لاہور ہائیکورٹ نے پرائیویٹ اسکولوں کی فیسوں میں اضافے کیخلاف درخواست پر 21 روز میں فیصلہ کرنے کا حکم دیدیا
لاہور ہائیکورٹ میں جسٹس خالد اسحاق نے پرائیویٹ اسکولوں کی جانب سے فیسوں میں اضافے کیخلاف جسٹس خالد اسحاق نے محمد ایوب اور دیگر کی درخواستوں پر سماعت کی۔
درخواست گزار کی جانب سے ایڈووکیٹ اسد منظور بٹ نے دلائل دئیے، مؤقف اختیار کیا کہ پرائیویٹ اسکول اپنی مرضی سے ہرسال اسکول فیس میں اضافہ کررہے ہیں، قانونی طور پر ایک سال میں 5 فیصد اضافے کا حق ہے تاہم پرائیویٹ اسکولوں نے 42 فیصد تک فیسوں میں اضافہ کر دیا۔
عدالت نے استفسار کیا کہ فیسوں کے معاملے کو کون دیکھتا ہے۔ درخواست گزار کے وکیل نے بتایا کہ ڈسٹرکٹ رجسٹریشن اتھارٹی پرائیویٹ اسکول کی فیسوں کی شکایت سنتی ہے، ڈپٹی کمشنر لاہور ڈسٹرکٹ رجسٹریشن اتھارٹی کے سربراہ ہیں۔
عدالت نے ڈسٹرکٹ رجسٹریشن اتھارٹی کو درخواست پر 21 روز میں فیصلہ کرنے کا حکم دیدیا اور کہا کہ عدالت فیصلے کیلئے درخواست اتھارٹی کو بھجوا دیتی ہے۔
