بسنت کے آخری روز لاہوریوں کی زندہ دلی عروج پر ہے۔ بہار کا استقبال کرتے شہری خوشی سے نہال ہیں ۔ جشن کے سارے ریکارڈ ٹوٹ گئے۔
دوسرے شہروں اور بیرون ملک سے آئے افراد بھی زبردست ہلہ گلہ کررہے ہیں۔ آسمان پتنگوں سے رنگین، چھتوں پر زبردست گہما گہمی ہیں ۔ شہری پتنگ بازی کے ساتھ کھابوں کا بھی مزہ لے رہے ہیں۔ منچلوں کے ڈھول کی تھاپ پر بھنگڑے، نغموں کی بھرمار، ہرکوئی سرشار، خواتین بھی پیش پیش ہیں۔
لبرٹی چوک پر زبردست رش ہیں ۔ شہریوں کی خوبصورت ماڈلز کے ساتھ سیلفیاں، خوشیوں بھرے لمحات کیمرے کی آنکھ میں قید کررہے ہیں۔ اندرون شہر بھی روایتی جوش، گڈیوں اور ڈور کی فروخت جاری ہیں۔ ریٹ گرنے کے بعد خریداروں کا رش لگ گیا۔
وزیراعلیٰ پنجاب مریم نواز کا کہنا ہے کہ لاہور خوش، میں بھی خوش، ہوا کے جوش پر پتنگوں کی آنکھ مچولی ہوتی رہی ۔ لاہوریوں نے اعتماد کی لاج رکھ لی ۔ ایس او پیز پر عملدرآمد یقینی بنانے پر مریم نواز کا شہریوں کو خراج تحسین کیا ۔ آخری روز بھی احتیاط کا دامن نہ چھوڑنے کا پیغام دیدیا۔ دوسرے شہروں میں بھی فیسٹیول سجانے کی خوشخبری سنادی۔
دوسری جانب بسنت کا وقت صبح 5 بجے تک بڑھا دیا گیا، مریم نواز کا کہنا ہے کہ بسنت کا وقت بڑھانا لاہورکےعوام کےلیے انعام ہے، لاہوریوں نے ایس اوپیز کی ذمہ داری سے پابندی کی، شہری جشن بسنت محفوظ انداز میں جاری رکھیں، بسنت کوسب کیلئے خوشگوار، محفوظ اور یادگار بنائیں۔
