امریکی صدر ڈونلڈ ٹرمپ نے یوایس سعودی انویسٹمنٹ فورم سے خطاب کرتے ہوئے کہا کہ بزنس فورم میں دنیا کے بہترین لوگ موجود ہیں، محمد بن سلمان بہترین شخصیت ہیں، سعودی عرب امریکا نان نیٹو اتحادی بن گیا ہے، سعودی عرب کے ساتھ تاریخی دفاعی معاہدہ ہوا، امریکا کے پاس دنیا کا سب سے جدید دفاعی سازوسامان موجود ہے۔
تفصیلات کے مطابق ڈونلڈ ٹرمپ نے کہا کہ ہم نے ایران کی ایٹمی تنصیبات کو تباہ کیا ،وہ دوبارہ اسے نہیں بناسکے گا، ہم نے غزہ میں امن قائم کیا، گذشتہ روز ولی عہد نے ایک ٹریلین ڈالر کی سرمایہ کاری کی یقین دہانی کرائی، ہم سعودی عرب کو F-35طیارے فراہم کریں گے، سعودی عرب کے ساتھ اے آئی اور دیگر شعبوں میں تعاون بڑھائیں گے، آج درجنوں کمپنیوں کے درمیان 270 ارب ڈالر کے معاہدے پر دستخط ہو رہے ہیں۔
ان کا کہناتھا کہ ایران ہم سے معاہدہ کرنا چاہتا ہے، کوششیں کریں گے ایران کے ساتھ معاہدہ کرلیں، سعودی عرب ہمارا سب سے بڑا نان نیٹو اتحادی ہے، سعودی ولی عہد اور میں نے مل اتحاد مضبوط بنایا۔
امریکی صدر کا کہناتھا کہ ہم ایف 47طیارے تیار کررہے ہیں ،جو بہت جدید ہے، ہمارے ملک میں مہنگائی کی شرح بہت بلند تھی، ہم 9ماہ میں مہنگائی کو کم ترین سطح پر لائے۔
