوسط طبقے کے لیے زندگی مزید بہتربنائی جائے۔
الزبتھ وارن نے مزید کہارہائشی اخراجات، صحت ،تعلیم جیسے مسائل شہریوں کے لیے باعث تشویش بنے ہوئے ہیں،مشرقِ وسطیٰ میں کسی نئی اور طویل فوجی مداخلت سے گریز کیاجائے
کسی بھی نئی جارحیت کے نتائج صرف ایک ملک تک محدود نہیں رہیں گے، ایرانی نائب وزیر خارجہ
ایرانی نائب وزیر خارجہ نے وارننگ دیتے ہوئےکہاکسی بھی نئی جارحیت کے نتائج صرف ایک ملک تک محدود نہیں رہیں گے۔
ایرانی نائب وزیرخارجہ نےجنیوا میں کانفرنس سے خطاب کرتے ہوئےکاظم غریب آبادی نےکہا ہم امن اور انصاف کے پابند تمام ملکوں سے مطالبہ کرتے ہیں کہ وہ مزید کشیدگی روکنے کے لیے ٹھوس اقدامات کریں۔
ممکنہ جنگ کے خدشات کےباعث اسرائیلی حکومت بھی پریشان ہے،صیہونی وزیراعظم نیتن یاہو کا کہنا ہے کہ ہیں،ہم انتہائی پیچیدہ اور مشکل دنوں میں جی رہے ہیں،امریکا نے بیروت سے اکثر سفارتکاروں کو واپس بلا لیا۔
امریکی فوج کے چیئرمین جوائنٹ چیف جنرل ڈینیئل کین نے ایران پر حملے کی مخالفت کر دی
امریکی فوج کے چیئرمین جوائنٹ چیف جنرل ڈینیئل کین ایران پر حملے کی مخالفت کردی۔
امریکی میڈیا رپورٹس کےمطابق جنرل کین سمجھتے ہیں کہ ایران کے خلاف کارروائی طویل جنگ میں تبدیل ہوگی،صدر ٹرمپ خود ایران کے خلاف کارروائی کی حمایت کرتے ہیں،اسٹیو وٹکوف اور جیرڈ کشنر سفارت کاری کو موقع دینے کے حامی ہیں۔
دوسری جانب امریکی صدر ڈونلڈ ٹرمپ نے میڈیا پر چلنے والی خبروں پر برہمی کا اظہار کیا،کہافیک میڈیا جعلی خبریں چلا رہا ہے، جنرل کین ہم سب کی طرح جنگ دیکھنا نہیں چاہتے،جنرل کین سمجھتے ہیں کہ فوجی کارروائی کا فیصلہ ہوجائے تو آسانی سے فتح ملے گی، وہ ایران کےخلاف مڈنائٹ ہیمرآپریشن کے نگران رہ چکے ہیں،ایک بات جانتا ہوں جنرل کین کو حکم دیا جائے تو وہ سب سے آگے ہونگے۔
صدر ٹرمپ یہ جاننا چاہتے ہیں کہ ایران نے ابھی تک ہتھیار کیوں نہیں ڈالے، اسٹیو وٹکوف
امریکی صدر نمائندہ خصوصی اسٹیو وٹکوف کا کہنا ہے کہ ڈونلڈ ٹرمپ ایران کی ثابت قدمی پر حیران ہیں،وہ یہ جاننا چاہتے ہیں کہ ایران نے ابھی تک ہتھیار کیوں نہیں ڈالے۔
صدر ٹرمپ کے نمائندہ خصوصی اسٹیو وٹکوف نےفاکس نیوزکو انٹرویو دیتے ہوئےکہاآج صبح میری صدر ٹرمپ سے بات ہوئی ہے،وہ کسی حد تک مایوسی کا شکار ہیں،ان کو پتہ ہے کہ کئی متبادل پلان موجود ہیں۔
انہوں نے کہا شدید دباؤ اورہماری بحری طاقت کے باوجود ایران کیسے ڈٹا ہوا ہے،وہ یہ کیوں نہیں کہتے کہ ہم ایٹمی ہتھیار نہیں چاہتے، یہ اقدامات کرنے کے لیے تیار ہیں۔
واضح رہے کہ امریکا اور ایران کے درمیان مذاکرات کے دو ادوار ہو چکے ہیں، تاہم اب تک کوئی بڑی پیشرفت سامنے نہیں آئی۔
ایران،امریکا جنگ کے خدشات مزید بڑھ گئے،لڑاکا طیاروں سے بھرا دوسرا امریکی بحری بیڑا جیرالڈ فورڈ بحیرہ روم میں داخل ہوگیا۔
غیرملکی خبر رساں ادارے کے مطابق امریکا براہِ راست ایرانی رہنماؤں کو نشانہ بنا کر ایرانی حکومت کا تختہ اُلٹنے کی کوشش کرے گا۔
عالمی طاقتیں ہمیں سر جھکانے پر مجبور کرنے کے لیے صف بندی کر رہی ہیں، ایرانی صدر
ایرانی صدر مسعود پزشکیان نے اپنے بیان میں کہا عالمی طاقتیں ہمیں سر جھکانے پر مجبور کرنے کے لیے صف بندی کر رہی ہیں،ایران کبھی بھی ان کے سامنے نہیں جھکے گا۔
صدر مسعود پزشکیان نے ایرانی سرکاری ٹیلی ویژن پرنشر ہونے والے ایک خطاب میں کہا تمام سختیوں اور مسائل کے باوجود کسی بھی آزمائش کے سامنے ہار نہیں مانیں گے، ہم مشکلات کا مقابلہ کریں گے اور حتمی فتح ہمارا مقدر ہوگی۔
دوسری جانب ایران نے یورپی یونین کی بری،بحری اور فضائی افواج کو دہشت گرد قرار دے دیا،یہ اقدام یورپی یونین کی جانب سے پاسداران انقلاب کو دہشت گرد قرار دینے کے جواب میں اٹھایا گیا۔
پاکستان، اوآئی سی،عرب تنظیموں سمیت کئی مسلم ممالک نے اسرائیل میں تعینات امریکی سفیر کے بیان کو مسترد کردیا
پاکستان، سعودی عرب، ترکیے، متحدہ عرب امارات اور اردن سمیت کئی مسلم ملکوں نے اسرائیل میں تعینات امریکی سفیرکا بیان مسترد کر دیا۔
مسلم ممالک کے وزرائے خارجہ، اسلامی تعاون تنظیم، عرب لیگ اورخلیج تعاون تنظیم کے مشترکا مذمتی بیان میں کہاگیاکہ امریکی سفیرکابیان غیر ذمہ دارانہ اور بین الاقوامی قوانین کی خلاف ورزی ہے۔
مشترکہ بیان میں کہا گیامشترکہ بیان میں مغربی کنارےسمیت عرب علاقوں پراسرائیلی تسلط قابل قبول قراردینےپرشدید تحفظات کا اظہارکیاگیا،ایسےخطرناک اور اشتعال انگیز بیانات عالمی قوانین اور یواین چارٹر کے منافی ہیں، ایسے بیانات سے علاقائی سلامتی اور استحکام کو شدید خطرات لاحق ہوں گے،ایسے بیانات امریکی صدر ڈونلڈ ٹرمپ کے ویژن اورغزہ امن منصوبے کےمنافی ہیں۔
مشترکہ بیان میں کہا گیاکہ مقبوضہ فلسطینی اور عرب علاقوں پراسرائیل کوئی خود مختاری نہیں رکھتا، مغربی کنارے پر قبضے یا اسے غزہ پٹی سے الگ کرنےکی سخت مخالفت کی جائےگی۔
واضح رہے اسرائیل میں تعینات امریکی سفیر مائیک ہکابی نے کہا تھا کہ اسرائیل کو پورے مشرقِ وسطیٰ پر قبضے کا حق حاصل ہے،اگر اسرائیل دریائے نیل سے نہر فرات تک کے علاقوں پر کنٹرول حاصل کر لے تو یہ ٹھیک ہوگا۔
سعودی عرب کی اسرائیل میں امریکی سفیر کے اشتعال انگیز بیان کی شدید الفاظ میں مذمت
مشرق وسطیٰ پر اسرائیلی تسلط کا تصور ناقابلِ قبول ہے،سعودی وزارت خارجہ نے امریکی سفیر کے خطے پر اسرائیلی قبضے کے بیان کو مسترد کردیا۔
سعودی عرب کی جانب سے مذمتی بیان میں کہا امریکی سفیر کا بیان سفارتی آداب کے منافی اور خطرناک نظیر ہے،اس طرح کی انتہا پسندانہ سوچ کے نتائج انتہائی بھیانک ہو سکتے ہیں ۔ ریاستوں کی خودمختاری کے ساتھ کوئی بھی چھیڑ چھاڑ برداشت نہیں کرینگے ۔۔ فلسطین کے دوریاستی حل کے بغیر خطے میں دیرپاامن ممکن نہیں۔۔۔انیس سو سڑسٹھ کی سرحد کے مطابق آزاد فلسطینی ریاست کا قیام ناگزیر ہے۔
دوسری جانب حماس نےامریکی سفیر کےبیان کی شدید الفاظ میں مذمت کرتے ہوئے کہا فلسطینی عوام قومی حقوق پر مضبوطی سے قائم رہیں گے،امریکی سفیر کے بیان سے تاریخی اورقانونی حقائق کو بدل نہیں سکتے،عرب ممالک اسرائیلی قبضے کے خلاف فیصلہ کن اقدامات کریں۔عالمی برادری امریکی سفیر کے اشتعال انگیز بیان کی مذمت کرے،اور اسرائیل کے خلاف کھڑی ہو۔
ایران کو ایٹمی معاہدے پر قائل کرنے کیلئے محدود کارروائی کا ارادہ ہے، امریکی صدر
ایران کو ایٹمی معاہدے پر قائل کرنے کیلئے محدود کارروائی کا ارادہ ہے،امریکی صدر نےخطرناک عزائم ظاہر کردیے۔
امریکی میڈیا کےمطابق ایران اور امریکا کےدرمیان کسی ایسےمعاہدے پرپہنچنے کے امکانات کم ہوگئے ہیں جس میں ٹرمپ کےمطالبات پورے ہوسکیں،دونوں ملکوں کے درمیان ایٹمی معاہدے پرمذاکرات کے باوجود امریکی جنگی ساز و سامان کی مشرق وسطیٰ منتقلی جاری ہے۔
ایئر لفٹر اور ریفیولنگ طیارے پرتگال اور برطانیہ پہنچ گئےہیں،اردن میں موجود امریکی لڑاکاطیاروں کی تعداد میں بھی اضافہ کیاگیا،اسرائیلی فوج بھی ہائی الرٹ ہے،سربیا نےاپنے شہریوں کو فوری طور پر ایران چھوڑنےکی ہدایت کردی۔
امریکی اپوزیشن نےکانگریس کی منظوری کے بغیر ایران کے خلاف فوجی کارروائی نہ کرنے کا مطالبہ کردیا۔
ایران کا اقوامِ متحدہ کو خط، فوجی جارحیت کی صورت میں سخت جواب کا اعلان
ایران نے اقوام متحدہ کو خط لکھ کر فوجی جارحیت کی صورت میں سخت جواب دینے کا اعلان کر دیاہے ۔
تفصیلات کے مطابق ایران کی جانب سے اقوام متحدہ کو لکھے گئے خط میں کہا گیاہے کہ جارحیت ہوئی تو خطے میں موجود مخالف قوت کے تمام اڈے اور تنصیبات جائز ہدف ہوں گے ، ایران جنگ کا خواہاں نہیں ، پہل نہیں کریں گے ۔
ایران نے اقوامِ متحدہ کو مراسلے میں موقف اختیار کیا کہ امریکی صدر ڈونلڈ ٹرمپ کے بیانات سے فوجی جارحیت کا حقیقی خطرہ ہے، کشیدگی نہیں چاہتے مگر حملہ ہوا تو بھرپور ردعمل دیں گے ، ایران اپنے دفاع کا حق محفوظ رکھتا ہے۔
ایران جوہری معاہدے کیلئے سمجھوتہ کرنے کیلئے تیار ہے، ایرانی نائب وزیر خارجہ
ایران کےنائب وزیرخارجہ مجید تخت روانچی نے کہا ہے کہ ایران جوہری معاہدے کیلئے سمجھوتہ کرنے کیلئے تیار ہے،امریکا کو ایران پر عائد تمام پابندیاں ہٹانی ہونگی۔
ایران کے نائب وزیر خارجہ مجید تخت روانچی نے برطانوی میڈیا سےگفتگو میں کہا امریکا کو ثابت کرنا ہوگا کہ وہ ڈیل کیلئے سنجیدہ ہیں،آفزودہ یورینیم کومنجمد کرنے پر تیار ہونا ایران کے مثبت رویے کا مظہر ہے،
مزید کہا یورینیم کو ملک سے باہر منتقل کرنے سے متعلق بات کرنا قبل از وقت ہے،امریکا کے ساتھ ڈیل صرف ایٹمی پروگرام تک محدود ہوگی۔
ایران کیساتھ مذاکرات ناکام ہوئے تو بہت برا ہوگا، امریکی صدر ڈونلڈ ٹرمپ
امریکا نے ایران سےمذاکرات کےساتھ ساتھ فوجی دباؤمیں اضافہ کردیا،صدر ٹرمپ نے دھمکی دی کہ ایران کےساتھ بات نہ بنی تو اُس کےلئے بہت برا ہوگا۔
امریکی صدرڈونلڈ ٹرمپ نےکہاایران کیساتھ مذاکرات ناکام ہوئےتو بہت برا ہوگا،وہ 47سال سے بس باتیں ہی کر رہے ہیں،ایکشن کچھ نہیں،خطے میں ہماری بڑی فوج تیار ہے،ایک اور بڑا بحری بیڑا بھی بھیج رہےہیں۔
ایک سوال پرامریکی صدر نے کہا وہ ایران میں رجیم تبدیلی کےحامی ہیں،اس سے اچھی بات ہونہیں سکتی ،امریکی میڈیا کےمطابق پینٹاگون ایران سے طویل جنگ کی تیاری کررہاہے،جوگزشتہ جنگ سے بڑی ہوگی
دوسری جانب امریکا اور ایران کے درمیان مذاکرات کا دوسرا دور منگل کو جنیوا میں ہوگا۔
امریکی صدر نے اسرائیلی حکومت کے مغربی کنارے کے انضمام کے فیصلے کی مخالفت کردی
امریکی صدر نے اسرائیلی حکومت کے مغربی کنارے کے انضمام کے فیصلے کی مخالفت کردی۔
وائٹ ہاؤس کے ترجمان کےمطابق امریکی صدر اس فیصلے سے اتفاق نہیں کرتے،ایک مستحکم مغربی کنارہ اسرائیل کو محفوظ رکھے گا۔
ان کا کہنا تھاکہ ٹرمپ انتظامیہ مشرق وسطیٰ میں امن کے لیےجاری کوششوں کو کامیاب بنانے کے لیے مغربی کنارے کے استحکام کو ضروری سمجھتی ہے۔
دوسری جانب برطانوی حکومت کی جانب سے جاری بیان میں کہا گیا کہ مغربی کنارے پر قبضے کو وسعت دینے کے اسرائیلی کابینہ کے فیصلےکی مذمت کرتے ہیں، فلسطین کی جغرافیائی ساخت کو یکطرفہ طور پر تبدیل کرنے کی کوشش ناقابل قبول ہے۔
برطانوی حکومت کا کہنا ہے کہ ایسی کوئی بھی کوشش بین الاقوامی قوانین سے متصادم ہوگی، اسرائیل سے مطالبہ کرتے ہیں کہ وہ ان فیصلوں کو فوری طور پر واپس لے۔
افزودگی ہمارا حق ہے، کسی کو یہ حق نہیں پہنچتا کہ وہ ہمیں روکے، ایرانی وزیر خارجہ
ایرانی وزیرخارجہ عباس عراقچی نےکہا امریکی وفدکوسمجھا دیا ہےمذاکرات کے سوا کوئی اور راستہ نہیں، ایرانی عوام کے حقوق کو تسلیم کیا جائے تومذاکرات نتیجہ خیز ہوں گے۔
ایرانی وزیرخارجہ عباس عراقچی نےتہران میں تقریب سےخطاب میں کہا ایران کا اصل ایٹم بم عالمی طاقتوں کےسامنے انکارکی صلاحیت ہے،ہم جنگ کیلئے بھی تیار ہیں لیکن دلیل کی بنیاد پر سفارتکاری کو ترجیح دیتے ہیں۔
ایرانی وزیر خارجہ نےمزیدکہاکہ خطےمیں امریکی فوجی موجودگی ہمیں خوفزدہ نہیں کرتی،وہ طاقت کی زبان استعمال کریں گے تو ہم بھی طاقت سے جواب دیں گے،ہمارے لیےیہ ثابت کرنا زیادہ اہم ہےکہ ہم کسی کے اشارے پرنہیں چلتے،امریکا کوکسی چیز پر اعتراض ہے تو اعتراض دور کرنے کیلئے تیار ہیں۔
اسرائیل کا مفاد اس میں ہے کہ خطے کے ممالک کمزور ہو جائیں، ایرانی وزیر خارجہ
ایرانی وزیرخارجہ عباس عراقچی نےکہا ہےکہ اسرائیل کا مفاد اس میں ہے کہ خطے کے ممالک کمزور ہو جائیں،ہمیں بیانات سے آگے بڑھ کر ایک مشترکہ اقدام اٹھانا ہوگا۔
ایرانی وزیرخارجہ عباس عراقچی نےدوحا میں الجزیرہ فورم سےخطاب میں کہاصیہونی ریاست اپنی دفاعی صلاحیت بڑھارہا ہے،دیگرملکوں سےہتھیار لیےجارہے ہیں،عباس عراقچی نے فلسطین کے مسئلے کو انسانی بحران کے بجائے ایک اسٹریٹجک ایشو قرار دیا۔
ترکیہ کےہیڈ آف ڈائریکٹوریٹ آف کمیونیکیشنز برہان الدین دوران نےکہا،دنیا اب مکمل تبدیل ہوچکی ہے۔ عالمی نظام میں دراڑیں پڑگئی ہیں۔ جنگ اب میدان جنگ سے زیادہ بیانیے کے میدان میں لڑی جاتی ہے۔ جس میں سوشل میڈیا پلیٹ فارم طاقتور غیر ریاستی عناصر کا کردار ادا کررہے ہیں۔
ایران کیساتھ معاہدے کا بنیادی نکتہ یہ ہوگا کہ ایران کے پاس ایٹمی ہتھیار نہیں ہونگے، صدر ٹرمپ
امریکی صدر ڈونلڈ ٹرمپ نے کہا ہےکہ ایران شدت سے ہمارے ساتھ معاہدہ کرنا چاہتا ہے،معاہدے کا بنیادی نکتہ یہ ہوگا کہ ایران کے پاس ایٹمی ہتھیار نہیں ہونگے۔
امریکی صدر ڈونلڈ ٹرمپ نے فلوریڈا میں میڈیا سے گفتگو میں کہا ایران کیساتھ معاہدہ ہو سکتا ہے لیکن اس کے لیے پہلے پوزیشن میں آنا پڑے گا،ہماری ایران کے ساتھ بہت اچھی بات چیت ہو رہی ہے،ایسا لگتا ہے کہ ایران بہت شدت سے معاہدہ کرنا چاہتا ہے،آج ایران کے حوالے سے ہمیں کچھ نتائج بھی ملے ہیں۔
