وزیراعظم شہباز شریف کل سعودی ولی عہد محمد بن سلمان سے ملاقات کریں گے۔ دو طرفہ تعلقات اور اسرائیلی جارحیت کے تناظر میں ملاقات کو انتہائی اہمیت کا حامل سمجھا جا رہا ہے۔
وزیراعظم پاکستان اور سعودی ولی عہد کی ملاقات طے پا گئی ۔ ذرائع کے مطابق وزیراعظم شہباز شریف اعلیٰ سطح وفد کے ساتھ کل سہ پہر سرکاری دورے پر ریاض پہنچیں گے۔ نائب وزیراعظم اسحاق ڈار ، سینئیر وزرا اور اعلیٰ حکام بھی ساتھ ہوں گے ۔
وزیراعظم شہباز شریف اور پرنس محمد بن سلمان کی ملاقات کل شام کے وقت متوقع ہے۔ پاک سعودی تعلقات کے تناظر میں ملاقات انتہائی اہمیت کی حامل ہے۔ ملاقات میں خطے کی سلامتی صورت حال اور اسرائیلی جارحیت پر بھی مشاورت ہو گی۔
ذرائع کے مطابق سعودی عرب کی متعلقہ اہم شخصیات ولی عہد محمد بن سلمان کی معاونت کریں گی۔ وزیراعظم شہباز شریف سعودی عرب سے ہی دورہ برطانیہ پر روانہ ہوں گے۔ دورہ برطانیہ کے بعد وزیراعظم اقوام متحدہ کی جنرل اسمبلی سے خطاب کیلئے نیویارک جائیں گے۔
