سعودی عرب اور پاکستان کے درمیان حج 2026 کے لئے انتظامات اور سہولیات سے متعلق باضابطہ معاہدہ طے پا گیا ۔ سعودی نائب وزیر حج و عمرہ ڈاکٹر عبد الفتاح بن سلیمان المشاط اور وفاقی سیکرٹری مذہبی امور ڈاکٹر سید عطاءالرحمن نے جدہ میں حج معاہدے پر دستخط کئے۔
دستخط کی تقریب میں پاکستان میں سعودی سفیر نواف بن سعید المالکی،ڈی جی حج جدہ عبدالوہاب سومرو اور پرائیویٹ حج کمپنیوں کی نمائندہ تنظیم ہوپ کے عہدے داران بھی شریک ہوئے ۔
وفاقی سیکرٹری مذہبی امور نے مہمان نوازی اور سہولیات کی فراہمی کے لئے سعودی حکومت کی بہترین کاوشوں پر شکریہ ادا کیا ۔ امید ظاہر کہ ماضی کی طرح آئندہ سال بھی پاکستانی حجاج کرام کو اعلیٰ معیار کی سہولیات فراہم کی جائیں گی ۔
انہوں نےمزید کہا کہ وزارتِ مذہبی امور سعودی حکومت کی ہدایات کے مطابق سرکاری اور پرائیویٹ حج اسکیموں کے انتظامات بروقت اور مؤثر طریقے سے مکمل کرنے کے لیے پرعزم ہے ۔