صدر ٹرمپ نے مزید کہا یہ ایک ملاقات تھی اور ہم اگلے ہفتے کے اوائل میں دوبارہ ملیں گے،بنیادی بات یہ ہے کہ کوئی جوہری ہتھیار نہیں ہوں گے،پہلے وہ اس کے لیے تیار نہیں تھے،اب وہ آمادہ ہیں۔
مسقط میں ایران،امریکا مذاکرات شروع، عباس عراقچی اوراسٹیو وٹکوف مذاکرات میں شریک
مسقط میں ایران اور امریکا کے مذاکرات شروع ہوگئے۔
عرب میڈیا رپورٹس کےمطابق عباس عراقچی اور اسٹیو وٹکوف مذاکرات میں شریک ہیں،دونوں ملکوں کے درمیان بات چیت ثالث کے ذریعے ہورہی ہے۔
ایرانی وزیرِخارجہ عباس عراقچی نے امریکا کےساتھ مذاکرات سے قبل باہمی احترام پر زوردیا،کہا ہےکہ ہم نے دیانت داری سے سفارت کاری کے لیے قدم بڑھایا ہے۔
دوسری جانب مذاکرات سےقبل امریکا نےاپنےشہریوں کو ایران فوری طور پر چھوڑنےکی ہدایت جاری کی، امریکی ورچوئل ایمبیسی نے ایران میں مقیم اپنے شہریوں کے لیے سخت ایڈوائزری جاری کرتے ہوئے انہیں فوری طور پرملک چھوڑنے کی ہدایت کی ہے۔
امریکا ایران مذاکرات کے اثرات، عالمی منڈی میں خام تیل کی قیمت 2 فیصد کم ہوگئی
امریکا اور ایران کے درمیان ممکنہ مذاکرات کی خبروں کے بعد عالمی منڈی میں خام تیل کی قیمتوں میں کمی ریکارڈ کی گئی ہے۔
خبرایجنسی کےمطابق عالمی منڈی میں خام تیل کی قیمت 2 فیصد کم ہوگئی،برطانوی برینٹ کروڈ آئل 2.07 فیصد کمی کے بعد68.02 ڈالر فی بیرل پر آگیا۔
اسی طرح امریکی ڈبلیو ٹی آئی خام تیل 2.06 فیصد کمی کے بعد 63.80 ڈالر فی بیرل پرآگیا،بدھ کے روز عالمی منڈی میں خام تیل کی قیمت میں اضافہ دیکھا گیا تھا،۔ایران امریکا مذاکرات کی خبروں کے بعد قیمتوں میں کمی کارجحان دیکھا جارہا ہے۔
ٹرمپ انتظامیہ ایران کی درخواست پر مذاکرات ترکیہ سے منتقل کرنے پر آمادہ ہوگیا
ٹرمپ انتظامیہ نے ایران کی درخواست پر مذاکرات ترکیہ سے منتقل کرنے پر آمادگی کا اظہار کردیا۔
امریکا اور ایران کے مذاکرات جمعہ کو عمان میں ہونےکا امکان ہے،غیرملکی میڈیا رپورٹس کےمطابق یہ فیصلہ ایران کی درخواست پرکیاگیا، جس کے بعد ٹرمپ انتظامیہ نےمذاکرات کامقام ترکیہ سے عمان منتقل کرنے پر رضامندی ظاہر کی ہے۔
اس سے قبل امریکی صدر ڈونلڈ ٹرمپ نے اپنے بیان میں کہا کہ ایران کسی پیش رفت کا خواہشمند نظر آتا ہے،تاہم یہ دیکھنا ہوگا کہ آیا واقعی کوئی نتیجہ سامنے آتا ہے یا نہیں۔
ایرانی صدر مسعود پزشکیان کی امریکا سےجوہری مذاکرات شروع کرنے کی ہدایت
ایرانی صدر مسعود پزشکیان نے امریکا سےجوہری مذاکرات شروع کرنے کی ہدایت دینے کی تصدیق کر دی۔
ایرانی صدرمسعود پزشکیان نےسوشل میڈیا پرپیغام میں اپنےوزیرخارجہ کو امریکا سے مذاکرات کا ماحول تیار کرنے کی ہدایت کی ہے،خطے کےدوست ممالک نےمذاکرات کی امریکی پیشکش پرغورکرنےکامشورہ دیا، مذاکرات کو دھمکیوں اور بلاجواز توقعات سےپاک ہونے چاہیں،مذاکرات میں ایران کےقومی مفادات کومقدم رکھا جائے گا۔
ایران نے زوردیا ہےکہ دھمکیوں، غیر معقول مطالبات سے پاک ماحول میں منصفانہ اور برابری کی بنیاد پر مذاکرات کیے جائیں۔
برطانیہ نے ایرانی حکام اورسیکیورٹی ادارے پر نئی پابندیاں عائد کردی
برطانیہ نے ایرانی حکام اور سیکیورٹی ادارے پر نئی پابندیاں عائد کردی۔
برطانوی دفترخارجہ سےجاری بیان کےمطابق دس ایرانی شخصیات اورایک سکیورٹی ادارے پرسنگین انسانی حقوق کی خلاف ورزیوں کے الزامات کے تحت پابندیاں عائد کی گئی ہیں۔
پابندیوں کی فہرست میں اعلیٰ پولیس افسران،پاسدارانِ انقلاب سے وابستہ شخصیات اور ایسے جج شامل ہیں جن پر پرتشدد کریک ڈاؤن کی ہدایت دینے،حد سے زیادہ سزائیں سنانے یا حقوق کی خلاف ورزی پر مبنی عدالتی کارروائیاں کرنے کے الزامات ہیں۔
ایران اپنا جوہری پروگرام معطل کرنے یا بند کرنے پر آمادہ ہے، امریکی میڈیا کا دعوی
امریکی میڈیا رپوٹس کے مطابق ایران اپنا جوہری پروگرام معطل کرنے یا بند کرنے پر آمادہ ہے۔
امریکی میڈیا کی جانب سےدعوی سامنے آیا ہےکہ ایران علاقائی نیوکلیئرپاورکنسورشیم کےمنصوبے پر عمل چاہتاہے،علاقائی نیوکلیئر پاورکنسورشیم کو امریکی حمایت بھی حاصل ہے۔
علی لاریجانی نےحال ہی میں روس کے صدر سے رابطہ کیا،علی لاریجانی نےپیوٹن کو آیت اللہ علی خامنہ ای کاپیغام پہنچایا،ایران 2015 کےمعاہدے کےتحت اپنی افزودہ یورینیم روس بھیجنےکیلئےتیار ہے
ایران میں فسادت پھیلانے کی منصوبہ بندی اور نگرانی بیرون ملک سے کی گئی،ایرانی سپریم لیڈر
ایرانی سپریم لیڈر آیت اللہ خامنہ ای نے سوشل میڈیا پر بیان جاری کرتے ہوئے کہا کہ ایران میں حالیہ فسادات اسرائیل اور امریکا کی سازش تھی، سی آئی اے اور موساد نے ملک میں بغاوت کو ہوا دی۔
تفصیلات کے مطابق انہوں نے کہا کہ ایرانی فورسز نے سی آئی اے اور موساد کی سازش کو ناکام بنایا، ایران میں سازش کا مقصد حکومت اور ان کے ادروں کو نقصان پہنچانا تھا، ایران میں فسادت پھیلانے کی منصوبہ بندی اور نگرانی بیرون ملک سے کی گئی، امریکا نے داعش بنائی ،حالیہ بغاوت کا مقصد ایرانی سلامتی کو درہم برہم کرنا تھا، ایران کے تاجروں بھی دشمن کی سازش کو سمجھ گئے اور اپنے آپ کو الگ کیا۔
ایرانی پارلیمنٹ کے اسپیکر نے یورپی ممالک کی افواج کو دہشت گرد قرار دے دیا
یورپی یونین کی جانب سے پاسداران کو دہشت گرد قرار دینے پر ایران کا ردعمل سامنے آیا ہے۔
ایرانی پارلیمنٹ کے اسپیکر محمد باقر قالیباف نے یورپی ممالک کی افواج کو دہشت گرد قرار دے دیا،انہوں نےکہا پاسداران انقلاب کو نشانہ بنا کر یورپ نے اپنے ہی پاؤں پر کلہاڑی ماری۔
محمد باقر قالیباف نے مزید کہا پاسداران انقلاب دہشت گردی کی راہ میں سب سے بڑی رکاوٹ ہے،یورپی یونین نے امریکا اور اسرائیل کے کہنے پر انتہائی اقدام اٹھایا۔
خیال رہے کہ یورپی ینوین نے 29 جنوری کو پاسداران انقلاب کو دہشت گرد قرار دیا تھا۔
ترک صدر کی امریکا اور ایران کے درمیان کشیدگی کم کروانے کیلئے ثالثی کی پیشکش
ترک صدر اردوان نے امریکا اور ایران کے درمیان کشیدگی کم کروانے کیلئے ثالثی کی پیشکش کردی۔
ایرانی وزیرخارجہ نےاستنبول میں ترک ہم منصب کےساتھ مشترکہ پریس کانفرنس میں دو ٹوک موقف اپنا لیا،امریکا سے منصفانہ اورمساوی بنیاد پرمذاکرات کیلئے تیارہیں لیکن بات چیت دھمکیوں کےسائے میں نہیں ہوسکتی۔
دورہ ترکیہ کےدوران عباس عراقچی نےترک صدر رجب طیب اردوان سےبھی ملاقات کی،اس موقع پر انہوں نےکہاکہ ایران کی دفاعی اور میزائل صلاحیتیں کبھی مذاکرات کا موضوع نہیں بنیں گی۔
امریکی صدرڈونلڈ ٹرمپ کا مظاہرین کی حوصلہ افزائی کے لیے ایران پر حملے پر غور
برطانوی خبررساں ایجنسی رائٹرز کی جانب سے دعویٰ کیا گیا ہے کہ امریکی صدرڈونلڈ ٹرمپ مظاہرین کی حوصلہ افزائی کے لیے ایران پر حملے پر غور کررہے ہیں۔
رائٹرز کےمطابق امریکا ایرانی سکیورٹی فورسز اوررہنماؤں پرفضائی حملہ کرسکتا ہے،صدر ٹرمپ ایران پر حملے کیلئےمختلف آپشنز پرغورکررہے ہیں اور اپنے ساتھیوں کے ساتھ مشاورت بھی کر رہےہیں جن میں ایک بہت بڑا اورمؤثرحملہ بھی شامل ہےجوممکنہ طور پر بیلیسٹک میزائل پر ہوسکتا ہےجومشرق وسطیٰ میں امریکا کے اتحادیوں تک رسائی رکھتے ہیں یا پھر یہ حملہ ایرانی کی جوہری تنصیباب پربھی ہوسکتا ہے،ابھی صدر ٹرمپ نےکوئی حتمی فیصلہ نہیں کیا آیا فوجی کارروائی ہو گی یا نہیں۔
رائٹرز کےمطابق صدر ٹرمپ ایران میں حکومت کی تبدیلی کے لیےحالات پیدا کرنا چاہتے ہیں جہاں ملک گیر احتجاج کی لہر کو کچلنے کے لیے سخت کریک ڈاؤن کیا گیا جس میں ہزاروں لوگ مارے گئے۔
ایرانی صدر کا سعودی ولی عہد محمد بن سلمان ٹیلی فونک رابطہ
ایرانی صدر مسعود پزیشکیان نے سعودی ولی عہد محمد بن سلمان سے ٹیلیفونک رابطہ کیا جس دوران محمدبن سلمان کا کہناتھا کہ ریاض ایران کے خلاف کسی بھی قسم کی جارحیت یا کشیدگی کو مسترد کردیا ہے۔
تفصیلات کے مطابق ایرانی صدر کا ٹیلیفونک رابطے کے دوران کہناتھا کہ ایران نے ہمیشہ عالمی قانون کے تحت جنگ روکنے کی کوششوں کا خیرمقدم کیا ہے، اسلامی ممالک میں اتحاد اور یکجہتی خطے میں استحکام کے لیے ضروری ہے، علاقائی عدم استحکام کسی کے مفاد میں نہیں ، خطے کی سلامتی کو متاثرکرنیوالی سیاسی کارروائیوں سے خبردار رہنا چاہیے، خطے میں پائیدارامن کے خواہاں ہیں۔
محمد بن سلمان کا کہناتھا کہ ریاض نے ایران کے خلاف کسی بھی قسم کی جارحیت یا کشیدگی کو مسترد کردیا، علاقائی سلامتی کیلئے ایران کے ساتھ تعاون کرنے کے لیے تیار ہیں۔
غزہ میں آخری اسرائیلی قیدی کی لاش بھی برآمد ہو گئی
غزہ میں آخری اسرائیلی قیدی کی لاش بھی برآمد ہو گئی،جس کے بعد اسرائیل نے تمام یرغمالیوں کی بازیابی مکمل ہونے کا اعلان کر دیا۔
اسرائیلی فوج کےمطابق آخری قیدی کی لاش حماس کی نشاندہی پریلولائن کی حدود میں کھدائی کے بعد نکالی گئی،حماس نے اپنےردعمل میں کہا ہےکہ جنگ بندی معاہدےکا پہلا مرحلہ اب مکمل ہو چکا ہے اور تنظیم معاہدے کی پیروری جاری رکھےگی،حماس کے مطابق طےشدہ نکات پر عمل درآمد کیا گیا ہے۔
دوسری جانب اسرائیلی وزیرِاعظم نیتن یاہو نے اپنی سخت پالیسی برقرار رکھتے ہوئے کہا ہےکہ معاہدے کے اگلےمرحلے میں حماس کو غیرمسلح کرنا شامل ہوگا۔
ٹرمپ انتظامیہ نے ایران کے ساتھ نئی ڈیل کے لیے چار اہم شرائط رکھ دیں، امریکی میڈیا
امریکی میڈیا نے دعوی کیا ہے کہ ٹرمپ انتظامیہ نے ایران کے ساتھ ممکنہ معاہدے کے لیے چار اہم شرائط رکھی ہیں،جو ایرانی قیادت تک پہنچا دی گئی ہیں۔
امریکی میڈیا کےمطابق پہلی شرط کے تحت ایران کو افزودہ یورینیم کا مکمل خاتمہ کرنا ہوگا، جبکہ دوسری شرط میں ایران کے اندر یورینیم افزودگی کی کسی بھی سطح پر اجازت نہ دینے کا مطالبہ کیا گیا ہے۔
تیسری شرط میں ایرانی بیلسٹک میزائل پروگرام پر واضح حد مقرر کرنے کی بات کی گئی ہے،جبکہ چوتھی شرط کے تحت ایران کو خطے میں موجود اپنی پراکسیز کی حمایت ختم کرنا ہوگی۔
دوسری جانب وائٹ ہاؤس حکام کا کہنا ہےکہ ایران پر حملےکا آپشن اب بھی میز پر موجود ہے،صدرڈونلڈ ٹرمپ ایران سےمتعلق اس ہفتےمزید مشاورت کریں گے،جبکہ انہیں ایران کے حوالے سے اضافی فوجی آپشنز بھی پیش کیے جائیں گے۔
ادھر اسرائیلی میڈیا نے دعویٰ کیا ہےکہ امریکا ایران کی بحری ناکہ بندی پر بھی غور کر رہا ہے، جس کے ذریعےایران کی تیل کی برآمدات روکنے کامنصوبہ زیرِغور ہے۔ امریکی اورعالمی مبصرین کے مطابق ایران سے متعلق امریکی پالیسی میں آئندہ دنوں میں مزید سخت فیصلے متوقع ہیں۔
مشرقِ وسطیٰ کشیدگی میں اضافہ، امریکی بحری بیڑہ ابراہم لنکن مشرقِ وسطیٰ پہنچ گیا
مشرقِ وسطیٰ میں کشیدگی مزید بڑھنے لگی ہے،عرب میڈیا کے مطابق امریکی بحری بیڑہ ابراہم لنکن مشرقِ وسطیٰ پہنچ گیا ہے۔
عرب میڈیا کا مزید کہنا ہےکہ امریکی فضائیہ مشرقِ وسطیٰ میں کئی روز تک جاری رہنے والی فوجی مشقیں کرے گی،جس سے خطے میں پہلے سے موجود تناؤ میں مزید اضافہ ہو سکتا ہے۔
دوسری جانب اسرائیلی سول ایوی ایشن اتھارٹی نے غیرملکی ایئرلائنزکو ہنگامی خط جاری کر دیا ہے،خط میں خبردار کیا گیا ہےکہ اگر آج رات فضائی حدود بند کی جاتی ہیں تو غیرملکی ایئرلائنز فوری طور پر متبادل انتظامات کے لیے تیار رہیں۔
ماہرین کے مطابق امریکی فوجی نقل و حرکت اور اسرائیلی انتباہات خطے میں کسی بڑے اقدام کی جانب اشارہ ہو سکتے ہیں، تاہم صورتحال پر عالمی برادری کی گہری نظر ہے۔
اسحاق ڈار کا دبئی میں قیام کے دوران ترکیہ اور ایران کے وزرائے خارجہ سے اہم ٹیلیفونک رابطہ
نائب وزیراعظم سینیٹر محمد اسحاق ڈار نے دبئی میں قیام کے دوران ایرانی اور ترک وزرائے خارجہ سے ٹیلی فونک رابطہ کیا جس دوران غزہ پیس آف بورڈ کےمسودے پر دستخط کے بعد کی پیشرفت پر گفتگو کی گئی جبکہ اہم علاقائی اور بین الاقوامی معاملات پر قریبی روابط برقرار رکھنے پر اتفاق کیا۔
ترجمان دفتر خارجہ کے مطابق ایرانی وزیر خارجہ نے جنیوا میں اقوام متحدہ کی انسانی حقوق کونسل کے اجلاس میں ایران سے متعلق قرارداد کے خلاف ووٹنگ اور ووٹ کے مطالبے سمیت پاکستان کے مضبوط مؤقف پر سینیٹر اسحاق ڈار کا شکریہ ادا کیا۔ ایرانی وزیر خارجہ نے وزیراعظم شہباز شریف، حکومت پاکستان اور پاکستانی عوام کے لیے گہری قدردانی کا اظہار بھی کیا۔ دونوں رہنماؤں نے باہمی مشاورت اور رابطے جاری رکھنے پر اتفاق کیا۔
دوسری طرف نائب وزیراعظم و وزیرخارجہ اسحاق ڈار نے ترکیہ کے وزیر خارجہ ہاکان فیدان کو ٹیلی فون کیا۔ ٹیلی فونک گفتگو میں ڈیووس میں غزہ پیس آف بورڈ کےمسودے پر دستخط کےبعد کی پیشرفت کا جائزہ لیا گیا۔ دونوں رہنماؤں نے اہم علاقائی اور بین الاقوامی معاملات پر قریبی روابط برقرار رکھنے پر اتفاق کیا۔
