ایف آئی اےانسداد انسانی اسمگلنگ سرکل نے امریکی قونصل خانےکی شکایت پرکارروائی کرتے ہوئے 18شہریوں کوامریکی ویزے دلوانے کے نام پر لاکھوں بٹورنے والی این جی اوکے دو سینئر عہدیداروں کو گرفتار کر لیا۔
ایف آئی اے حکام کےمطابق لاہورکی این جی او کی عظمی مصطفی اور محمد شبیر کو امریکی قونصل خانے کے باہر سے گرفتار کیا گیا ۔ دونوں ملزمان امریکی قونصل خانے کے باہر انٹرویو کے لئے موجود متاثرہ 18 افراد کے ساتھ موجود تھے ۔ ملزمان نے چودہ مرد اور چار خواتین سے امریکی ویزا دلانے کے نام پر 25 سے 30 لاکھ فی کس وصول کئے ۔ متاثرہ افراد کو پنجاب کی مختلف یونیورسٹیز،تعلیمی اداروں کے طلبا وطالبات کے طور پر ظاہر کیا گیا ۔
این جی او کی جانب سے متاثرہ افراد کو جعلی دستاویزات کی مدد سے ویزا انٹرویو اپائٹمنٹس دلائی گئیں ۔ حکام کےمطابق این جی او کی مالکن مرکزی ملزمہ اور اسکا ایک اور ساتھی جعلسازی کے ماسٹر مائنڈ ہیں ۔ تحقیقات میں متاثرہ افراد کے بیانات اورشواہد کی روشنی میں دو گرفتار ملزمان سمیت چار ملزمان کے خلاف مقدمہ درج کر لیا گیا۔
