پنجاب میں سیلابی صورتحال کے باعث قومی اور صوبائی اسمبلیوں کے 9 حلقوں میں ضمنی انتخابات ملتوی کردیئے گئے، ان میں قومی اسمبلی کے پانچ اور صوبائی اسمبلی کے چار حلقے شامل ہیں، الیکشن کمیشن حکام کے مطابق فیصلہ پنجاب حکومت کی درخواست پر کیا گیا ہے ۔
الیکشن کمیشن کے مطابق قومی اسمبلی کے جن حلقوں میں ضمنی الیکشن ملتوی کیا گیا ان میں این اے 66 وزیرآباد،این اے 96 فیصل آباد ٹو،این اے 104 فیصل آباد ، این اے 129 لاہور اور این اے 143 ساہیوال شامل ہیں۔
صوبائی اسمبلی کے حلقہ پی پی 73 سرگودھا، پی پی 88 میانوالی ، پی پی 98 فیصل آباد اور پی پی 203 ساہیوال میں بھی ضمنی الیکشن مؤخر کیا گیا ہے ۔ الیکشن کمیشن کے مطابق پنجاب حکومت اور متعلقہ ڈری آر اوز ، آر اوز کی درخواست پر جن حلقوں میں ضمنی الیکشن ملتوی کئے گئے ہیں وہاں پولنگ اٹھارہ ستمبر اور پانچ اکتوبر کو شیڈول تھی ، ان تمام حلقوں کیلئے ضمنی الیکشن کا نیا شیڈول بعد میں جاری کیا جائے گا ۔