امریکا نے کارروائی کی تو مکمل جنگ ہوگی،ایران کا جواب سخت ترین ہوگا، ایرانی حکام
مشرق وسطیٰ میں ایک بار پھر جنگ کے سائے،یورپی ایئرلائنز نے اسرائیل،سعودی عرب اور متحدہ عرب امارات کیلئے پروازیں معطل کردیں۔
ترک وزیرخارجہ حقان فیدان نےکہا ایران پرحملے کیلئے اسرائیل موقع کی تلاش میں ہے،امریکا بھی ابھی تک مکمل طور پر پیچھے نہیں ہٹا،ترکیہ یہ جنگ رکوانے کیلئے پوری کوشش کررہا ہے۔
ایک ایرانی عہدیدار نے برطانوی خبررساں ادارے سےگفتگو میں کہاممکنہ امریکی حملےکا مقابلہ کرنے کے لیےپوری طرح تیار ہیں،امریکا نے کارروائی کی تو مکمل جنگ ہوگی،ایران کا جواب سخت ترین ہوگا۔
گزشتہ روز امریکی صدر نے دھمکی دی تھی کہ امریکی بحری بیڑا ایران کی جانب بڑھ رہا ہے۔ کچھ بھی ہوسکتا ہے۔
امریکی صدر ٹرمپ کا ایران میں ایک بار پھر قیادت کی تبدیلی کا اشارہ
امریکی صدر ڈونلڈ ٹرمپ نے ایک بار پھر ایران میں قیادت کی تبدیلی کا اشارہ دیتے ہوئے کہا ہے کہ اب وقت آ گیا ہے کہ ایران میں نئی قیادت تلاش کی جائے۔
امریکی صدرڈونلڈ ٹرمپ کا کہنا تھا کہ آیت اللہ خامنائی اپنے ملک کی تباہی کے ذمہ دار ہیں،خامنائی ایران کو تشدد اورجبر کےذریعے کنٹرول کر رہے ہیں، جس کے باعث ایرانی عوام شدید مشکلات کا شکار ہیں۔
امریکی صدر نےمزید کہا کہ آیت اللہ خامنائی کو ان کی طرح ملک چلانا چاہیے تھا تاکہ ایران ترقی کی راہ پر گامزن ہو سکتا،موجودہ ایرانی قیادت کی پالیسیاں نہ صرف ملک بلکہ خطے کے لیے بھی نقصان دہ ثابت ہو رہی ہیں۔
امریکی صدر کے بیان پر ایرانی حکام کی جانب سے تاحال کوئی باضابطہ ردعمل سامنے نہیں آیا۔
امریکا ایران پر اپنا غلبہ بحال کرنا چاہتا ہے، ایرانی سپریم لیڈر
ایرانی سپریم لیڈر آیت اللہ علی خامنہ ای نے امریکا پر الزام عائد کرتے ہوئےکہا ہےکہ امریکا ایران پر اپنا غلبہ بحال کرنا چاہتا ہے،حالیہ بغاوت ایک امریکی سازش تھی جس کا مقصد ایران کو نقصان پہنچانا تھا۔
ایرانی سپریم لیڈر آیت اللہ علی خامنہ ای نے دعویٰ کیا کہ ایران میں ہونےوالی بغاوت میں امریکی صدر ڈونلڈ ٹرمپ خود ملوث تھے اور ایران میں ہونےوالےجانی اورمالی نقصانات کے ذمہ دار بھی وہی ہیں،امریکا نے ایران کو دھمکیاں دیں اور فتنہ برپا کرنے والے عناصر کی حوصلہ افزائی کی۔
ایرانی سپریم لیڈرکاکہنا تھا کہ امریکا ایران کی سائنسی اورتکنیکی ترقی برداشت نہیں کر پا رہا، اسی لیے ملک کے خلاف سازشیں کی جا رہی ہیں،ایرانی عوام نے امریکی سازش کو ناکام بنایا اور آئندہ بھی عوام کے ساتھ مل کر فتنہ پھیلانے والے عناصر کو شکست دی جائے گی۔
چاہ بہار سے دستبرداری، بھارت کی ایران کے ساتھ تعلقات کی اصلیت سامنے آ گئی
بھارت کی جانب سے ایران کی چاہ بہار بندرگاہ سے عملی دستبرداری بھارت کی ایران کے ساتھ تعلقات کی اصلیت سامنے لے آئی ہے ۔ امریکی دباؤ کے تحت ایران سے طے شدہ معاہدے کو ترک کرنا بھارت کی دوغلی اور موقع پرستانہ پالیسیوں کا واضح ثبوت ہے۔
رپورٹس کے مطابق بھارت نے امریکی پابندیوں کے نفاذ سے قبل ایران کو معاہدے کے تحت 120 ملین ڈالر کی طے شدہ رقم ادا کی تھی۔ انڈیا پورٹس گلوبل لمیٹڈ کے بورڈ پر موجود سرکاری نامزد ڈائریکٹرز نے استعفیٰ دے دیا ہے، جبکہ کمپنی کی ویب سائٹ بھی بند کر دی گئی ہے۔
رپورٹس کے مطابق اس کا مقصد امریکی پابندیوں کے ممکنہ اثرات سے متعلق افراد اور اداروں کو بچایا جا سکے۔ معاشی ماہرین کا کہناہے کہ خدشہ ہے بھارت نے ایران کی چاہ بہار بندرگاہ بظاہر سرمایہ کاری کیلئے لی تھی ، حقیقت میں بھارت اس کو مذموم عزائم کیلئے استعمال کر رہا تھا ۔
ایران پر امریکہ کا حملہ ٹل گیاہے، اب حملے کے حالات نہیں رہے: رانا ثناء اللہ
وزیراعظم کے مشیر اور سینیٹر رانا ثناء اللہ نے سماء ٹی وی کے پروگرام ’ ندیم ملک لائیو‘ میں خصوصی گفتگو کرتے ہوئے کہا کہ ایران پر امریکا کا حملہ ٹل گیا ہے، ایران پر حملے کے حالات نہیں رہے،ایران میں اتحادآیا،حکومت کی حمایت میں لوگ باہر نکلے، حملے سے جو مقاصد حاصل کرنا چاہتے ہیں وہ حاصل نہیں ہو سکیں گے۔
تفصیلات کے مطابق راناثنا کا کہناتھا کہ ٹرمپ کے بیانات سے ایران کو نقصان ہوا ہو گا، صدر ٹرمپ کے بیانات سے ایرانی قوم میں جذبہ جاگ گیا، ایران تحریک میں غیرملکی عنصر،ٹرمپ کی دھمکیاں نہ ہوتیں تو زیادہ فورسز استعمال نہ کرنا پڑتیں، ایران میں لاکھوں لوگ سڑکوں پر نکلے، ایران میں الیکشن ہوتے ہیں،لوگوں کو ووٹ کا حق حاصل ہے۔
وزیراعظم کے مشیر نے کہا کہ ایران میں عقیدے،مذہب،نظریے کی بنیاد پر ایسی مزاحمت بنے گی جو خطے کو لپیٹ میں لے گی، افغانستان کا مسئلہ پوری دنیا کیلئے درد سر بنا ہوا ہے، افغانستان سے پاکستان متاثر ہو رہا ہے، امریکا نے وینزویلا میں رجیم چینج کیا،ایران بڑا ملک ہے، پاکستان ایران سے بھی بڑا ملک ہے، وینزویلا،گرین لینڈ،ایران کا آپس میں مقابلہ نہیں کیا جا سکتا۔
انہوں نے کہا کہ ہمیں آپس میں صلح کرنی چاہیے، جو صلح کرنے سے انکاری ہے قصور اُس کا ہے، حکومت مستحکم ہے،کسی قسم کاکوئی تھریٹ نہیں، ہم نہیں کہتے ہمیں گالیاں نہ دیں لیکن اداروں کو تو گالیاں نہ دیں، نوازشریف،آصف زرداری کے پاس اپنی جماعت کا اختیارہے،کسی اور کا نہیں، پی ٹی آئی کو سنگجانی جانے کا کہا گیا تھالیکن اس پر انہوں نے عمل نہیں کیا۔
ان کا کہناتھا کہ امریکی وفد آیا تھا وہ مایوس ہو کر گیا ہے، تالی دونوں ہاتھ سے بجے گی،ایک ہاتھ سے نہیں، وزیراعظم نے اپوزیشن کی سیٹوں پر جا کر دعوت دی، وزیراعظم شہبازشریف نے خلوص نیت سے بات کی، اسپیکرقومی اسمبلی اجلاس میں اپوزیشن لیڈر کے حوالے سے اپنی رائے دیں گے، پی ٹی آئی پہیہ جام ہڑتال کرنے کی پوزیشن میں نہیں، تحریک انصاف پشاور میں بھی پہیہ جام نہیں کر سکتی۔
پاکستانی سفیر برائے ایران محمد مدثر ٹیپو نے گفتگو کرتے ہوئے کہا کہ ایران میں پاکستانی طلبا بہت زیادہ ہیں، ہمارا پاکستانی طلبا،ان کےنمائندوں سے رابطہ ہے، کچھ پاکستانی طلبا واپس جاچکے ہیں، ہم نے سفارتخانے میں ایک یونٹ کھولا ہے،24گھنٹےکام کر رہا ہے، ایران میں وائی فائی کا بلیک آؤٹ ہے جس سے مشکلات ہیں، ہماری خواتین افسران تہران کی یونیورسٹیز میں گئی ہیں،طلبا سے ملکر آئیں۔
مدثرٹیپو نے کہا کہ ایران میں غیرملکی طلبا کو ایک مہینے کی چھٹی دے دی ہے، کچھ میڈیکل کے طلبا کو وطن واپس جانےکی اجازت نہیں دی گئی، ہمارے ادارے آپس میں رابطے میں ہیں، میرا بھی تمام اداروں سے رابطہ ہے، ہمارا بارڈرز اتھارٹیز سے بھی رابطہ ہے، تجارت ہو رہی ہے،آج بھی کینوز کے 70 کنٹینرز گئے ہیں، ایران کے ذریعے ٹرانزٹ ٹریڈ بھی ہو رہی ہے، ہم روزانہ اپنے سوشل میڈیا کو بھی اپ ڈیٹ کر رہےہیں۔
امریکا نے ایران پر نئی پابندیاں عائد کر دیں
امریکا نے ایران پر نئی اقتصادی پابندیاں عائد کر دیں، یہ پابندیاں ایران میں مظاہرین پر حملوں میں ملوث افراد اور اداروں کے خلاف لگائی گئی ہیں۔
محکمۂ خزانہ کا کہنا ہے کہ پابندیوں کا مقصد مظاہرین پر تشدد میں ملوث عناصر اور ایرانی تیل کی فروخت سے حاصل ہونے والے منافع کی غیر قانونی منتقلی کو روکنا ہے۔ اس سلسلے میں ایران کے 18 افراد اور اداروں کو پابندیوں کی فہرست میں شامل کیا گیا ہے۔
امریکی محکمۂ خزانہ کے مطابق پابندیوں کی زد میں آنے والوں میں ایرانی قومی سلامتی کے سربراہ علی لاریجانی بھی شامل ہیں۔
امریکی وزیرِ خزانہ کا کہنا ہے کہ ایرانی تیل کی فروخت سے حاصل ہونے والا منافع ایران کے عوام تک نہیں پہنچ رہا بلکہ اسے دیگر مقاصد کے لیے استعمال کیا جا رہا ہے۔
اس موقع پر امریکی وزیرِ خزانہ اسکاٹ بیسینٹ نے بیان دیا کہ صدر ڈونلڈ ٹرمپ ایران کے عوام کے ساتھ کھڑے ہیں ۔
دوسری جانب امریکا نے کیریبین سمندر میں وینزویلا جانیوالے ایک اور آئل ٹینکر ضبط کر لیا ہے، حالیہ ہفتوں میں وینزویلا جانیوالے چھٹے آٹل ٹینکر کو قبضے میں لیا گیا، آئل ٹینکر کس ملک کا تھا فوری طور پر تفصیلات جاری نہیں کی گئیں۔
پُرتشدد مظاہروں میں تقریباً 60 فیصد اموات سر پر ضرب لگانے سے ہوئیں: ایرانی وزیر دفاع
ایرانی وزیرِ دفاع عزیز نصیرزاده نے کہا ہے کہ حالیہ پُرتشدد مظاہروں کے دوران ہونے والی اموات میں سے تقریباً 60 فیصد سر پر ضرب لگنے کے باعث ہوئیں، جبکہ بیشتر ہلاکتیں چاقو کے وار اور گلا گھونٹنے جیسے پُرتشدد طریقوں سے ہوئیں۔
انہوں نے بتایا کہ مظاہروں کے دوران 150 سے زائد دکانیں تباہ کی گئیں تاہم کسی دکان کو لوٹا نہیں گیا، جو اس بات کی نشاندہی کرتا ہے کہ یہ احتجاج معاشی مسائل کے لیے نہیں بلکہ شرپسندی پھیلانے کے لیے منظم کیے گئے تھے۔ وزیرِ دفاع کے مطابق ملک دشمن عناصر نے مذہبی اور ثقافتی مقامات کو بھی نشانہ بنایا۔
عزیز نصیرزاده نے الزام عائد کیا کہ ایران میں بدامنی پھیلانے کے لیے بیرونی حمایت سے باقاعدہ منصوبہ بندی کی گئی، اور اس بار امریکی اور اسرائیلی حکام نے اپنی بدنیتی کسی بھی طرح نہیں چھپائی۔
ایران نے اپنی فضائی حدود بین الاقوامی پروازوں کیلئے کھول دی
ایران نے اپنی فضائی حدود بین الاقوامی پروازوں کیلئے کھول دی۔
ایرانی سول ایوی ایشن اتھارٹی کے مطابق فضائی حدود میں ٹرانزٹ پروازیں معمول کے مطابق جاری ہیں، ایران کے تمام ہوائی اڈے مسافروں کو خدمات فراہم کر رہے ہیں،مسافر ایئرپورٹ جانے سے پہلے اپنی پرواز کی صورتحال معلوم کریں۔
ادھر ایران میں سیکیورٹی صورتحال کے سبب امریکا کے بعد اسپین، پولینڈ اور اٹلی نے اپنے شہریوں کو ایران فوری چھوڑنے کی ہدایت کی ہے۔
ہم ایران کی تیل برآمدات پر زیادہ سے زیادہ دباؤ کی مہم چلا رہے ہیں، امریکی وزیرخزانہ
امریکی وزیرخزانہ اسکاٹ بیسنٹ نے کہا ہے کہ ہم ایران کی تیل برآمدات پر زیادہ سےزیادہ دباؤ کی مہم چلا رہے ہیں۔
امریکی وزیر خزانہ اسکاٹ بیسنٹ نے امریکی ٹی وی کو انٹرویو دیتے ہوئے کہا ہے کہ امریکا ایران کی تیل برآمدات پر زیادہ سے زیادہ دباؤ ڈالنے کی مہم چلا رہا ہے اور ایرانی حکومت کی فنڈنگ کے ذرائع ختم کرنے کی کوشش کی جا رہی ہے۔
انہوں نےبتایا کہ گزشتہ ایک ماہ کے دوران ایران کا مالیاتی نظام تقریباً تباہ ہو چکا ہے،بینک بند ہو رہے ہیں، مہنگائی میں اضافہ ہو رہا ہے اور زرمبادلہ کی شدید کمی کا سامنا ہے۔
اسکاٹ بیسنٹ نےکہا کہ ایران سے کروڑوں ڈالر ملک سے باہر منتقل کیے جا رہے ہیں اور ایرانی قیادت بحری جہازوں کےذریعےڈالر باہر بھیج رہی ہے،یہ اقدامات ایران کی عالمی سطح پر مالی اور اقتصادی سرگرمیوں کو محدود کرنے کے لیے اٹھائے جا رہے ہیں۔
ایرانی قیادت اور عوام پر مکمل اعتماد ہے،پرامن اورمستحکم ایران پاکستان کے مفاد میں ہے، ترجمان دفتر خارجہ
ترجمان دفترخارجہ طاہر اندرابی نے کہا ہے کہ امید ہےایران موجودہ بحران پر جلد قابو پا لےگا،صورتحال پر نظررکھے ہوئے ہیں،ایرانی قیادت اور عوام پر مکمل اعتماد ہے،پرامن اور مستحکم ایران پاکستان کے مفاد میں ہے۔
ترجمان دفترخارجہ طاہر اندرابی نےہفتہ واربریفنگ میں کہا تحران میں پاکستان کا سفارتخانہ پاکستانیوں سے رابطے میں ہے اور ان کی مکمل دیکھ بھال کر رہا ہے،ایران خطے کا ایک بڑا اور اہم ملک ہے،پاکستان پرامن اورخوشحال ایران دیکھنا چاہتا ہے۔
ترجمان دفترخارجہ نےکہا پاکستان بھارتی آرمی چیف کےدہشتگردکیمپوں کے حوالےسےبیانات مسترد کرتا ہے، کلبھوشن یادیوکاپاکستان میں تخریب کاری میں ملوث ہوناریکارڈکاحصہ ہے،آسیہ اندرابی کو سزا سنائے جانےکی شدیدمذمت کرتے ہیں۔
ترجمان نےمزید کہا وزیراعظم شہبازشریف نے امیر قطر نے ٹیلی فون کال کی،جس میں دوطرفہ تعلقات اور تعاون پر اطمینان کا اظہار کیا گیا،نائب وزیراعظم اسحاق ڈار نے ایران کے وزیر خارجہ عباس عراقچی کو فون کیا،دونوں رہنماؤں نے ایران کی موجودہ صورت حال پر بات چیت کی،اسحاق ڈار کا ازبکستان اور میانمار کے وزرائے خارجہ اور انڈونیشیا کے وزیر سرمایہ کاری سے بھی رابطہ ہوا۔
ایران کی مذہبی حکومت کے خاتمے کا امکان موجود ہے، امریکی صدر ڈونلڈ ٹرمپ
امریکی صدر ڈونلڈ ٹرمپ نے اپنے بیان میں کہا کہ ایران کی مذہبی حکومت کے خاتمے کا امکان موجود ہے۔
امریکی صدرڈونلڈٹرمپ نےخبررساں ادارےکوانٹرویودیتےہوئےکہا ہےکہ مظاہروں کےباعث تہران کی حکومت گرسکتی ہے،ایرانی اپوزیشن رہنمارضا پہلوی اچھے انسان لگتےہیں،وہ اچھے لگتےہیں،مگرمجھے نہیں معلوم کہ وہ ایران میں کیسےقبول کیےجائیں گے،یقین نہیں کہ ایرانی عوام رضا پہلوی کی قیادت قبول کریں گے یا نہیں، امریکی صدر نےرضا پہلوی کی کھل کر حمایت سے گریز کیا۔
