پاکستان کو امریکا میں 4 سال کے لیے مچھلی برآمدات کی اجازت مل گئی۔وفاقی وزیر بحری امور جنید انوار کہتے ہیں یہ اجازت پاکستانی سی فوڈ کے اعلٰی معیار کا عالمی اعتراف ہے۔ آئندہ سال مچھلی کی برآمدات 600 ملین ڈالر تک پہنچ جائے گی۔
وفاقی وزیر بحری امور جنید انوار کا کہنا تھا کہ پاکستانی فشریز امریکی معیار پر پوری اتری، سمندری مصنوعات کی برآمدات میں تسلسل ممکن ہوگیا ہے۔جنید انوار چوہدری کا کہنا تھا کہ پاکستان کی برآمدات کو امریکا کی منظوری سے استحکام ملے گا۔
وفاقی وزیر نے بتایا کہ پاکستان نے گزشتہ سال دو لاکھ 42 ہزار ٹن مچھلی برآمد کی جس سے 479 ملین ڈالرز زرمبادلہ حاصل ہوا۔انہوں نے آئندہ سال 600 ملین ڈالر برآمدات کا امکان ظاہر کیا۔
