صوبائی اسمبلی کی پی بی 24 گوادر پر دلچسپ صورتحال پیدا ہوگئی، حمل کلمتی سمیت تین بھائی، کزن اور بہنوئی نے عام انتخابات کیلئے کاغذات نامزدگی جمع کرادیئے۔
بلوچستان اسمبلی کے حلقہ پی بی 24 گوادر میں عام انتخابات کیلئے کاغذات نامزدگی جمع کرادیئے گئے، جن کی جانچ پڑتال کا سلسلہ جاری ہے، تاہم بعد دلچسپ صورتحال اس وقت پیدا ہوئی جب یہ بات سامنے آئی کہ اس حلقے پر تین بھائی، کزن اور بہنوئی آمنے سامنے ہیں۔
پی بی 24 گوادر پر ترجمان بی اے پی کہدہ بابر بلوچ اپنے چار سالوں کا مقابلہ کریں گے، جن میں تین سگے بھائی اور ان کا ایک کزن شامل ہیں۔
پی بی 24 گوادر پر تین بھائی حمل کلمتی، زبیر کلمتی، میر مقصود کلمتی بھی آمنے سامنے ہیں جبکہ ان کے مد مقابل ایک کزن ارشد کلمتی نے بھی کاغذات نامزدگی جمع کرائے ہیں۔
دوسری جانب این اے 259 پر بھی کہدہ بابر بلوچ اپنے سالے حمل کلمتی کا مقابلہ کریں گے۔