ایرانی اپوزیشن رہنما رضا پہلوی نے کہا کہ ایران کے نیوکلیئر فوجی پروگرام کو ختم کر دیا جائے گا،ان کے بقول دہشت گرد گروہوں کی حمایت فوری طور پر بند کر دی جائے گی،ایک آزاد ایران علاقائی اور عالمی شراکت داروں کے ساتھ ملکردہشت گردی،منظم جرائم، منشیات کی سمگلنگ اور انتہا پسند اسلام کے خلاف کام کرے گا۔
انہوں نےمزیدکہا سفارتکاری میں،ایران اور امریکہ کےتعلقات معمول پر آئیں گے اور امریکہ اور اس کے عوام کےساتھ دوستی بحال کی جائے گی،اسرائیل کو فوری طورپرتسلیم کیا جائےگا،وہ ابراہیم معاہدوں کو"سائرس معاہدے"میں تبدیل کرنے کی کوشش کریں گے،جو آزاد ایران، اسرائیل اورعرب دنیا کو ایک ساتھ لائے گا۔
ایرانی پاسداران انقلاب کے سربراہ میجر جنرل محمد پاکپور کا کہنا ہےکہ امریکا اور اسرائیل کسی غلط فہمی میں نہ ر ہیں،کسی بھی مہم جوئی کا بھرپور جواب دیں گے،سعودی عرب،قطر اور عمان نے امریکا کو حملے سے گریز کا مشورہ دیا۔
ایران نےاپنی فضائی حدودتمام پروازوں کیلئے بندکر دی، برطانیہ نےعارضی طورپر تہران میں سفارتخانہ بندکر دیا، مغربی ممالک کی اپنے شہریوں کو ایران سےفوری نکلنےکی ہدایت کردی۔
برطانوی خبررساں ادارےکادعویٰ ہےکہ ایران پرامریکاکےفوری حملےکاخطرہ بڑھ گیا،تمام اشارے ظاہر کرتے ہیں،عنقریب حملہ ہوسکتاہے،اچانک حملہ امریکی فوج کی حکمت عملی کاحصہ ہوگا۔
ایران میں جاری پرتشدد مظاہروں میں اموات کی تعداد 2 ہزار 571 ہوگئی
ہیومن رائٹس گروپ کے مطابق ایران میں پرتشدد مظاہروں میں 2 ہزار 571 افراد مارے گئے جن میں 2 ہزار 403 مظاہرین اور 147 سیکیورٹی اہلکار شامل ہیں۔
خبرایجنسی رائٹرز کےمطابق ایرانی حکام نے بھی 2 ہزار سے زائد جانی نقصان کو تسیلم کیا ہےایرانی وزیر خارجہ نےمتحدہ عرب امارات کےوزیرخارجہ کو فون کیا اور انہیں شرپسندوں کوحاصل امریکی اور اسرائیلی پشت پناہی سے آگاہ کیا۔
عباس عراقچی نےکہاکہ ایران اپنی خودمختاری اورسلامتی کا ہر حال میں دفاع کرے گا۔ یو اے ای کے وزیرِ خارجہ نے مسلسل مشاورت اور ہم آہنگی کی ضرورت پر زوردیا۔ ایرانی وزیر خارجہ نے ترک ہم منصب کو بھی فون اور تازہ ترین صورتحال پر تبادلہ خیال کیا۔
ایران کےایک سینیئر عہدیدار نےرائٹرزسےگفتگوکرتےہوئےکہاامریکا کے ساتھ سفارتی رابطے ٹوٹ چکے ہیں،خطے کےممالک فوجی کارروائی روکنےمیں کرداراداکریں،امریکا نےحملہ کیا تو امریکی ایران امریکی اڈوں کو نشانہ بنائے گا۔
ایران نے مظاہرین کو پھانسی دی تو سخت کارروائی کریں گے، امریکی صدر کی ایران کو دھمکی
امریکی صدر ڈونلڈ ٹرمپ نے مظاہرین کو پھانسی دینے کی صورت میں ایران کو سخت کارروائی سے خبردار کردیا۔
امریکی صدر ڈونلڈ ٹرمپ نے امریکی میڈیا کو انٹرویو کے دوران کہا کہ انہیں مظاہرین کو پھانسی کے بارے میں کوئی رپورٹ موصول نہیں ہوئی لیکن انہوں نے ساتھ ہی خبردار کیا کہ اگر ایران میں گرفتار مظاہرین کو پھانسی دی گئی تو امریکا بہت سخت کارروائی کرے گا۔
مزید کہا کہ ہم نہیں چاہتےکہ ایران میں جو کچھ ہو رہا ہے، وہ جاری رہے،لیکن جب ہزاروں لوگوں کو قتل کیاجائے،اورپھانسی کی بات ہوتو پھران سب کا نتیجہ ایران کے لیےبالکل اچھا نہیں ہوگا،صدر ٹرمپ نے قتل عام بند ہونے تک ایرانی حکام سے ملاقات نہ کرنے کا اعلان کردیا۔
اس سےقبل امریکی صدر نے ایران میں حکومت کےخلاف پُرتشددمظاہرے کرنے والوں کو بغاوت پر اُکساتے ہوئےکہاکہ ایرانی اداروں کا کنٹرول سنبھال لیں،امریکی مدد جلد پہنچنے والی ہے،گزشتہ روز امریکا نے اپنےشہریوں کو ایران چھوڑنے کی ہدایت کی تھی۔
غیرملکی خبررساں ادارے رائٹرز کےمطابق ایران کے ایک عہدیدا ر نےدعویٰ کیاہےکہ ایران میں حالیہ احتجاجی مظاہروں کے دوران سیکیورٹی اہلکاروں سمیت تقریباً 2 ہزار افراد ہلاک ہو چکے ہیں۔
ایرانی عہدیدارکےمطابق ہلاک ہونے والوں میں مظاہرین اورسیکیورٹی اہلکاردونوں شامل ہیں،تاہم انہوں نے ہلاکتوں کی تفصیلی تقسیم فراہم نہیں کی۔ عہدیدار نے دعویٰ کیا کہ جن عناصر کو انہوں نے "دہشت گرد" قرار دیا، وہی مظاہرین اور سیکیورٹی فورسز کی ہلاکتوں کے ذمہ دار ہیں۔
ایران کی جانب سے سرکاری سطح پر اب تک ہونے والی ہلاکتوں سے متعلق کوئی اعدادو شمار جاری نہیں کیئے گئے ہیں۔
ایرانی مظاہرین کو مدد پہنچنے والی ہے، ٹرمپ، خطرے سے نمٹنے کیلئے سرپرائز تیار ہے : ایرانی وزیر دفاع
امریکی صدر ڈونلڈ ٹرمپ نے کہاہے کہ ایرانی محب وطن احتجاج جاری رکھیں اور اپنے اداروں کا کنٹرول حاصل کر لیں، مظاہرین کو مدد پہنچنے والی ہے جبکہ ایرانی وزیر دفاع نے بیان جاری کرتے ہوئے کہا کہ واشنگٹن نے کوئی حماقت کی تو دنیا بھر میں امریکی مفادات حملوں کی زد میں ہوں گے۔
امریکی صدر ڈونلڈ ٹرمپ نے ٹروتھ سوشل پر پیغام جاری کرتے ہوئے کہا کہ ایرانی حکام کےساتھ تمام ملاقاتیں منسوخ کر دیں، ایرانی حکام سےمظاہرین کا قتل عام بند ہونےتک ملاقات نہیں ہو گی، ایرانی محبِ وطن احتجاج جاری رکھیں اور اپنے اداروں کا کنٹرول حاصل کر لیں، مظاہرین کو مدد پہنچنے والی ہے، قاتلوں اور ظالموں کے نام محفوظ رکھو، انہیں بھاری قیمت چکانا پڑے گی۔
ایرانی وزیر دفاع
دوسری جانب ایرانی وزیر دفاع عزیز نصیر زادہ نے امریکی صدر کے بیان پر رد عمل جاری کرتے ہوئے کہا کہ کسی بھی خطرے سے نمٹنے کے لیے سرپرائزز تیار ہیں، جارحیت کرنے والوں کو ایران کے سرپرائزز سے شدید تکلیف ہو گی، واشنگٹن نے کوئی حماقت کی تو دنیا بھر میں امریکی مفادات حملوں کی زد میں ہوں گے، جو ملک امریکی جارحیت میں سہولت کاری کرے گا اسے بھی معاف نہیں کیا جائے گا، ایران میں اسلامی نظام کو چیلنج کرنے کی ہرگز اجازت نہیں دیں گے۔
احتجاج کے دوران ہلاکتیں
غیر ملکی خبررساں ادارے رائٹرز کے مطابق ایران کے ایک عہدیدا ر نے دعویٰ کیاہے کہ ایران میں حالیہ احتجاجی مظاہروں کے دوران سیکیورٹی اہلکاروں سمیت تقریباً 2 ہزار افراد ہلاک ہو چکے ہیں۔
ایرانی عہدیدارکے مطابق ہلاک ہونے والوں میں مظاہرین اور سیکیورٹی اہلکار دونوں شامل ہیں، تاہم انہوں نے ہلاکتوں کی تفصیلی تقسیم فراہم نہیں کی۔ عہدیدار نے دعویٰ کیا کہ جن عناصر کو انہوں نے "دہشت گرد" قرار دیا، وہی مظاہرین اور سیکیورٹی فورسز کی ہلاکتوں کے ذمہ دار ہیں۔
ایران کی جانب سے سرکاری سطح پر اب تک ہونے والی ہلاکتوں سے متعلق کوئی اعدادو شمار جاری نہیں کیئے گئے ہیں۔
ایران میں احتجاج کے دوران ہلاکتوں کی تعداد 2 ہزار تک پہنچ گئی: رائٹرز
غیر ملکی خبررساں ادارے رائٹرز کے مطابق ایران کے ایک عہدیدا ر نے دعویٰ کیاہے کہ ایران میں حالیہ احتجاجی مظاہروں کے دوران سیکیورٹی اہلکاروں سمیت تقریباً 2 ہزار افراد ہلاک ہو چکے ہیں۔
ایرانی عہدیدارکے مطابق ہلاک ہونے والوں میں مظاہرین اور سیکیورٹی اہلکار دونوں شامل ہیں، تاہم انہوں نے ہلاکتوں کی تفصیلی تقسیم فراہم نہیں کی۔ عہدیدار نے دعویٰ کیا کہ جن عناصر کو انہوں نے "دہشت گرد" قرار دیا، وہی مظاہرین اور سیکیورٹی فورسز کی ہلاکتوں کے ذمہ دار ہیں۔
ایران کی جانب سے سرکاری سطح پر اب تک ہونے والی ہلاکتوں سے متعلق کوئی اعدادو شمار جاری نہیں کیئے گئے ہیں۔ ذرائع کے مطابق ایران میں یہ احتجاج خراب معاشی حالات کے باعث شروع ہوئے، یہ صورتحال ایسے وقت میں سامنے آئی ہے جب گزشتہ سال اسرائیلی اور امریکی حملوں کے بعد ایران پر بین الاقوامی دباؤ میں بھی اضافہ ہو چکا ہے۔
دوسری جانب امریکی صدر ڈونلڈ ٹرمپ نے پیر کی شب اعلان کیا کہ ایران کے ساتھ کاروبار کرنے والے کسی بھی ملک سے درآمد کی جانے والی مصنوعات پر 25 فیصد ٹیرف عائد کیا جائے گا۔ امریکی صدر کا کہنا ہے کہ ایران کے خلاف مزید فوجی کارروائی بھی زیر غور ہے، اور رواں ماہ کے آغاز میں انہوں نے کہا تھا کہ "ہم مکمل طور پر تیار ہیں"۔
تجارتی جنگوں اور ٹیرف پالیسیوں کا کوئی فاتح نہیں ہوتا، چینی وزارت خارجہ
امریکا کی جانب سے ایران سے تجارت کرنے والے ممالک پر 25 فیصد ٹیرف پر چین کا ردعمل سامنے آیا ہے۔
چینی وزارت خارجہ کی جانب سےجاری بیان میں کہاگیا ہےکہ ایسے اقدامات دوسرے ممالک کے داخلی معاملات میں مداخلت کےمترادف ہیں،تجارتی جنگوں اور ٹیرف پالیسیوں کا کوئی فاتح نہیں ہوتا،ایسے اقدامات سےعالمی معیشت کو نقصان پہنچتا ہے۔
چینی حکام کاکہنا ہےکہ خودمختارممالک کےدرمیان معمول کا تجارتی تعاون قابلِ احترام ہونا چاہیے، تجارت کو سیاسی دباؤ کے لیےاستعمال نہیں کیاجانا چاہیے،ایران سمیت دیگرممالک کےساتھ قانون کے دائرے میں رہتے ہوئےتجارتی تعلقات جاری رکھیں گے،امریکا غیر قانونی پابندیاں ختم کرے،مذاکرات اورکثیر الجہتی تعاون کا راستہ اختیار کیاجائے
واضح رہے کہ امریکا نے ایران سے تجارت کرنے والے ممالک پر 25 فیصد ٹیرف عائد کرنے کی دھمکی دی ہے۔
امریکا نے اپنےشہریوں کو فوری طورپر ایران چھوڑنے کی ہدایت کردی
امریکا نے اپنےشہریوں کو فوری طورپر ایران چھوڑنے کی ہدایت کردی۔
امریکی سفارت خانہ کی جانب سے جاری بیان میں کہا گیا ہے کہ ایران میں موجود امریکی شہری حکومت کی مدد کا انتظارنہ کریں،فوری طور پر ایران چھوڑ دیں۔
امریکی سفارت خانہ کےمطابق ایران میں مظاہرے پرتشدد صورتحال اختیار کر سکتے ہیں،امریکی شہری زخمی ہوسکتےہیں،انہیں گرفتارکیاجاسکتا ہے۔
اکثرشہروں میں مظاہروں پر قابو پالیا،جلد پورے ملک میں انٹرنیٹ بحال کریں گے، ایرانی وزیرخارجہ
ایرانی وزیر خارجہ عباس عراقچی کا کہنا ہے کہ اکثر شہروں میں مظاہروں پر قابو پالیا۔ جلد پورے ملک میں انٹرنیٹ بحال کریں گے۔
ایرانی وزیرخارجہ عباس عراقچی کی غیر ملکی سفارتکاروں کوبریفنگ دیتے ہوئےکہا احتجاج ابتدا میں پُرامن تھے،دہشت گرد گروہوں نےعوام کی صفوں میں دراندازی کی،تخریب کارعوام پرگولیاں برساتے تھے،مقصد زیادہ سے زیادہ لوگوں کو ہلاک کرنا تھا،صدر ٹرمپ یہی چاہتے ہیں۔
ایرانی وزیرخارجہ کے مطابق پرتشدد مظاہرین نے ملک بھر میں 53 مساجد کو آگ لگائی،سیکیورٹی فورسز پر براہ راست فائرنگ کی گئی جس کے شواہد بھی موجود ہیں۔
امریکہ ایران کے لیے ’انتہائی مضبوط آپشنز‘ پر غور کر رہا ہے،امریکی صدر
امریکی صدر ڈونلڈ ٹرمپ نےکہا ہےکہ ایران کی صورتحال پرقریبی نظرہے،مظاہرین کی ہلاکتیں ناقابلِ قبول ہیں،امریکی فوج بہت مضبوط آپشنز پر غور کررہی ہے،ایران کی جانب سے ایٹمی پروگرام پر بات چیت کا پیغام کا ملا ہے۔
نیویارک ٹائمز کےمطابق ٹرمپ انتظامیہ کو ممکنہ ایرانی ردعمل کا خوف لاحق ہے،بریفنگ کے دوران حتمی فیصلہ نہ ہو سکا،امریکی صدر منگل کو مشیروں سے ملاقات کریں گے،صدرٹرمپ نےایران میں انٹرنیٹ کی بحالی کےلیے ایلون مسک سے بات کرنے کا عندیہ دیا۔
دوسری جانب ایرانی حکومت نےمظاہروں کے دوران سیکیورٹی فوسز کی ہلاکت پر تین روزہ سوگ کا اعلان کردیا،نماز جنازہ میں ہزاروں افراد نے شرکت کی،صدر مسعود پزشکیان نے مظاہرے امریکا اور اسرائیل کی سازش قرار دے دیے،کہا بیرون ملک سے دہشت گردوں کو بھیجا گیا،مساجد کو آگ لگائی گئی،امن و امان خراب کرنے والوں سے سختی سے نمٹیں گے۔
ایران میں حکومت مخالف مظاہرے بے قابو،جاں بحق افراد کی تعداد 538 ہوگئی،10 ہزار سے زائد مظاہرین گرفتار ہوچکے ہیں،مظاہرین کے حملوں میں 114 سیکیورٹی اہلکار مارے گئے،صوبہ خراسان میں اسرائیلی ایجنسی موساد کے دو جاسوس گرفتار کرلیے گئے،گرفتار ملزمان سے جاسوسی کے آلات اور گولہ بارود بھی برآمد کیا گیا۔
پاکستان صومالیہ کی خودمختاری،وحدت اورعلاقائی سالمیت کی مکمل حمایت کرتا ہے،اسحاق ڈار
نائب وزیراعظم اوروزیرخارجہ اسحاق ڈار نےکہا ہے کہ پاکستان صومالیہ کی خودمختاری،وحدت اور علاقائی سالمیت کی مکمل حمایت کرتا ہے۔
اسرائیل کے صومالی لینڈ کو تسلیم کرنے پر او آئی سی کی وزرائے خارجہ کونسل کے 22 ویں غیرمعمولی اجلاس سے خطاب کرتےہوئے اسحاق ڈار نےکہا کہ پاکستان اسرائیل کے صومالیہ پراقدامات کی سخت مذمت کرتا ہے،اسرائیلی اقدام صومالیہ کی بین الاقوامی طورپرتسلیم شدہ سرحدوں پر براہ راست حملہ ہے،بین الاقوامی قانون کےتحت ریاست کی خود مختاری اور علاقائی سالمیت لازمی ہیں،کوئی بیرونی ادارہ یا ریاست اس حقیقت کو بدلنےکا قانونی یا اخلاقی حق نہیں رکھتی، ایسے کسی بھی بیان یا عمل کو قانونی یا سیاسی اثر نہیں حاصل ہوگا۔
انہوں نےکہاپاکستان نے اقوام متحدہ میں بھی اسرائیل کی کارروائی کی مذمت کی،اقدام ہارن آف افریقہ اور بحیرہ احمر میں امن و سلامتی کیلئے خطرہ ہے،عوامی ووٹ کی بنیاد پرانتخابات ہی صومالیہ کی ترقی کی علامت ہیں،پاکستان صومالی عوام اور سیکیورٹی فورسزکی قربانیوں کوسراہتا ہے،اسرائیل کی کارروائی بین الاقوامی قانون اوراقوام متحدہ کےمنشور کی خلاف ورزی ہے،یہ اقدام دہشتگردی کےخلاف عالمی اور علاقائی کوششوں کو نقصان پہنچا سکتا ہے۔
