نائب وزیراعظم و وزیر خارجہ اسحاق ڈار کا سعودی وزیر خارجہ سے ٹیلیفونک رابطہ ہواہے جس دوران اسحاق ڈار اور شہزادہ فیصل بن فرحان کے درمیان تازہ علاقائی پیشرفت پر تبادلہ خیال کیا گیا۔
تفصیلات کے مطابق دونوں رہنماؤں نے امریکا ایران مذاکرات آخری مرحلےمیں داخل ہونے کا خیرمقدم کیا ، اسحاق ڈار نے کہا کہ فریقین کے درمیان کل معاہدے پر الیکٹرانک دستخط کی تقریب ہونے جا رہی ہے۔
فریقین نے اتفاق کیا کہ امید ہے یہ اہم پیشرفت خطے میں دیرپا امن و استحکام میں معاون ثابت ہو گی۔ سعودی وزیرخارجہ نے ثالثی و مذاکرات کیلئے پاکستان کی مسلسل و پائیدار کوششوں کو سراہا۔
دونوں رہنماؤں نے آئندہ چارعلاقائی وزرائے خارجہ (آر فور) اجلاس سے متعلق بھی گفتگو کی ۔ چار ملکی وزرائے خارجہ اجلاس اس ماہ کے آخر میں مصر میں ہوگا۔
