چیئرمین پیپلزپارٹی بلاول بھٹو زرداری نے عام انتخابات کیلئے کاغذات نامزدگی حاصل کرلئے، وہ کراچی سے الیکشن لڑیں گے۔
چیئرمین پاکستان پیپلزپرٹی بلاول بھٹو زرداری نے عام انتخابات میں حصہ لینے کیلئے کاغذات نامزدگی وصول کرلئے۔
رپورٹ کے مطابق بلاول بھٹو زرداری کیلئے کاغذات نامزدگی این اے 239 لیاری سے وصول کئے گئے ہیں۔
واضح رہے کہ چیئرمین پیپلزپارٹی نے 2018ء کے الیکشن میں لاڑکانہ اور لیاری سے عام انتخابات میں حصہ لیا تھا تاہم وہ شہر قائد میں پی پی پی کے سیاسی گڑھ لیاری سے الیکشن ہار گئے تھے۔
الیکشن کمیشن کی جانب سے جاری شیڈول کے مطابق 22 دسمبر تک امیدوار کاغذات نامزدگی جمع کراسکیں گے جبکہ 23 دسمبر تک امیدواروں کے ناموں کی فہرست جاری کی جائے گی۔
