محکمہ موسمیات نے پیر کو کراچی میں گرج چمک کے ساتھ بارش کی پیشگوئی کردی جبکہ سندھ بھر میں آج ہلکی بارش کا امکان ہے۔
محکمہ موسمیات کا کہنا ہے کہ سندھ کے بیشتر علاقوں میں آج گرج چمک کے ساتھ ہلکی بارش جبکہ پیر کو کراچی میں گرج چمک کے ساتھ بارش کا امکان ہے۔
محکمہ موسمیات نے بتایا کہ مغربی لہر ملک کے بالائی اور وسطی حصوں کو اپنی لپیٹ میں لے رہی ہیں، مذکورہ مغربی سسٹم کے اثرات ملک کے جنوبی حصوں میں پھیل رہے ہیں۔
محکمہ موسمیات کے مطابق جامشورو، ٹنڈو محمد خان، بدین، ٹھٹھہ، شہدادکوٹ، حیدرآباد، مٹیاری، ٹنڈوالہیار، میرپورخاص، سانگھڑ اور شہید بینظیر آباد کے اضلاع میں آج (اتوار کو) گرج چمک کے ساتھ ہلکی بارش کا امکان ہے۔
پیشگوئی کے مطابق گھوٹکی، سکھر، خیرپور، سانگھڑ، میرپورخاص، ٹنڈو محمد خان میں چند مقامات پر گرج چمک کے ساتھ ہلکی بارش کا امکان ہے۔
محکمہ موسمیات کے مطابق عمرکوٹ، تھرپارکر، بدین، حیدرآباد، مٹیاری اور جامشورو کے اضلاع میں کل (پیر) سے بارش ہونے کی توقع ہے۔
محکمہ موسمیات کی جانب سے آج اور کل کراچی سمیت صوبے کے بیشتر علاقوں میں تیز ہوائیں چلنے کا بھی امکان ہے۔