اسحاق ڈار نے کہا ریاستی اداروں کی مضبوطی اور اقتصادی شعبےمیں شفاف اصلاحات اہم ہیں،غزہ میں جنگ کے خاتمے اور انسانی امداد کی فراہمی کیلئے کوششیں ضروری ہیں،پاکستان اور آئی سی اورعرب ممالک کیساتھ فلسطینی حق خودارادیت کیلئے تعاون کرےگا،پاکستان فلسطینی عوام کےحق خودارادیت کےساتھ کھڑ اہے۔
ایران میں حالیہ کشیدگی پر پاکستان کی بہترین سفارت کاری مرکز نگاہ بن گئی
ایران میں حالیہ کشیدگی پر پاکستان کی بہترین سفارت کاری مرکز نگاہ بن گئی ہے ، امریکی جریدے دی نیشنل انٹرسٹ نے پاکستان کی علاقائی اہمیت اور مؤثرسفارتکاری کا اعتراف کرتے ہوئے مضمون شائع کیا ہے جس میں کہاہے کہ واشنگٹن کے سخت گیر حلقوں میں ایران کو اگلا ہدف بنانے کا تصور مضبوط ہوا ہے، جنوبی ایشیا میں امریکہ کا اہم شراکت دار پاکستان بھی ایران کیخلاف کسی قسم کی کارروائی کا حامی نہیں ہے۔
دی نیشنل انٹرسٹ کے مطابق صدر ٹرمپ نے خبردار کیا کہ مظاہرین پر کریک ڈاؤن کی صورت میں امریکا مداخلت کرے گا ، تاہم اس کی نوعیت واضح نہیں کی، ایران کےساتھ وینزویلا جیسا رویہ جنوبی ایشیا میں بحران کو جنم دے سکتا ہے، ایران کیخلاف کارروائی کی مخالفت صرف خلیج فارس تک محدود نہیں، یہ پورے خطے میں پھیلی ہوئی ہے ، جنوبی ایشیا میں امریکہ کا اہم شراکت دار پاکستان بھی ایران کیخلاف کسی قسم کی کارروائی کا حامی نہیں ، پاکستان اور امریکا کے تعلقات فیلڈ مارشل عاصم منیر کی صدر ٹرمپ سے ملاقات کے بعد نمایاں طور پر بہتر ہوئے ہیں ، پاکستان پر تشدد طریقے سے ایران میں حکومتی نظام کی تبدیلی کی حمایت نہیں کرتا کیونکہ اس سے انتشاربڑھنے کاخدشہ ہے ۔
دی نیشنل انٹرسٹ کے مطابق اس صورتحال سے دہشتگردوں کو تقویت ملے گی جو پاک ایران مشترکہ سرحد پر دونوں اطراف میں سرگرم ہیں ، ایران میں رجیم چینج کے بعد فتنہ الہندوستان کو وسیع پناہ گاہ اور ہتھیار میسر آسکتے ہیں ، پاکستان میں مہاجرین کے ہجوم کا امکان ایک اور بنیادی قومی سلامتی کا مسئلہ ہے، ایران وینزویلا کے برعکس مضبوط فوجی طاقت ہے اور خلیجِ فارس میں تیل کی ترسیل متاثر کرنے کی صلاحیت رکھتا ہے، پاکستان ، بھارت سے کشیدگی اور افغانستان سے دہشتگردانہ حملوں کا سامنا کرتا ہے ، پاکستان اپنی مغربی سرحد پرجنگ اور بے امنی برداشت نہیں کر سکتا ۔
مضمون میں کہا گیاہے کہ یہ صورتحال فوجی حل کی طرف نہیں بلکہ ایک سفارتی راستے کی طرف اشارہ کرتی ہے ، ایران کے بیلسٹک میزائل ختم کرنے سے لے کر حکومت مخالف مظاہرین کی حفاظت تک جنگ کے بجائے امریکہ کو علاقائی شراکت داروں کو استعمال میں لانا چاہیے ، امریکہ کو چاہیے کہ وہ ایسے علاقائی شراکت داروں سے فائدہ اٹھائے جن کا استحکام میں حقیقی مفاد ہو ، اہم بات یہ ہے کہ پاکستان کے ایران اور امریکہ، دونوں کے ساتھ اہم سفارتی رابطے اور تعلقات ہیں ، ماضی کے برعکس ایران نے پاکستان اور سعودی عرب کے درمیان سلامتی کے معاہدے کا خیرمقدم کیا ، پاکستان اس صورتحال میں مدد کر سکتا ہے، وہ پہلے ہی کشیدگی کم کرنے کی کوششوں میں مصروف ہے ، ایران میں مداخلت کرنے سے خطہ غیر مستحکم ہوجائے گا ۔
دی نیشنل انٹرسٹ کے مطابق مستقبل کی راہ پاکستان جیسے ممالک کی دوراندیش ریاستی حکمتِ عملی اور سفارت کاری سے متعین ہوتی ہے، پاکستان کی موثر سفارت کاری اور عالمی اثر و رسوخ کی دنیامعترف ہے، پاکستان بہترین سفارت کاری اور نیشنل کلیرٹی کی وجہ سے خطے میں نیٹ ریجنل سٹیبلائزر کے طور پر ابھر رہا ہے، سیاسی اور عسکری قیادت کی قومی بصیرت کی بدولت نہ صرف مشرق وسطیٰ بلکہ پاکستان کے اہم سفارتی کردار کو عالمی سطح پر تسلیم کیا جا رہا ہے۔
مشہد میں مظاہرین نے معروف دانشور ڈاکٹر فرج اللہ شوشتری کو قتل کردیا، ایرانی میڈیا
مشہد میں مظاہرین نے معروف دانشور ڈاکٹر فرج الله شوشتری کو قتل کردیا۔
ایرانی میڈیا رپورٹس کے مطابق فرج اللہ شاشتری سابق آئی آر جی سی کمانڈر جنرل نورعلی شوشتری کے فرزند تھے۔
ایران میں پرتشدد فسادات کودو ہفتے مکمل،تہران سے شروع ہونے والے مظاہرے 31صوبوں میں پھیل گئے ہیں کشیدگی کے باعث ملک بھر میں بلیک آوٹ،انٹرنیٹ اور موبائل سروس معطل ہے، غیر ملکی ایئرلائنز نے تہران کیلئے پروازیں منسوخ کر دیں۔
تہران اور اصفہان میں مشتعل مظاہرین نےجلاؤ گھیراؤکیا، فردس شہر میں پولیس نے مظاہرین پر گولیاں برسا دی، اموات کی تعداد 62 ہوگئی جن میں چودہ سیکیورٹی اہلکار بھی شامل ہیں۔
دوسری جانب تہران یونیورسٹی نے تمام کلاسز آن لائن منعقد کروانے کا اعلان کردیا،10 جنوری سے 14 جنوری تک آن لائن کلاسز ہونگی،صرف وہ طلبا یونیورسٹی آئیں گے جن کے امتحانات شیڈول ہیں۔
پاکستان نے شہریوں کے لیے ایران کے حوالے سے ٹریول ایڈوائزری جاری کردی
پاکستان نے شہریوں کے لیے ایران کے حوالے سے ٹریول ایڈوائزری جاری کردی۔
ترجمان دفترخارجہ کی جانب سےجاری بیان میں کہاگیا ہےکہ پاکستانی شہری حالات بہتر ہونے تک ایران کے غیرضروری سفرسےگریز کریں،ایران میں مقیم پاکستانی شہریوں بھی انتہائی احتیاط برتیں، چوکس رہیں۔
ترجمان دفتر خارجہ ایران میں غیرضروری سفرکم سے کم کریں،پاکستانی مشنز سے رابطہ رکھیں،تہران میں پاکستانی سفارتخانہ،زاہدان اورمشہد کے مشنز کے نمبر بھی جاری کردیے گئے۔
ایران میں مظاہرے دوسرے ہفتے میں داخل، اموات کی تعداد 62 ہوگئی
ایران میں پرتشدد فسادات کو دو ہفتے مکمل،تہران سے شروع ہونے والے مظاہرے 31صوبوں میں پھیل گئے، کشیدگی کے باعث ملک بھر میں بلیک آوٹ،انٹرنیٹ اور موبائل سروس معطل ہے،غیر ملکی ایئرلائنز نے تہران کیلئے پروازیں منسوخ کردیں۔
تہران اور اصفہان میں مشتعل مظاہرین نےجلاؤ گھیراؤکیا،فردس شہر میں پولیس نے مظاہرین پر گولیاں برسادی،اموات کی تعداد 62 ہوگئی جن میں چودہ سیکیورٹی اہلکار بھی شامل ہیں،کشیدگی کے باعث کئی مقامات پرمکمل بلیک آؤٹ،انٹرنیٹ اورموبائل سروس معطل ہیں،ترک اور اماراتی ائیرلائنز نے ایران کیلئے پروازیں منسوخ کر دیں۔
امریکی صدر ڈونلڈ ٹرمپ کا کہنا ہےکہ ایران مظاہرین کو مارنا بند کرےہم نے ایکشن لیا تو انہیں تکلیف ہوگی۔ ایرانی سپریم لیڈر نے ڈونلڈ ٹرمپ کو ایرانیوں کا قاتل قراردیاکہا کرائے کے فوجیوں کو برداشت نہیں کریں گے,سابق ولی عہد رضا پہلوی نے امریکی صدر ڈونلڈ ٹرمپ سے مداخلت کی اپیل کردی۔
مہنگائی کے خلاف احتجاج 28 دسمبر کو تہران کےتاجروں نےشروع کیا تھا،ایرانی حکومت کی جانب سے طاقت کا استعمال کرنے پر مظاہروں میں شدت آئی،ایران میں مہنگائی پچاس فیصد سے تجاوز کرگئی ہےجبکہ ایرانی کرنسی کی قیمت بھی کم ترین سطح پر ہے،جس سے عوام کو شدید معاشی مشکلات کا سامنا ہے۔
امریکی بیانات ایرانی عوام سے ہمدردی نہیں بلکہ داخلی امور میں مداخلت ہیں، ایرانی وزارتِ خارجہ
ایرانی وزارت خارجہ نے ملک کی موجودہ داخلی صورتحال پر بیان جاری کرتے ہوئے امریکا کے مداخلت پسند اور گمراہ کن بیانات کی شدید مذمت کی ہے اور کہا کہ یہ بیانات واشنگٹن کے ایرانی قومِ عظیم کیخلاف دشمنی کا تسلسل ہے، ایسے بیانات ایرانی عوام کی ہمدردی میں نہیں بلکہ داخلی امورمیں مداخلت ہے،ایران
ایرانی وزارت خارجہ کے مطابق ان کامقصدملک میں تشدد کو ہوا دینا اور ایران کو بدامنی اور عدم استحکام سے دوچار کرنا ہے، ایران دستور کے مطابق پُرامن احتجاج کو تسلیم کرتا ہے، عوام کے جائز مطالبات کوحل کرنے کیلئے کوئی کسرنہیں چھوڑتے، اقتصادی مشکلات کا بڑاحصہ امریکاکی مسلط کردہ ہمہ گیراقتصادی و مالی جنگ کا نتیجہ ہے۔
ایران کے مطابق امریکا ہمارے کیخلاف محض ایک اقتصادی جنگ نہیں لڑ رہا بلکہ مشترکہ مہم چلا رہا ہے، امریکا خودمختاری کا احترام یقینی بنائے،داخلی معاملات میں مداخلت سے گریز کرے، بین الاقوامی برادری امریکا کی ایرانی قوم کیخلاف اقتصادی پابندیوں کو سنجیدگی سے لے۔
یہ پابندیاں عوام کے انسانی حقوق، روزگار اور روز مرہ زندگی کو براہِ راست نشانہ بناتی ہیں، ایرانی قوم نے بارہا ثابت کیا ہے کہ وہ بیرونی مداخلتوں کا مقابلہ کرے گی، قوم امریکی پالیسیوں کو خودمختاری،آزادی اور وقار کو نقصان پہنچانے کی اجازت نہیں دےگی۔
سپریم لیڈر کے متعلق دشمن جعلی من گھڑت اور بے بنیاد دعوے کر رہا ہے، رضا امیری مقدم
ایرانی سفیر نے کہاہے کہ ایک بار پھر دشمن کا پروپیگنڈا نیٹ ورک متحرک ہو گیا ہے، رضا امیری مقدم نے جھوٹے اور مضحکہ خیز الزامات کو یکسرمسترد کردیا اور کہا سپریم لیڈر، عوام اور ملک کی چوکنا سیکیورٹی فورسزکے شانہ بشانہ کھڑے ہیں۔
ایرانی سفیر رضا امیری مقدم کا ایران کے سپریم لیڈرسےمتعلق الزامات پر بیان سامنے آیا ہےجس میں ان کا کہناتھا کہ دشمن سپریم لیڈر کے متعلق جعلی، من گھڑت اور بے بنیاد دعوے کر رہا ہے۔ اس نوعیت کی گمراہ کن مہمات دراصل دشمن کی مایوسی کا مظہر ہیں، یہ وہ ناکامیاں ہیں جنہیں وہ چھپا نہ سکا۔
ایرانی سفیر نے کہا کہ بارہ روزہ جنگ میں دشمن کو بہادر ایرانی فوج کیخلاف مطلوبہ کامیابی حاصل نہیں ہوسکی، ایرانی فوج نےعزیزمادرِوطن کی مقدس سرزمین پربےمثال جرات کا مظاہرہ کرتے ہوئے عزت و وقارکےساتھ جارحیت کامقابلہ اور وطن کا دفاع کیا۔ ایران کے دانا، بہادر اور ثابت قدم قائد، مسلح افواج کےسپریم کمانڈرہیں۔
رضا امیری مقدم نے کہا پاکستانی میڈیاسےاپیل ہے کہ مستند اورمصدقہ ذرائع پرانحصارکریں اوراحتیاط برتیں۔
ایران اور عراق جانے والے زائرین کیلئے خوشخبری، پاکستان سے بیرونِ ملک فیری سروس شروع ہونے کی امید
ایران اور عراق جانے والے زائرین کیلئے خوش آئند خبر سامنے آ گئی ہے، رواں ماہ پاکستان سے پہلی بار بیرونِ ملک فیری سروس شروع ہونے کی امید ہے۔
وفاقی وزیر برائے بحری امور و پورٹس اینڈ شپنگ جنید انوار چوہدری نے اعلان کیا ہے کہ فیری سروس ٹرمینل کی سافٹ لانچنگ 8 جنوری کو کی جائے گی۔ ملکی تاریخ میں پہلی مرتبہ کسی نجی کمپنی کو فیری سروس کیلئے لائسنس جاری کیا گیا ہے۔
انہوں نے بتایا کہ اس حوالے سے ایران، عراق اور یمن کے سفیروں سے بھی بات چیت کی گئی ہے اور انہیں کہا گیا ہے کہ وہ اپنے ممالک میں فیری سروس آپریٹرز کو پاکستان کی وزارت سے رابطے کی ہدایت دیں۔
جنید انوار چوہدری نے کہا کہ ک پاکستان نیشنل شپنگ کارپوریشن (PNSC) میں انتظامی سطح پر جو بھی بہتر کارکردگی دکھائے گا، اسے آگے آنے کا موقع دیا جائے گا۔
ایران میں حالیہ احتجاجی مظاہروں پر ایرانی سفارتخانے کا مؤقف سامنے آگیا
ایران میں حالیہ احتجاجی مظاہروں پر ایرانی سفارتخانے کا مؤقف سامنے آگیا۔
ایرانی سفارت خانےکاکہنا ہےکہ تاجروں اوردکانداروں کا احتجاج کرنسی ریٹ میں اچانک اضافےپرتھا،حکومت نےصورتحال کا فوری نوٹس لیا اورمظاہرین سےمذاکرات کیےجس کے بعدمعاملات طےپاگئےاورقانونی احتجاج کرنے والے تاجروں نے احتجاج ختم کرنے کا اعلان کر دیا۔
بیان میں کہا گیا ہےکہ دشمن عناصر نےسائبراسپیس کےذریعےملک میں انتشار پھیلانے کی کوشش کی جس میں اسرائیل اور امریکا نے احتجاج کو ہوا دینے کےلیےمظاہرین کی حمایت کی،چندچھوٹے شہروں میں محدود تعداد میں افراد کو سڑکوں پر لایا گیا۔
تاہم سیکیورٹی فورسز نےبروقت کارروائی کرتے ہوئے صورتحال کو کنٹرول کر لیا۔سفارت خانے کا کہنا ہے کہ ملک بھرمیں امن و امان بحال ہےاورسیکیورٹی ادارے صورتحال پرمسلسل نظر رکھے ہوئے ہیں،انٹرنیٹ سروس بحال ہےالبتہ بعض علاقوں میں رفتارعارضی طورپرمتاثر رہی،بیان کےمطابق گرفتارکیےگئے،بعض افراد نے غیرملکی ایجنسیوں سے مالی روابط کا اعتراف بھی کیا ہے۔
امریکی صدر کی دھمکی، اقوامِ متحدہ میں ایرانی مندوب کا سیکرٹری جنرل کو خط
امریکی صدر کی دھمکی کے بعد اقوامِ متحدہ میں ایرانی مندوب نے سیکرٹری جنرل انتونیو گوتریس کو خط میں پر امن اجتماع کے حقوق کے احترام کا مطالبہ کیا۔
اقوام متحدہ نےمظاہرین کی ہلاکت پرتشویش کا اظہارکردیا، انسانی حقوق کونسل کی خصوصی نمائندہ مائی ساتو نے پر امن اجتماع کے حقوق کے احترام کا مطالبہ کیا،اقوام متحدہ میں ایرانی مندوب امیر سعید ایروانی نے سیکرٹری جنرل اقوام متحدہ کو خط لکھ کر امریکی صدر کے بیان پر شدید احتجاج کیا،انہوں نے صدر ٹرمپ کے بیان کو ایران کے اندرونی معاملات میں مداخلت قرار دیا۔
گزشتہ روز امریکی صدر نےدھمکی دی تھی کہ ایران نے مظاہرین کےخلاف طاقت کا استعمال ترک نہ کیا تو امریکا مداخلت پر مجبور ہوگا،ایران کی سپریم نیشنل سکیورٹی کونسل کے سیکریٹری علی لاریجانی نے امریکی صدر ڈونلڈ ٹرمپ کے بیان کو خطے میں افراتفری پھیلانے کی کوشش قرار دیا تھا۔
