الیکشن کمیشن آف پاکستان ( ای سی پی ) نے رکن قومی اسمبلی ( ایم این اے ) جمشید دستی کو نااہل قرار دے دیا۔
ای سی پی نے اسپیکر قومی اسمبلی سردار ایاز صادق کی جانب سے رکن قومی اسمبلی جمشید دستی کے خلاف بھیجے گئے ریفرنس کو منظور کرتے ہوئے انہیں جعلی اسناد پر نااہل قرار دیا ہے۔
جمشید دستی کی نااہلی کی 2 درخواستیں الیکشن کمیشن نے منظور کیں۔
ای سی پی کی جانب سے اپنے فیصلے میں قومی اسمبلی کی نشست این اے 175 مظفر گڑھ خالی قرار دے دی گئی ہے۔
الیکشن کمیشن نے جمشید دستی کیخلاف قانونی کارروائی شروع کرنے کی بھی ہدایت دی ہے۔
ای سی پی کے فیصلے کے تحت جشمید دستی آرٹیکل 62 ون ڈی ایف اور 63 ون پی کے تحت نااہل قرار پائے ہیں۔
