ملک بھر میں جاری مون سون بارشوں اور سیلاب سے اب تک 105 افراد جاں بحق اور 211 زخمی ہو چکے جبکہ 145 گھر مکمل تباہ ہوئے ہیں۔
مون سون بارشوں اور ان سے پیدا ہونے والے سیلاب نے ملک بھر میں تباہی مچا رکھی ہے اور نیشنل ڈیزاسٹر مینجمنٹ اتھارٹی ( این ڈی ایم اے ) کے مطابق 26 جون سے 13 جولائی تک ملک کے مختلف مقامات پر بارشوں کے باعث حادثات میں 105 لوگ جاں بحق ہو چکے ہیں۔
این ڈی ایم اے کے مطابق جاں بحق ہونے والوں میں 49 بچے، 38 مرد اور 18 خواتین شامل ہیں۔
گزشتہ چوبیس گھنٹوں کے دوران ایک شخص خانیوال میں جاں بحق ہوا۔
211 زخمی افراد میں 81 مرد، 82 بچے اور 48 خواتین شامل ہیں۔
اس دوران دس کلومیڑ سے زائد سڑکوں اور نو پلوں کو بھی نقصان پہنچا جبکہ 145 گھر مکمل تباہ ہوگئے اور 310 جزوی متاثر ہوئے۔