ایران میں جاری مظاہروں میں مزید دو افراد جاں بحق،تعداد آٹھ ہوگئی،سترہ زخمی ہیں،ایران کے شہریوں کاکہنا ہے کہ پرامن احتجاج ہونا چاہیے لیکن ایرانی قوم صدر ٹرمپ کی دھمکیوں سے نہیں ڈرے گی۔
ایران میں مہنگائی کیخلاف مظاہرے، امریکی صدر کی مظاہرین کی مدد کی دھمکی پر ایران نے رد عمل جاری کر دیا
ایران میں مہنگائی کیخلاف جاری احتجاج کے دوران سیکیورٹی فورسز اور مظاہرین کے درمیان جھڑپوں میں 6 افراد ہلاک ہو گئے ہیں جس پر ٹرمپ نے دھمکی لگائی کہ مظاہرین کو قتل کرنا بند کرو ورنہ ہم مدد کیلئے تیار بیٹھے ہیں ، امریکی صدر کے بیان پر ایران نے بھی رد عمل جاری کر دیاہے ۔
تفصیلات کے مطابق امریکی صدر ڈونلڈ ٹرمپ کے بیان پر ایران کے نیشنل سیکیورٹی کونسل کے سربراہ علی لاریجانی نے ردعمل دیتے ہوئے کہا کہ اسرائیل اور صدر ٹرمپ کے موقف نے مظاہروں کے پس پردہ حقائق کو واضح کیا، ہم تاجروں کے موقف کو تخریبی عناصر کے موقف سے الگ سمجھتے ہیں ۔
انہوں نے کہا کہ اندرونی مسئلے میں امریکی مداخلت خطے میں افراتفری اور امریکی مفادات کی تباہی کا باعث ہو گی، امریکی عوام جان لیں کہ اس مہم جوئی کا آغاز ٹرمپ نے کیا تھا، انہیں اپنے فوجیوں کی حفاظت پر توجہ دینی چاہیے ۔
اس سے قبل امریکی صدر ٹرمپ نے ایران کو دھمکی آمیز بیان جاری کرتے ہوئے کہا کہ ایرانی حکومت پرامن مظاہرین کو قتل کرنا بند کرے، ورنہ ہم مظاہرین کی مدد کیلئے تیار بیٹھے ہیں۔
احتجاج کا آغاز اتوار کے روز تہران میں تاجروں کی ہڑتال سے ہوا، جو مہنگائی، معاشی جمود اور ایرانی کرنسی کی قدر میں شدید کمی کے خلاف تھا۔ بعد ازاں یہ مظاہرے دیگر بڑے شہروں تک پھیل گئے اور کم از کم 10 جامعات کے طلبہ بھی احتجاج میں شامل ہو گئے۔
مہنگائی کے خلاف شروع ہونے والا احتجاج چھٹے روز میں داخل ہوگیا۔ تہران اور دیگر شہروں میں گزشتہ روز پرتشدد مظاہرے ہوئے۔ لُرستان میں مظاہرین نے پولیس اسٹیشن پر دھاوا بولا ۔ پولیس کی فائرنگ سے چھ مظاہرین جاں بحق سترہ زخمی ہوگئے۔
اسرائیلی فوج کا لبنان میں ایران کی قدس فورس کے سینئر اہلکار کو ہلاک کرنے کا دعویٰ
اسرائیلی فوج نے دعویٰ کیا ہے کہ لبنان میں ایران کی قدس فورس کے ایک سینئر اہلکار کو ہلاک کر دیا گیا ہے۔
اسرائیلی فوج کے مطابق کارروائی ناتسریا کے علاقے میں کی گئی، جس کے دوران ہلاک ہونے والے اہلکار کی شناخت حسن محمود مرشد الجوہری کے نام سے ہوئی ہے، الجوہری قدس فورس کے بیرونی آپریشنز ونگ کے رکن تھے۔
اسرائیلی فوج نے دعویٰ کیا کہ حسن محمود مرشد الجوہری اسرائیل کے خلاف حملوں کی منصوبہ بندی میں ملوث تھے اور انہیں ایک ٹارگٹڈ آپریشن کے دوران نشانہ بنایا گیا۔
اسرائیلی فوج کی جانب سے کیئے گئے دعوے پر ایرانی یا لبنانی حکام کی جانب سے تاحال کوئی باضابطہ ردعمل سامنے نہیں آیا۔
برطانیہ، کینیڈا، جرمنی سمیت 14 ممالک نے مغربی کنارے پریہودی بستیوں کے قیام کو مسترد کردیا
مغربی کنارےمیں یہودی بستیوں کا قیام نامنظور،برطانیہ،کینیڈا،جرمنی سمیت چودہ ممالک نے اسرائیل کا گھناؤنے منصوبے کو مسترد کردیا۔
اقدام عالمی قوانین کی خلاف ورزی قرار،مشترکہ بیان میں کہا صیہونی منصوبہ خطےکوخطرے سےدوچار کرسکتا ہے،ہم فلسطینوں کے حقوق سلب کرنے کےحوالے کسی بھی اقدام کی مذمت کرتے ہیں۔
دوسری جانب اسرائیل کی لبنان میں جنگ بندی معاہدےکی خلاف جاری ہے،ایک بار پھرجنوبی علاقوں پر حملہ کردیا,جس کے نتیجےمیں ایک شہری شہید اور دو افراد زخمی ہوگئے۔
اسرائیل کے خطرناک عزائم عیاں،ایران پر ایک بار پھر حملے کا منصوبہ بنالیا
اسرائیل کے خطرناک عزائم عیاں،ایران پر ایک بار پھر حملے کا منصوبہ بنالیا۔
اسرائیل کا دعویٰ ہے کہ ایران تیزی سے جوہری تنصیبات کی دوبارہ تعمیر اور میزائل پروگرام کو وسعت دے رہا ہے،اسرائیل ایران کے جوہری پروگرام کو خطرہ سمجھتا ہے۔
امریکی میڈیا کےمطابق اسرائیلی وزیراعظم 29 دسمبر کو واشنگٹن میں صدر ٹرمپ سے ملیں گے،ملاقات میں ایران پر ممکنہ حملوں سے متعلق امریکی صدر کو بریف کیے جانے کا امکان ہے۔
اسرائیل نے ایران پر ایک بار پھر حملے کا منصوبہ بنالیا: امریکی میڈیا
اسرائیل نے ایک مرتبہ پھر ایران پر حملے کا منصوبہ بنا لیا ہے ، اسرائیلی وزیراعظم 29 دسمبر کو واشنگٹن میں صدر ٹرمپ سے ملاقات کریں گے۔
امریکی میڈیا نے دعویٰ کیاہے کہ اسرائیلی وزیراعظم کی جانب سے ڈونلڈ ٹرمپ کو ملاقات میں ایران پر ممکنہ حملوں سے متعلق بریف کئے جانے کا امکان ہے ، اسرائیل کا دعویٰ ہے کہ ایران تیزی سے جوہری تنصیبات کی دوبارہ تعمیر اور میزائل پروگرام کو وسعت دے رہا ہے۔ جواسرائیل کے لئے خطرہ ہے۔ ایران جلد ہزاروں میزائل مہینے میں تیار کرسکتا ہے۔
ایران وعراق جانے والوں کیلئےبڑی خبر، بحری راستےسے زائرین کی روانگی کی تیاری مکمل
زیارات کیلئے ایران و عراق جانے والوں کیلئے بڑی خبر آ گئی، وفاقی وزیر مذہبی امور سردا محمد یوسف نے کہا کہ بحری راستےسے زائرین کی روانگی کی تیاری مکمل کر لی گئی ہے،فیری کمپنی کولائسنس جاری ہو گئے ہیں، سمندری راستے سے ایران عراق روانگی جلد ہی ممکن ہوگی ۔
وزارت مذہبی امور کے جاری اعلامیے کے مطابق جنوری 2026 سےزیارات گروپ آرگنائزر کے ذریعے ہی روانہ ہوں گے ، وزارت مذہبی امور کا کہنا ہے سڑسٹھ نئے زیارات گروپ آرگنائزرز کو رجسٹریشن سرٹیفکیٹس جاری کردیئے گئے ہیں ، اب تک مجموعی طور پر اکانوے زیارات کمپنیوں کی رجسٹریشن مکمل ہوگئی ہے ۔ رجسٹرڈ کمپنیوں کی فہرست وزارتِ مذہبی امورکی ویب سائٹ پردستیاب ہے ۔ وفاقی وزیر سردار یوسف کا کہنا ہے زائرین کومحفوظ اورشفاف سفری سہولیات کی فراہمی یقینی بنائی جائےگی ۔
سیزفائرکی خلاف ورزی،اسرائیلی فوج کا غزہ سٹی میں گاڑی پر ڈرون حملہ،5 فلسطینی شہید
اسرائیل کی جانب سے غزہ سیزفائر کی ایک اور سنگین خلاف ورزی،صیہونی فوج نے غزہ سٹی میں گاڑی پر ڈرون حملہ کردیا۔
نیتن یاہو کےدفتر سےجاری بیان کےمطابق حملے میں القسام بریگیڈ کےنائب سربراہ،رائد سعدکونشانہ بنایاگیا، ڈرون حملےمیں پانچ فلسطینی شہید اور 25 زخمی ہوگئے، حماس نے ابھی تک رائد سعد کی شہادت کی تصدیق نہیں کی۔
اُدھر لبنان میں حزب اللہ کے سربراہ نعیم قاسم نےغیر مسلح ہونے سے انکار کردیا،تقریب سے خطاب میں کہا حزب اللہ کو غیر مسلح کرنےکا مطالبہ امریکا اور اسرائیل کا ہے۔ جو لبنان کے مفاد میں نہیں ہے۔
خیبرپختونخوا کی حسین وادی تیراہ، دہشت گردوں اور منشیات مافیا کی محفوظ پناہ گاہ بن گئی
خیبرپختونخوا کی خوبصورت وادی تیراہ دہشت گردوں اور منشیات مافیا کی محفوظ پناہ گاہ بن گئی ہے، وادی تیراہ میں پولیٹیکل کرائم اینڈ ٹیررنیکسز امن کی راہ میں رکاوٹ ہے۔
سماء ٹی وی کے پروگرام دو ٹوک کی میزبان کرن ناز نے خیبرپختونخوا کے ضلع خیبر کے مرکز وادی تیراہ کا دورہ کیا اور حقائق کو سامنے لائیں ۔
سیکیورٹی حکام کے مطابق افغانستان سے آنیوالے دہشتگرد وادی تیراہ سے ہی آتےہیں ، پولیٹیکل کرائم گٹھ جوڑ ٹوٹنے تک امن نہیں آئے گا، دہشتگرد مقامی آبادی کو ڈھال کے طور پر استعمال کرتے ہیں۔
مقامی شہری کا کہناتھا کہ وادی تیراہ میں تعلیم ،صحت سمیت کوئی انفرااسٹرکچر نہیں ، روزگار نہ ہونےسے بچے دہشتگرد تنظیموں کاحصہ بن جاتے ہیں، وزیراعلی سہیل آفریدی کا تعلق وادی تیراہ سے ہی ہے، سہیل آفریدی صرف الیکشن کے دنوں میں یہاں آتےہیں ، سیکیورٹی فورسز کو امن کیلئے قدم اٹھانا پڑے گا، سہیل آفریدی بھی امن قائم کرنےکیلئےقدم اٹھائیں، زیادہ منافع کی وجہ سے یہاں منشیات کاشت کی جاتی ہے۔
وسطی ایشیائی ریاستوں اور روس کو اس سال آلو اور کینو ایران کے راستے برآمد ہوگا
افغانستان کا متبادل راستہ،ایرانی لینڈ روٹ کی سماء کی خبر صحیح ثابت ہوئی،حکومت نے براستہ ایران آلو اور کینو کی برآمد میں حائل بڑی رکاوٹ دور کردی۔
وسطی ایشیائی ریاستوں اور روس کو اس سال آلو اور کینو ایران کے راستے برآمد ہوگا،وزیراعظم ہاؤس کی ہدایت پر وزارت تجارت اور اسٹیٹ بینک نے اہم سرکلر جاری کردیا جس کی سماء کو موصول ہوگئی ہے،آلو اور کینو کی برآمد کیلئے فنانشل انسٹرومنٹ بینکوں میں جمع کرانے سے استثنیٰ مل گیا۔
سرکلر کے مطابق کینو اور آلو کی برآمد کیلئےایکسپورٹ پالیسی آرڈر کے تحت ون ٹائم پرمیشن دی گئی، افغانستان کے راستے برآمد ہونے والا کینو اور آلواب ایران کے ذریعے برآمد ہوگا۔۔ اسٹیٹ بینک نے بینکوں کو ایف آئی ڈاکیومنٹ ایکسپورٹرز سے نہ مانگنے کی ہدایت کردی۔
پاکستان نےگزشتہ سال پچپن ہزارٹن کینو اورتین لاکھ ٹن آلووسطی ایشیائی ریاستوں کو برآمد کیا، فروٹ اینڈویجٹیبل ایکسپورٹرز کےسرپرست اعلیٰ وحید احمد کےمطابق اس سال کینوکی بمپرفصل ہونےکے باعث تیس فیصد زیادہ کینو وسطی ایشیائی ریاستوں کو برآمد کریں گے۔
اسرائیلی فوج نے آٹھ اور دس برس کے 2 بچوں کو ڈرون حملہ کرکےشہید کردیا
غزہ میں اسرائیلی دہشت گردی نہ رک سکی،اسرائیلی فوج نے آٹھ اور دس برس کے دو بچوں کو ڈرون حملہ کرکےشہید کردیا،دونوں بچے خان یونس میں لکڑیاں چن رہے تھے۔
محکمہ صحت غزہ کےمطابق جنگ بندی کے بعد مزید 354 فلسطینی شہید ہوچکے ہیں۔ دو سو سے زائد شہدا کی لاشیں ملبہ ہٹانے کے دوران مل گئیں،شہدا کی مجموعی تعداد 70 ہزار سے تجاوز کر گئی۔
غزہ میں قید کےدوران ہلاک ہونے والے 2 اسرائیلیوں کی لاشیں ڈھونڈنے کیلئے سرچ آپریشن جاری ہے۔
متحدہ عرب امارات نے پاکستانیوں کیلئے کوئی نئی ویزا پابندی نہیں لگائی: ترجمان دفتر خارجہ
ترجمان دفتر خارجہ نے کہاہے کہ ڈاکٹرعلی لاریجانی کے بلینک چیک والے بیان کا خیرمقدم کیا گیا، پاکستان اور ایران کے درمیان گیس پائپ لائن پر مشاورت جاری ہے، پاکستان اور ایران مل کر گیس پائپ لائن کا حل نکالیں گے ، بھارت مقبوضہ وادی میں جبری اقدامات کا خاتمہ اورایسے تمام قیدیوں کو رہا کرے، ، متحدہ عرب امارات نے پاکستانیوں کیلئے کوئی نئی ویزا پابندی نہیں لگائی، یو اے ای میں پاکستانی سفیر شفقت علی خان نے بھی پابندی کی تردید کی۔
ترجمان دفتر خارجہ طاہر حسین اندرابی نے ہفتہ وار پریس بریفنگ دیتے ہوئے بتایا کہ وزیر اعظم نے بحرین کا دو روزہ دورہ کیا ، سیکرٹری ایرانی سپریم نیشنل سیکیورٹی کونسل علی لاریجانی بھی پاکستان آئے، علی لاریجانی نے دو روزہ دورے میں پاکستانی قیادت سےمذاکرات کئے، پاکستان اور ایران نے مختلف عالمی فورم پر مل کر کام کرنے کا اعادہ کیا۔
انہوں نے کہا کہ بھارتی وزیر دفاع نے سندھ کے حوالے سے اشتعال انگیز بیان دیا ہے، پاکستان بھارت کے ساتھ مسائل کا بات چیت کے ذریعہ پرامن حل کا حامی ہے، اقوام متحدہ ماہرین کی رپورٹ میں مقبوضہ کشمیرمیں انسانی حقوق کو بےنقاب کیا گیا، رپورٹ کے مطابق 2800 کشمیری بھارتی حراست میں ہیں۔
ترجمان دفتر خارجہ کے مطابق بھارت مقبوضہ وادی میں جبری اقدامات کا خاتمہ اورایسے تمام قیدیوں کو رہا کرے، پاکستان کو تاریخی بابری مسجد کی جگہ مندر کا جھنڈا لہرانے پر سخت تحفظات ہیں۔ دفتر خارجہ نے بھارت میں اقلیتوں خصوصاً مسلمانوں کے خلاف نفرت انگیز اقدامات پر شدید اظہار تشویش کیا ۔
ترجما ن کا کہناتھا کہ ہم اسرائیل کے فلسطین خصوصاً غزہ پر حملوں کی شدید مذمت کرتے ہیں، ان حملوں میں عورتوں اور بچوں سمیت نہتے فلسطینی عوام شہید ہوئے۔ انہوں نے کہا کہ پاکستان کو او پی سی ڈبلیو رکن منتخب کر لیا گیا ہے۔
طاہر حسین اندرابی نے کہا کہ پاکستان اور ایران کے درمیان گیس پائپ لائن پر مشاورت جاری ہے، پاکستان اور ایران مل کر گیس پائپ لائن کا حل نکالیں گے، امید ہے پاک ایران گیس پائپ لائن کا معاملہ خوش اسلوبی سے حل ہو جائے گا، متحدہ عرب امارات نے پاکستانیوں کیلئے کوئی نئی ویزا پابندی نہیں لگائی، یو اے ای میں پاکستانی سفیر شفقت علی خان نے بھی پابندی کی تردید کی۔
ان کا کہناتھا کہ قائمہ کمیٹی کو شاید پرانے ریکارڈ کی بنیاد پر بریفنگ دی گئی، یو اے ای نے پاکستان کے حوالے سے کوئی نئی پابندی نہیں لگائی، متحدہ عرب امارات کی جانب سے کوئی نئی قانون سازی نہیں کی گئی۔
ترجمان نے کہا کہ بھارتی وزیردفاع نے عالمی قوانین سے متعلق خطرے کی گھنٹی بجا دی، سندھ پہلا صوبہ تھا جس نے قیام پاکستان کے حق میں ووٹ دیاتھا۔ پاکستان نے بھارت کو متنازع اور نفرت انگیز بیانات سے باز رہنے کا انتباہ کر دیا ۔
بھارت نے سندھ طاس معاہدے کے تحت آبی ڈیٹا شیئر نہیں کیا، طے شدہ ڈیٹا شیئرنگ کے طریقہ کار پر عمل نہ کرنا افسوسناک ہے، بھارت پانی کو بطور ہتھیار استعمال کرنے کی کوشش کر رہا ہے ، پاکستان سندھ طاس معاہدے کے معاملے کا فالو اپ کر رہا ہے، ویانا میں غیر جانبدار ماہرین کے اجلاس میں بھی فالو اپ کیا گیا۔
