تین ملکی ٹورنامنٹ کل سے شارجہ میں شروع ہوگا۔
شیڈول کے مطابق ٹرائی نیشن سیریز 29 اگست سے 7 ستمبر تک شارجہ میں کھیلی جائے گی۔ پہلا میچ پاکستان اور افغانستان کے درمیان کھیلاجائے گا۔
شاہینوں نے پلیئنگ الیون فائنل کرلی۔ صائم ایوب اور صاحبزادہ فرحان اوپننگ کریں گے ۔ محمد حارث ون ڈاؤن اور فخرزمان چوتھے نمبر پر بیٹنگ کریں گے ۔ ٹیم میں دواسپیشلسٹ اسپنرز صفیان مقیم اورابراراحمد کی شمولیت متوقع ہے۔
قبل ازیں افغانستان کرکٹ بورڈ (اے سی بی) نے پاکستان اور متحدہ عرب امارات (یو اے ای) کے خلاف ٹی ٹوئنٹی ٹرائی نیشن سیریز کے لیے 17 رکنی اسکواڈ کا اعلان کردیا۔
اسٹار آل راؤنڈر اور اسپنر راشد خان ٹیم کی قیادت کریں گے جبکہ اعلان کردہ اسکواڈ میں صرف ایک تبدیلی کی گئی ہے اور فاسٹ بولر نوین الحق کی جگہ ابھرتے ہوئے پیسر عبداللہ احمدزئی کو شامل کیا گیا ہے۔
راشد خان (کپتان)، رحمان اللہ گرباز، ابراہیم زدران، صدیق اللہ اٹل، درویش رسولی، عظمت اللہ عمرزئی، محمد اسحاق، گلبدین نائب، محمد نبی، کریم جنت، شرف الدین اشرف، نور احمد، مجیب الرحمٰن، اے ایم غضنفر، عبداللہ احمدزئی، فرید احمد ملک اور فضل الحق فاروقی شامل ہیں۔
