وزارت صحت نے انسداد پولیو کے حوالے سے نئی حکمت عملی تیار کر لی۔
کوآرڈینیٹر انسداد پولیو پروگرام کیپٹن (ر) انوارالحق نے سماء سےگفتگو کرتے ہوئےکہا پانچ سال عمر تک کے بچوں کو حفاظتی قطروں کے ساتھ اب پندرہ سال تک کے بچوں کو پولیو سے بچاؤ کے ٹیکے بھی لگائے جائیں گے۔
انوارالحق نےکہافیصلہ انسداد پولیو ٹیکنیکل ایڈوائزری گروپ کی تجویز پر کیا گیا،حفاظتی ٹیکوں کی مہم رواں سال نومبرمیں ہوگی،لاہور اور کراچی میں ویکسین مہم کے باوجود وائرس ختم نہیں ہورہا،ابتدا میں کراچی میں 40 لاکھ ،لاہورمیں 15 لاکھ بچوں کو حفاظتی ٹیکے لگائیں گے،مہم کا آغازکراچی، لاہور اورکوئٹہ سے ہوگا۔
