پاکستان کرکٹ ٹیم کے اوپنر اور پشاور زلمی کے بیٹر صائم ایوب نے اپنی ڈریم ٹی 20 ورلڈ الیون کا اعلان کیا ہے جس میں حیران کن طور پر زلمی کے کپتان بابر اعظم شامل نہیں ہیں۔
زلمی پوڈ کاسٹ میں صائم سے کہا گیا کہ وہ اپنی پسندیدہ ٹیم منتخب کریں لیکن شرط یہ تھی کہ کسی ایک ملک کے دو سے زیادہ کھلاڑی شامل نہیں ہو سکتے۔
صائم نے دو پاکستانی کھلاڑیوں کے آپشن کے باوجود صرف فخر زمان کو ٹیم میں شامل کیا جو ان کے ساتھ آسٹریلیا کے ٹریوس ہیڈ کے ہمراہ اوپننگ کریں گے۔
تیسرے نمبر پر انگلینڈ کے جارحانہ وکٹ کیپر بیٹر جوس بٹلر کو چنا گیا جبکہ مڈل آرڈر میں ویسٹ انڈیز کے نکولس پوران اور جنوبی افریقہ کے ہینرک کلاسن شامل ہیں۔
چھٹے نمبر پر صائم نے انگلینڈ کے بین اسٹوکس کا انتخاب کیا۔
آل راؤنڈرز میں بھارت کے ہاردک پانڈیا اور اسپنرز میں افغانستان کے راشد خان اور نیوزی لینڈ کے مچل سینٹنر کو ٹیم کا حصہ بنایا گیا جو درمیانی اوورز میں شاندار بولنگ کی صلاحیت رکھتے ہیں۔
فاسٹ بولرز کے طور پر صائم نے بھارت کے جسپریت بمراہ اور آسٹریلیا کے مچل اسٹارک کو شامل کیا۔
بابر اعظم کی عدم شمولیت نے شائقین میں بحث چھیڑ دی ہے کیونکہ وہ ٹی 20 فارمیٹ میں دنیا کے بہترین بیٹرز میں شمار ہوتے ہیں جبکہ صائم کا یہ انتخاب ان کی جارحانہ اور جدید ٹی 20 حکمت عملی کی عکاسی کرتا ہے۔
صائم کی ورلڈ الیون
فخر زمان (پاکستان)، ٹریوس ہیڈ (آسٹریلیا)، جوز بٹلر (انگلینڈ)، نکولس پوران (ویسٹ انڈیز)، ہینرک کلاسن (جنوبی افریقہ، بین اسٹوکس (انگلینڈ، ہاردک پانڈیا (بھارت) ، راشد خان (افغانستان)، مچل سینٹنر (نیوزی لینڈ)، جسپریت بمراہ (بھارت)، مچل اسٹارک (آسٹریلیا)۔
