کراچی میں ایف آئی اے اینٹی منی لانڈرنگ اور کاؤنٹر فنانس ٹیرارزم سرکل نے کارروائی کی جس میں چودہ کروڑ سے زائد کا ای فراڈ کرنے والے دو ملزمان کے خلاف اینٹی منی لانڈرنگ کا مقدمہ درج کر لیا۔
کراچی میں ایف آئی اے اینٹی منی لانڈرنگ و کاؤنٹر فنانس ٹیرارزم سرکل نے کارروائی کرتے ہوئے 14 کروڑ سے زائد کا ای فراڈ کرنے والے ملزمان کے خلاف اینٹی منی لانڈرنگ کا مقدمہ درج کر لیا مصطفی غوری اور رمیز نامی ملزمان کے خلاف فراڈ کی رقم سے پراپرٹی خریدنے کا الزام تھا منی لانڈرنگ کے ذریعے خریدی پراپرٹیز میں ایک فلیٹ،پلاٹ اور ایک دکان شامل ہے۔
مقدمہ کے متن کے مطابق ملزمان نے اہلخانہ اور دیگر ملزمان کے ساتھ مل کر ای کامرس کے ذریعے مختلف اشیا خریدیں ملزمان نے خریداری کریڈٹ کارڈز سے کرنے کے بعد آرڈر کینسل کر کے رقم واپس وصول کی مرچنٹس کی جانب سے ملٹی پل ایڈوائسز کے جواب میں صرف ایک سیٹلمنٹ کی رقم وصول ہوئی ہے بقیہ رقم وصولی کے لئے نجی بینک کی مختلف برانچز میں موجود اکاؤنٹس استعمال کئے گئے۔
نجی بینک کے آئی ٹی سسٹم کے ذریعے بینک کو کل 14 کروڑ 20 لاکھ روپے کا نقصان پہنچایا گیا نجی بینک کی شکایت پر سائبر کرائم سرکل کراچی نے تحقیقات کے بعد ایف آئی آر درج کی تحقیقات کے لئے ایف آئی آر ایف آئی اے منی لانڈرنگ سرکل کو منتقل کردی گئیں۔