پاکستان افغان مہاجرین کی واپسی کے حوالے کام کر رہا ہے، افغان مہاجرین کے حوالے سے پاکستان کے ادارے مستعد ہیں۔ وعدے کےمطابق افغان مہاجرین کےمتعلقہ مقامات پر پہنچنے میں تاخیر پرتحفظات کا اظہار کیا گیا ۔
طالبان حکومت آنے کے بعد کئی ممالک نےپاکستان سے رابطے کئے، داعش افغانستان میں موجود ہے اور وہاں ہی تشکیل پا رہی ہے، پاکستان میں داعش کی موجودگی کے افغان الزامات بے بنیاد ہیں، ڈاکٹرعلی لاریجانی کے بلینک چیک والے بیان کا خیرمقدم کیا گیا۔
دفتر خارجہ نے تیسرے ممالک میں آباد ہونے کے منتظر افغان شہریوں کی تاخیر پر اظہار تشویش کیا ، آباد کاری کا وعدے کرنے والے ممالک افغان شہریوں کو جلد پاکستان سے نکالیں، پاکستان نے کئی بار اس معاملے کو متعلقہ ممالک کے ساتھ اٹھایا، پاکستان کی سرزمین پر داعش کا کوئی وجود نہیں، دہشتگرد افغانستان میں آباد ہیں، دہشتگرد تنظیمیں افغان سرزمین پاکستان مخالف کارروائیوں کیلئےاستعمال کر رہی ہیں۔
بھارت نے سندھ طاس معاہدے کے تحت آبی ڈیٹا شیئر نہیں کیا، سندھ طاس معاہدے کے ڈیٹا کے معاملے کو مسلسل مانیٹر کیا جا رہا ہے، پاکستان اورافغاں طالبان حکومت میں ثالثی کیلئے سعودی پیشکش کا علم نہیں، پاکستان ثالثی کی کسی بھی ٹھوس پیشکش کا خیرمقدم کرتا ہے ۔
اسرائیل کا مغربی کنارے میں بڑا فوجی آپریشن، گھرگھر چھاپے ،45 فلسطینی گرفتار
اسرائیل کا مغربی کنارے میں بڑافوجی آپریشن شروع کردیا،داخلی اور خارجی راستے بند، طوباس میں گھر گھرچھاپے،45 فلسطینیوں کو گرفتار کرلیا گیا۔
غزہ میں صیہونی درندگی جاری ،مزید چار فلسطینی شہید کردیئے,کئی عمارتیں تباہ ,غزہ کے مختلف علاقوں میں ملبے سے چھ افراد کی باقیات برآمد کرلی گئیں،صیہونی فوج نے پندرہ فلسطینی قیدیوں کی لاشیں واپس کر دیں ۔
غزہ میں بارش کا سلسلہ دوسرےروز بھی جاری ہے،سردی نے پناہ گزینوں کی مشکلات مزید بڑھا دیں، حماس نے یہودی آباد کاری کی مذمت کرتے ہوئے اقوام متحدہ اور عرب لیگ سے اسرائیل پر دباؤ بڑھانے کا مطالبہ کیا ہے۔
پاکستان ہمارا دوست ہے،پاک افغان تنازعات کو حل کرنے کی کوشش کی جائے گی: علی لاریجانی
ایرانی سپریم نیشنل سیکیورٹی کونسل کے سیکرٹری علی اردشیر لاریجانی نے اسلام آباد میں بریفنگ دیتے ہوئے کہا کہ پاکستان اور افغانستان کے تنازعات کے حل کیلئے مشترکہ کوششیں جاری ہیں، لاریجانی نے مسئلہ فلسطین پر ایران کے واضح مؤقف اور خطے میں دہشت گردی کے خلاف تعاون کی یقین دہانی بھی کرائی۔
ایرانی سپریم نیشنل سیکیورٹی کونسل کے سیکرٹری علی اردشیر لاریجانی نے میڈیا بریفنگ میں کہا کہ ان کے لیے خوشی کی بات ہے کہ وہ پاکستان کا دورہ کر رہے ہیں۔ انہوں نے کہا کہ پاکستان اور افغانستان کے تنازعات کو ہر ممکن طریقے سے حل کرنے کی کوشش کی جائے گی، کیونکہ پاکستان ایران کا دوست اور برادر ملک ہے اور امید ہے کہ دونوں ممالک درپیش مسائل کا جلد حل نکل آئے گا۔
علی لاریجانی کا کہنا تھا کہ ایران نے مسئلہ فلسطین کے حل کے لیے نہایت واضح فارمولا پیش کیا ہے اور فلسطینی عوام کو انتخابات کے ذریعے اپنی حکومت منتخب کرنے کا حق حاصل ہونا چاہیے۔ انہوں نے یقین ظاہر کیا کہ پاکستان ہمیشہ ایران کا دوست رہا ہے اور مختلف مواقع پر مثبت کردار ادا کرتا آیا ہے۔
ان کا کہنا تھا کہ ایران کے علم میں ہے کہ خطے میں دہشت گرد گروہ متحرک ہیں، جن سے نمٹنے کے لیے ایران پاکستان کے ساتھ تعاون کرے گا۔ انہوں نے بتایا کہ ایران اپنی سرحد تک گیس پائپ لائن کا کام مکمل کر چکا ہے۔
ایرانی سپریم نیشنل سیکیورٹی کونسل کے سیکرٹری ڈاکٹر علی لاریجانی اسلام آباد پہنچ گئے
ایرانی سپریم نیشنل سیکیورٹی کونسل کےسیکرٹری ڈاکٹرعلی لاریجانی اسلام آبادپہنچ گئے ہیں جہاں پاکستانی حکام کے ساتھ ملاقاتوں میں خطے کی سلامتی اور اقتصادی تعاون کے فروع پر گفتگو ہوگی۔
ایرانی سفارتخانے کے مطابق ڈاکٹرعلی لاریجانی کا دورہ پاکستان غیرمعمولی اور تاریخی اہمی کا حامل ہے۔ یہ دورہ دونوں برادر ممالک کے مضبوط تعلقات کو نئے اسٹریٹجک مرحلے میں لے جائے گا۔ ایرانی سپریم نیشنل سیکیورٹی کونسل کے سیکرٹری پاکستان میں اہم ملاقاتیں کریں گے۔
سیکیورٹی شراکت داری،سرحدی انتظام، انسدادِ دہشتگردی،اقتصادی تعاون اور علاقائی استحکام پر تبادلہ خیال کیا جائے گا ۔ علی لاریجانی کہتے ہیں بدلتے عالمی اورعلاقائی حالات میں مشترکہ حکمتِ عملی بنانے کی ضرورت ہے۔
پاکستان کی غزہ میں اسرائیلی حملوں کی شدید مذمت، ترجمان دفترخارجہ
پاکستان کی جانب سے غزہ میں حالیہ اسرائیلی حملوں کی شدید مذمت کی گئی ہے،کہا ایسی کارروائیاں بین الاقوامی قوانین، اقوام متحدہ کی قراردادوں اور شرم الشیخ امن معاہدے کی کھلی خلاف ورزی ہیں۔
ترجمان دفتر خارجہ کےمطابق پاکستان غزہ میں قابض اسرائیلی افواج کے حملوں کی سخت ترین الفاظ میں مذمت کرتا ہے،حملوں کے نتیجے میں خواتین اور بچوں سمیت کئی فلسطینی شہریوں کے شہید اور زخمی ہونے کی اطلاعات ہیں۔
حکومت پاکستان نےایک بار پھر یہ مطالبہ بھی کیا ہےکہ عالمی برادری اسرائیلی استثنیٰ اور جنگ بندی کی خلاف ورزیوں کو ختم کرانے کے لیے فوری اقدامات کرے۔
ترجمان دفتر خارجہ کےمطابق پاکستان آزاد اور خودمختار فلسطینی ریاست کے قیام کے اپنےاصولی مؤقف پر قائم ہے,ایسی ریاست جو کہ جون انیس سو سڑسٹھ سے پہلے کی سرحدوں پر مبنی ہو اور اس کا دارالحکومت القدس الشریف ہو۔
اسرائیل کے غزہ سٹی،رفح، دیرالبلاح، نصیرات میں حملے،22 فلسطینی شہید
اسرائیل کی غزہ میں سیزفائر کےبعد بھی وحشیانہ کارروائیاں جاری ہیں،غزہ سٹی،رفح،دیرالبلاح اور نصیرات پرحملوں میں 22 فلسطینی شہید ہوگئے
سیزفائر کےبعدسےاب تک شہید فلسطینیوں کی تعداد 340 ہوگئی،جن میں 67 بچے بھی شامل ہیں،حماس نےکہا اسرائیل یلو لائن کی خلاف ورزی کررہاہے،اورمسلسل پیش قدمی جاری رکھےہوئے ہے،جوصدرٹرمپ کے امن معاہدے کی خلاف ورزی ہے،ثالثوں سےاپیل کرتے ہیں وہ فوری طور پر مداخلت کریں۔
دوسری جانب یواے ای صدر سے کینیڈین وزیراعظم کی جوہانسبرگ میں ملاقات ہوئی ہے،جس میں غزہ کی صورتحال اور دوریاستی حل پر تبادلہ خیال کیا گیا۔
یہ بھارت کا طیارہ نہیں بلکہ ان کا غرور زمین بوس ہواہے : کرن ناز
سینئر اینکر اور صحافی کرن ناز نے سماء نیوز سے گفتگو کرتے ہوئے کہا کہ یہ بھارت کا غرور ہے جو زمین بوس ہواہے، اس سے پتا لگتاہے کہ اگر آپ کسی ایئر شو میں بھی پرفارم نہیں کر پا رہے تو جب آپ جنگ کیلئے آتے ہیں تو کیا صورتحال ہوتی ہے ، جو کچھ پاکستان نے مئی میں بھارت کے ساتھ کیاہے ، اس پر بھارت میں پہلے ہی سبکی ہے ۔
تفصیلات کے مطابق کرن ناز کا کہناتھا کہ بھارت کو مئی میں جس ذلت کا سامنا کرنا پڑا وہ سب سے پہلے فضا میں ہی کرنا پڑا تھا،گزشتہ دو سالوں میں فضائی تاریخ میں جوہیلی کاپٹرز اور جنگی طیارے گرے ہیں وہ سب سے زیادہ بھارت کے ہیں، اس سےبھارت کی صلاحیت کا اندازہ ہوتاہے ۔
ان کا کہناتھا کہ یہ بھارت کا طیارہ نہیں بلکہ غرور گرا ہے ، بھارت آپریشن سندور2 شروع کرنے کی باتیں کر رہاہے تو سوال نریندر مودی سے ہے کہ اگر آپ اس طرح کی تیاری اور اس طرح کی ایئر فورس کے ساتھ پاکستان کا مقابلہ کرنا چاہتے ہیں تو پھرآپ کو خوش آمدید کہتے ہیں، آپ آئیں گے اپنی مرضی سے لیکن پھر جائیں گے ہماری مرضی سے۔
اسرائیل کی سفاکیت،حماس پر الزام لگا کر تابڑ توڑ حملے، 25 فلسطینی شہید
غزہ میں اسرائیلی سفاکیت برقرار ہے،حماس پرحملوں کا الزام لگاکرحملے شروع کردیے،الزیتون،خان یونس اورشجاعیہ میں بے گھر افراد پر بمباری،مزید 25 فلسطینی شہید ہوگئے۔
دوروز کےدوران 37شہادتیں،جنگ بندی معاہدےکےبعد شہادتوں کی تعداد 290 ہوگئی ہے،مغربی کنارے کے مکینوں پربھی زندگی تنگ کردی گئی،مزید دو گھر مسمار متعدد کو بارود سے اڑادیا گیا۔
اسرائیل کےلبنان پربھی حملےجاری، دوسرے روز بمباری میں مزید 2 شہری نشانہ بن گئے،فلسطینی کیمپ پر حملےمیں تیرہ افرادجان کی بازی ہارگئے،حماس نےحملوں کی مذمت کرتےہوئےعالمی برادری سےفوری مداخلت کا مطالبہ کیا ہے۔
ایران نے بھارتی شہریوں کیلئے ویزا فری انٹری ختم کردی
ایران نے بھارتی شہریوں کو دی گئی ویزا فری انٹری کی سہولت واپس لے لی، نئی دلی میں ایرانی سفارتخانہ نے ایڈوائزری جاری کردی ۔
تفصیلات کے مطابق ایرانی سفارتخانے نے ایڈوائزری میں کہاہے کہ بھارتی شہریوں کیلئے ایران میں ویزہ فری انٹری کی سہولت 22 نومبر کے بعد دستیاب نہیں ہوگی ۔ ان کیلئے ایران جانے سے پہلے ایڈوانس ویزا لینا لازمی ہوگا۔ ایران نے فضائی راستے سے آنے والے بھارتی شہریوں کیلئے ویزا فری انٹری کا اعلان فروری دوہزار چوبیس میں کیا تھا۔
پاکستان اور ایران کے درمیان سیاسی مشاورت کا تیرھواں دور مکمل
اسلام آباد میں پاکستان اور ایران کے درمیان سیاسی مشاورت کا تیرھواں دور مکمل ہوگیا، جس دوران دو طرفہ تعلقات کے تمام پہلوؤں پر تفصیلی تبادلہ خیال کیا گیا، تجارت، توانائی، تعلیم اور عوامی رابطے بڑھانے پر اتفاق کیا گیا۔
ترجمان دفتر خارجہ کے مطابق پاکستانی وفد کی قیادت سیکرٹری خارجہ آمنہ بلوچ نے کی، جبکہ ایرانی وفد کی قیادت نائب وزیر سیاسی امور مجید تختِ روانچی نے کی، مشاورت کے دوران دوطرفہ تعلقات کے تمام پہلوؤں پر تفصیلی تبادلہ خیال کیا گیا۔اجلاس میں گزشتہ اجلاس میں طے شدہ فیصلوں پر پیش رفت کا جائزہ لیا گیا۔
تجارت کو مزید فروغ دینے، توانائی، ٹرانسپورٹ، تعلیم اور عوامی روابط بڑھانے پر اتفاق کیا گیا۔خطے اور عالمی سطح کی صورتحال پر بھی جامع گفتگو ہوئی۔مشترکہ اقتصادی کمیشن اور جوائنٹ ٹریڈ کمیٹی سمیت مختلف ادارہ جاتی مکینزم کی اہمیت پر زور دیا گیا۔پاکستان اور ایران نے اکثیرالجہتی فورمز پر تعاون جاری رکھنے اور مضبوط مکالمہ برقرار رکھنے کا عزم کیا۔ اگلے دور کی سیاسی مشاورت تہران میں باہمی طور پر طے شدہ تاریخوں پر منعقد کرنے پر اتفاق کیا گیا۔
امریکی محکمہ خزانہ نے ایران پر نئی پابندیاں عائد کردیں
امریکی محکمہ خزانہ نے ایران پر نئی اقتصادی پابندیاں عائد کر دیں۔ پابندیاں ایران کے بین البراعظمی بیلسٹک میزائلوں اور ڈرون خریداری نیٹ ورکس پر لگائی گئی ہیں۔
امریکی محکمہ خزانہ کے مطابق ایران کی اس غیر قانونی سرگرمی میں متحدہ عرب امارات، ہانگ کانگ، بھارت، جرمنی اور یوکرین کے 32 افراد اور ادارے بھی ملوث ہیں۔
بیان میں کہا گیا کہ ایران اپنے مالیاتی نظام کو استعمال کرتے ہوئے ہتھیاروں کی خریداری اور دہشت گرد گروپس کی مالی مدد کرتا ہے، جب کہ یہ نیٹ ورکس مشرق وسطیٰ میں امریکا اور اس کے اتحادیوں کے لیے خطرہ ہیں۔
امریکی محکمہ خزانہ کا کہنا ہے کہ صدر ٹرمپ کی ہدایت پر ایران پر زیادہ سے زیادہ دباؤ ڈالا جا رہا ہے تاکہ اس کے جوہری خطرے کا خاتمہ کیا جا سکے۔
محکمہ خزانہ نے عالمی برادری سے مطالبہ کیا کہ وہ ایران پر اقوام متحدہ کی عائد کردہ پابندیوں کو مکمل طور پر نافذ کرے۔
غزہ میں نسل کشی،ترکیہ نےنیتن یاہو کے وارنٹ گرفتاری جاری کر دیے
ترکیہ نےغزہ میں نسل کشی کےالزام میں اسرائیلی وزیراعظم نیتن یاہو،وزیردفاع،وزیر قومی سلامتی اور آرمی چیف سمیت صیہونی حکومت کے سینتیس افراد کےوارنٹ گرفتاری جاری کردیے۔
ترکیہ کےپبلک پراسیکیوٹر آفس کےمطابق نیتن یاہوسمیت دیگر اعلیٰ اسرائیلی حکام فلسطینیوں کی نسل کشی اور انسانیت کےخلاف جرائم میں ملوث ہیں،نیتن یاہو کے ساتھ اسرائیلی وزیردفاع کاٹز،قومی سلامتی کے وزیر اتمار بن گویر،اسرائیل فوج کے چیف آف اسٹاف،نیوی کمانڈر ڈیوڈ اوردیگرکےنام شامل ہیں ۔۔
ترک پراسیکیوٹر نے غزہ میں اسرائیلی اقدامات کو نسل کشی قرار دیا جس میں خوراک،پانی،ادویات،ایندھن اوربجلی کی پابندیوں کےذریعےشہریوں کو نشانہ بنانے کا الزام لگایا گیا،یہ وارنٹ عالمی عدالت انصاف کے فیصلے کی روشنی میں جاری کیے گئے ہیں۔
ایران اور پاکستان کےتعلقات نئےاورمضبوط مرحلےمیں داخل ہوچکےہیں،ایرانی سفیر
پاکستان اور ایران کے درمیان میڈیا شعبے میں تعاون کیلئے مفاہمتی یاداشت پر دستخط کی تقریب سے خطاب کرتے ہوئے ایران کے سفیر رضا امیری مقدم نے کہا کہ ایران اور پاکستان کے تعلقات نئے اور مضبوط مرحلے میں داخل ہو چکے ہیں، وزیراعظم شہباز شریف کے کردار،مسلسل تعاون پر دلی شکریہ ادا کرتے ہیں۔
