پاکستان ویمن کرکٹ ٹیم کی سابق کپتان ندا ڈار مینٹل ہیلتھ کا شکار ہو گئیں، انہوں نے کرکٹ سے دوری اختیار کرلی۔
پاکستان ویمن کرکٹ ٹیم کی سابق کپتان اور مایہ ناز آل راؤنڈر ندا ڈار نے مینٹل ہیلتھ کے ایشو پر کرکٹ سے بریک لے لیا۔ انہوں نے اس حوالے سے سوشل میڈیا پر ایک پوسٹ شیئر کی۔
ندا ڈار نے کہا ہے کہ گزشتہ کچھ عرصے میں میری ذاتی اور پروفیشنل زندگی میں حوالے سے بہت کچھ ہوا، ان معاملات کی وجہ سے میری ذہنی صحت پر بہت اثر پڑا ہے۔
ان کا کہنا ہے کہ اس وجہ سے میں کرکٹ سے بریک لے رہی ہوں تاکہ اپنے اوپر فوکس کرسکوں، میری پرائیویسی کا خیال رکھنے کی درخواست ہے۔
واضح رہے کہ سابق کپتان ندا ڈار کو آئی سی سی ویمن کرکٹ ورلڈ کپ کوالیفائر کیلئے کیمپ میں بلایا گیا تھا، جس کیلئے ان کا فٹنس ٹیسٹ لیا گیا اور فٹنس کی بنیاد پر انہیں ٹیم میں شامل نہیں کیا گیا تھا۔
رپورٹ کے مطابق فیصل آباد میں لگائے جانیوالے کیمپ میں ندا ڈار شامل ہی نہیں تھیں، انہیں اب نیشنل ٹی 20 کپ کھیلنے کیلئے کہا گیا تاہم انہوں نے ڈومیسٹک ٹورنامنٹ کھیلنے سے منع کردیا اور کرکٹ سے بریک لے لیا۔
