راولپنڈی کی اڈیالہ جیل میں بانی پی ٹی آئی اوراوربشریٰ بی بی کےخلاف توشہ خانہ ٹوکیس آخری مرحلے میں داخل ہوگیا،استغاثہ کے تمام 20 گواہوں کے بیانات ریکارڈکرلئےگئے،آخری 2 گواہوں کے بیانات پر وکلاء صفائی 24 ستمبر کو جرح کریں گے۔
اسپیشل جج سینٹرل شارخ ارجمند نےکیس کی سماعت اڈیالہ جیل میں کی،سماعت کےدوران بانی پی ٹی آئی اوربشریٰ بی بی کوکمرۂ عدالت میں پیش کیاگیا،مقدمے کےآخری دونوں گواہوں کےبیان ریکارڈ کرلئے گئے، گواہوں میں نیب افسر محسن ہارون،اسسٹنٹ ڈائریکٹر ایف آئی اے شاہد پرویز شامل ہیں۔
مقدمہ میں استغاثہ کے گواہان کی شہادت مکمل،مزید گواہ شامل نہیں کیا جائےگا،مقدمہ میں مجموعی طور 20گواہان کی شہادت قلمبند کی جا چکی ہے،مقدمے میں 18گواہان کے بیانات پرجرح بھی مکمل کی جاچکی ہے،وکلاء صفائی دونوں گواہوں کے بیانات پر جرح 24ستمبر کو کریں گے۔