ایران کے سفیر رضا امیری مقدم نے خطاب کرتے ہوئے کہا کہ پاکستان اور ایران کے درمیان بڑھتا تعاون خوش آئند ہے، چندماہ قبل ایرانی صدر کے پاکستان کے تاریخی دورے نے تعلقات کا نیا باب رقم کیا، پاکستانی عوام،حکومت،میڈیا نے مشکل وقت میں ایران کا بھرپور ساتھ دیا، صیہونی جارحیت کے مقابلے میں پاکستان نے فیصلہ کن کردار ادا کیا، ایران کے عوام پاکستان کی دوستی،بھائی چارے کو ہمیشہ یاد رکھیں گے، میڈیا کے شعبے میں تعاون دونوں ممالک کے تعلقات کو مزید مضبوط بنائے گا، آج دستخط ہونے والے معاہدے تعاون کے فروغ میں سنگ میل ثابت ہوں گے۔
فلسطینی اتھارٹی کوفلسطینیوں کی واحد نمائندہ بننا چاہیے قطری وزیراعظم
قطری وزیراعظم شیخ محمد بن عبدالرحمان الثانی نےکہا فلسطینی اتھارٹی کو فلسطینیوں کی واحد نمائندہ بننا چاہیے، غزہ اور مغربی کنارے کےلیےمشترکہ حکومت ناگزیر ہے ۔
قطری وزیراعظم شیخ محمد بن عبدالرحمان الثانی نےسی این این کو انٹرویو میں کہا دو ریاستی حل کے سوا کوئی متبادل نہیں،فلسطینی گروہوں میں عبوری ٹیکنوکریٹک کمیٹی پرمشاورت جاری ہے۔
دوسری جانب اسرائیلی فوج غزہ امن معاہدے پر 10 اکتوبر کو دستخط ہونے کے بعد سے اب تک 194 بار جنگ بندی کی خلاف ورزی کر چکی ہے،اسرائیلی تازہ حملوں میں ایک اور فلسطینی شہید ہو گیا۔
حماس نے مزید تین یرغمالیوں کی لاشیں اسرائیل کے حوالے کر دی ہیں،حماس نے اپنے بیان میں کہا کہ امریکا اسرائیل کو غزہ جنگ بندی پر برقرار رہنے کے لیے خاطر خواہ کوششیں نہیں کر رہا ہے۔
غزہ امن معاہدے کے اگلے مرحلے پر عملدرآمد کیلئے عرب اور مسلم ممالک کا اجلاس پیر کو ہوگا
غزہ امن معاہدے کے اگلے مرحلے پر عملدرآمد کیلئے عرب اور مسلم ممالک کا اجلاس پیر کو استنبول میں ہوگا۔
پاکستان قطر اردن سعودی عرب انڈونیشیا اورمتحدہ عرب امارات کے وزرائےخارجہ شریک ہونگے،ترک وزیر خارجہ حقان فیدان نےپریس کانفرنس میں بتایاکہ اجلاس میں غزہ ٹاسک فورس اور استحکام فورس کےقیام کے علاوہ اگلے مرحلے میں سیز فائر کو دیر پا بنانے اور غزہ کی تعمیر نو پر بھی بات چیت ہوگی۔
حقان فیدان نےکہا کہ جنگ بندی معاہدے کے باوجود اسرائیل امدادی سرگرمیوں کی راہ میں سب سے بڑی رکاوٹ ہے۔
اسرائیل کا جنگ بندی معاہدے کی سنگین خلاف ورزیوں کے بعد سیز فائر کی بحالی کا اعلان
اسرائیل کا جنگ بندی معاہدے کی سنگین خلاف ورزیوں کے بعد سیز فائر کی بحالی کا اعلان کردیا،رات بھر جاری رہنے والی بمباری سے ایک سو سے زائد فلسطینی شہید ہوگئےجن میں چوبیس بچے بھی شامل ہیں۔
غزہ کے اسپتالوں میں ایک بار پھر رقت آمیز مناظر دیکھنے کو ملے،صیہونی فوج نے حماس پر ایک اسرائیلی فوج کو ہلاک کرنے کا الزام عائد کیا جس کی حماس نے تردید کردی۔
القسام بریگیڈ کا کہنا ہےجنگ بندی معاہدے پرقائم ہیں،قابض فوج پرحملے سےکوئی تعلق نہیں ہے،حماس نے آج کھدائی کے دوران ملنے والی ایک اوراسرائیلی قیدی کی لاش واپس کرنے کا بھی اعلان کردیا۔
دوسری جانب امریکی صدر ڈونلڈ ٹرمپ پھراسرائیل کی پشت پناہی کرنے لگے،سیز فائر کی خلاف ورزیوں کو اسرائیل کے دفاع کا حق قرار دیا۔
وفاقی وزیرداخلہ محسن نقوی کا دورہ تہران، ایرانی صدر ڈاکٹر مسعود پزشکیان سے ملاقات
وفاقی وزیرداخلہ محسن نقوی نے دورہ تہران میں ایرانی صدرڈاکٹرمسعود پزشکیان سے اہم ملاقات کی، ایرانی صدر نے دوطرفہ معاشی وتجارتی تعلقات کےفروغ کےعزم کااعادہ کیا ۔
ایرانی صدرڈاکٹرمسعود پزشکیان سےملاقات میں وفاقی وزیرداخلہ محسن نقوی نے دوطرفہ تعلقات اورخطےکی سلامتی صورتحال پرتبادلہ خیال کیا ۔ پاک ایران سرحدی امور اور زائرین کے معاملے پر بھی بات چیت ہوئی ۔ صدر مسعودپزشکیان نے کہا پاکستان کےساتھ تعلقات کو بہت اہمیت دیتےہیں ۔
اس سے پہلے ایران پہنچنے پر وزیر داخلہ محسن نقوی کا تہران ائیر پورٹ پر ایرانی نائب وزیر داخلہ علی زینوند نے استقبال کیا ۔ ایک روزہ دورہ ایران میں محسن نقوی اقتصادی تعاون تنظیم وزرائے داخلہ کے تہران اجلاس میں شرکت کریں گے۔ وزیر داخلہ محسن نقوی ایران کے اعلیٰ حکام سے اہم ملاقاتیں کریں گے۔ ملاقاتوں باہمی تعلقات کے فروغ اور خطے کی صورتحال پر تبادلہ خیال کیا جائے گا۔
جنگ بندی معاہدے کی خلاف ورزی، اسرائیل کے غزہ پر حملے، 8 فلسطینی شہید
جنگ بندی معاہدے کی خلاف ورزی،اسرائیل کے غزہ کے مختلف علاقوں پر حملے،آٹھ فلسطینی شہید ہوگئے۔
ملبے سے ملنے والی مزید پچاس لاشیں سپردخاک کردی گئیں ہیں،جس کے بعد فلسطینی شہدا کی تعداد 68 ہزار 595 ہوگئی،حماس نے ایک اور یرغمالی کی لاش اسرائیل کےحوالے کردی، دیگر کی تلاش کا کام جاری ہے۔
دوسری جانب حماس کے سابق سربراہ یحییٰ سنوار کی شہادت سے پہلے کی نئی ویڈیو سامنےآگئی،یحییٰ سنوار کو ایک ساتھی کےساتھ اپارٹمنٹ میں دیکھا جاسکتا ہے۔
اسرائیلی یرغمالیوں کی تلاش، ریڈ کراس حماس سرچ ٹیم میں شامل ہوگئی
اسرائیلی یرغمالیوں کی لاشوں کی تلاش کی کوششیں تیز،ریڈ کراس نے حماس کے ساتھ کام شروع کردیا ۔
تفصیلات کے مطابق اسرائیلی یرغمالیوں کی لاشوں کی تلاش کیلئےمصری ٹیم بھی بھاری مشینری کےساتھ پہنچ گئی ہے،ترجمان اسرائیلی حکومت کاکہنا ہے ریڈ کراس اورمصری ٹیموں کویلو لائن سے آگے جانے کی اجازت دی گئی۔
اسرائیلی وزیراعظم نیتن یاہوکہتے ہیں غزہ میں بین الاقوامی فورسزکی تعیناتی اسرائیل کی مرضی سے ہوگی،صرف ان ممالک کی افواج تعینات ہونگی جوہمیں منظور ہونگے۔
اسرائیلی میڈیا کے مطابق امن فورس میں پاکستان، آذربائیجان اور انڈونیشیا کے فوجی شامل ہوسکتے ہیں۔
پاکستان ایران کے مابین لاجسٹک، تجارت اور ٹرانسپورٹ کے شعبوں میں مشترکہ اقدامات پر اتفاق
ایران اور پاکستان کے مابین لاجسٹک، تجارت اور ٹرانسپورٹ کے شعبوں میں مشترکہ اقدامات پر اتفاق کرلیا گیا،دونوں ممالک کے درمیان تعاون بڑھانے کیلئے مشترکہ کمیٹی کے قیام کا فیصلہ کیا گیا ہے۔
اسلام آبادمیں وفاقی وزراء عبدالعلیم خان،جام کمال خان اورحنیف عباسی نے پاکستان کے دورے پر موجود ایرانی وزیرفرزانہ صادق سے ملاقات کی۔اجلاس میں پاک ایران بارڈرپر تجارتی مشکلات کےازالے کےلئے مشترکہ کمیٹی کے قیام پر اتفاق کیا گیا، جو ایک ہفتے میں رپورٹ پیش کرےگی۔
وفاقی وزیر مواصلات عبدالعلیم خان نےایران سے آنے والے ٹرکوں کی جلد کلیرنس کی ہدایت دیتے ہوئے ایران کوپاکستان کے ٹریڈ کوریڈور سے چین اور دیگر ممالک تک تجارت کی پیشکش کی،اجلاس میں کوئٹہ زاہدان ریلوے ٹریک کی بحالی پر بھی اتفاق ہوا،جبکہ دسمبر میں اسلام آباد تہران استنبول ٹرین منصوبے کا ازسرنو جائزہ لینے کا فیصلہ کیا گیا۔
وزیر ریلوے حنیف عباسی نے ایران سے ستمبر میں طے پانے والے معاہدے پر تیزی سے عملدرآمد کی تجویز پیش کی۔ایرانی وزیر نے چاہ بہار اور گوادر بندرگاہوں کے درمیان بحری تعاون بڑھانے پر زور دیا اور عبدالعلیم خان کے متحرک کردار کو سراہا۔
وزیر تجارت جام کمال نےایران سے تجارت کودس ارب ڈالر تک بڑھانےمیں دلچسپی ظاہر کی،جبکہ ایرانی وزیر نےعبدالعلیم خان کو دوبارہ ایران کےدورے کی دعوت دی۔
عبدالعلیم خان نےکہا کہ پاکستان علاقائی تجارت اور باہمی رابطوں کے فروغ کیلئے پرعزم ہے۔ دونوں ممالک ایک عرصے بعد قریب آرہے ہیں۔
فلسطینی دھڑے غزہ کا انتظام ٹیکنوکریٹ کمیٹی کے سپرد کرنے پر متفق
حماس سمیت تمام بڑے فلسطینی دھڑے غزہ کا انتظام ٹیکنوکریٹ کمیٹی کے سپرد کرنے پر متفق ہوگئے۔
قاہرہ میں ملاقات کےبعدفلسطینی دھڑوں کی جانب سےحماس کی ویب سائٹ پرمشترکہ بیان جاری کیا گیا،بیان کےمطابق ٹیکنوکریٹ انتظامیہ عرب بھائیوں اوربین الاقوامی اداروں کےتعاون سےعوامی زندگی اور بنیادی خدمات کے امور چلائے گی۔
یہ مطالبہ بھی کیاگیاکہ ایک قومی حکمتِ عملی پراتفاق کےلیےاجلاس بلایا جائے،فلسطینی تنظیموں نے امداد کی فوری ترسیل اور غزہ کے تمام کراسنگ پوائنٹس کھولنے کا مطالبہ بھی کیا۔
فلسطین لبریشن آرگنائزیشن کوفلسطینی عوام کی واحد جائز نمائندہ تنظیم کےطور پر فعال کرنے کا مطالبہ بھی کردیا۔
ایران ایئر کا پاکستان کیلئے فلائٹ آپریشن شروع کرنے کا اعلان
ایران ایئر نے پاکستان کیلئے فلائٹ آپریشن شروع کرنےکااعلان کردیا۔
تفصیلات کے مطابق ابتدائی طورپرہفتہ وارایک پروازمشہد اورلاہور کے درمیان آپریٹ ہوگی،پروازوں سے مشہد سے لاہورکے درمیان فضائی رابطہ بحال ہوجائے گا،29 اکتوبر سے ہفتہ وار پرواز کا باقاعدہ آغاز ہوگا۔
دوسری جانب پاکستان کی سول ایوی ایشن اتھارٹی کی جانب سے سیرین ایئر کو 2 ہفتے کیلئے مشروط فلائٹ آپریشن کی اجازت دیدی گئی، ایئرلائن جدہ سے مسافروں کو واپس لائے گی۔
ترجمان نے بتایا کہ سیرین ایئر اجازت صرف جدہ میں پھنسے مسافروں کو وطن واپس لانے کیلئے دی گئی ہے، سیرین ایئر جدہ میں پھنسے طیارے کو بھی وطن لاسکے گی، سیرین ایئر کو ملک سے بیرون ملک فلائٹ آپریشن کی اجازت نہیں ہوگی۔
سول ایوی ایشن اتھارٹی نے ریگولیٹری قوانین کی خلاف ورزی پر سیرین ایئر کا ایئر آپریٹرز سرٹیفکیٹ معطل کیا تھا۔
فلسطینیوں کے طویل اور دردناک دن ختم ہوگئے، ہم نے 8 جنگیں رکوائیں: ڈونلڈ ٹرمپ
امریکی صدر ڈونلڈ ٹرمپ نے کہاہے کہ آج مشرق وسطیٰ میں ایک تاریخی صبح طلوع ہوئی ہے، یہ آسان نہیں تھا، تمام عرب اور مسلم ممالک کا شکریہ ادا کرتا ہوں، امریکا مشکل وقت میں اسرائیل کے ساتھ کھڑا رہا، نیتن یاہو ہم سے وہ ہتھیار بھی مانگتے رہے جومیں خود نہیں جانتا تھا، ایران کیلئے دوستی اور تعاون کے دروازے کھلے ہیں۔
اسرائیل نے صدر ٹرمپ کو اگلے سال کے نوبیل انعام کلیئے نامزد کرنے کا اعلان کردیا، سپیکر اسرائیلی پارلیمنٹ نے کہا کہ دنیا میں کوئی نہیں ہے جس نے آپ سے زیادہ امن کیلئے کام کیا ہو۔
امریکی صدر ڈونلڈ ٹرمپ نے اسرائیلی پارلیمنٹ سے خطاب کرتے ہوئے کہا کہ آج مشرق وسطیٰ میں ایک تاریخی صبح طلوع ہوئی ہے، یہ آسان نہیں تھا، تمام عرب اور مسلم ممالک کا شکریہ ادا کرتا ہوں، بہت سارے ممالک اس امن میں شرکت دار بنے جو غیر معمولی ہے، امریکا مشکل وقت میں اسرائیل کے ساتھ کھڑا رہا، اسرائیل کو جو فتح ملی وہ ہتھیاروں کے زور پر ملی ہے، ہم نے شدید مشکلات کے باوجود اپنے قیدیوں کو رہا کروایا، غزہ کے لوگوں کی توجہ اب تعمیر نو پر ہونی چاہیے، ایران کیلئے دوستی اور تعاون کے دروازے کھلے ہیں۔
اللہ کرے کہ یہ امن پائیدارہو اور ہمیشہ برقرار رہے، آج بندوقیں خاموش ہیں، اور امن کا سورج طلوع ہوگیا ہے،2 برس کے طویل انتظار کے بعد یرغمالی اپنے گھروں کو لوٹ گئے، ہر کوئی کہتا تھا کہ یہ ناممکن ہے اور ہم وقت ضائع کر رہے ہیں،
ڈونلڈ ٹرمپ کے خطاب کے دوران اراکین پارلیمنٹ نے ہنگامہ آرائی کی جس پر پارلیمان سے باہر نکال دیا گیا ۔
صدر ٹرمپ نے اپنی بیٹی اور داماد کا بھی شکریہ ادا کیا اور کہا کہ ابراہم معاہدہ کروانے میں جیرڈ کشنر نے اہم کردار ادا کیا، ہم نے 8 جنگیں رکوائیں، یہ آٹھویں جنگ ہے جو ہم نے رکوائی، امریکی فوج جتنی مضبوط آج ہے، پہلی کبھی نہیں تھی، مارکو روبیو امریکی تاریخ کے عظیم ترین سیکرٹری آف اسٹیٹ ہونگے، نیتن یاہو ہم سے وہ ہتھیار بھی مانگتے رہے جومیں خود نہیں جانتا تھا،
ان کا کہناتھا کہ فلسطینیوں کے طویل اور دردناک دن ختم ہوگئے، فلسطینیوں کے لیے بھی طویل ڈراؤنا خواب بالآخر ختم ہو گیا ہے، امریکی بی ٹو بمباری طیاروں نے ایران پر حملے کیلئے 37 گھنٹے مسلسل پرواز کی، ہم نے ایرانی ایٹمی تنصیبات پر 14 بم گرائے، ہم وہ حملہ نہ کرتے تو آج یہ جنگ بندی معاہدہ طے نہ پاتا، ہم نے مشرق وسطیٰ پر چھائے جنگ کے بادل ہٹا دیے۔
آج جو ہورہا ہے، اس سے پہلے دنیا میں ہوتا ہوا نہیں دیکھا، کچھ لوگ کہتے ہیں، 3 ہزار اور کچھ کہتے ہیں 500 برس بعد امن قائم ہوا، یہاں جنگ بندی ہوگئی، اب ہمیں روس پر توجہ دینے کی ضرورت ہے، نیتن یاہو اور اپوزیشن لیڈر کی طویل تقاریر کے باعث میں لیٹ ہوگیا ہوں، میں یہاں سے سیدھا مصر جارہا ہوں، پورے خطے نے حماس کو غیر مسلح کرنے کی توثیق کی ہے، میری انتظامیہ حزب اللہ کو غیر مسلح کرنے کی کوشش کر رہی ہے۔
کچھ دیر بعد میں دنیا کے طاقتور ترین اور امیر ترین ممالک کے سربراہان سے ملنے جارہا ہوں، ان میں کئی ایسی شخصیات ہیں جنہوں نے اس امن معاہدہ میں مدد کی، ہم نے دکھا دیا کہ امن صرف ایک امید نہیں بلکہ حقیقت ہے۔
ایران اسرائیل کو کبھی تسلیم نہیں کرے گا،جو ایسا سوچ رہے ہیں یہ ان کی خوش فہمی ہے، عباس عراقچی
ایرانی وزیر خارجہ عباس عراقچی نے کہا ہے کہ ایران اسرائیل کو کبھی تسلیم نہیں کرے گا،جو ایسا سوچ رہے ہیں یہ ان کی خوش فہمی ہے۔
ایرانی میڈیا کو انٹرویو میں عباس عراقچی نےکہا نیوکلیئر پروگرام پر امریکا کے ساتھ بامقصد بات چیت کیلئے تیار ہیں،قومی مفادات پر سمجھوتہ نہیں کریں گے۔
مزید کہا چند دن پہلے صدر ٹرمپ نے دعویٰ کیا تھا کہ ایران غزہ جنگ بندی معاہدے کی حمایت کرتا ہے،ہو سکتا ہے وہ اسرائیل کے ساتھ تعلقات بھی بحال کرے۔
