چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے نائجیریا کا سرکاری دورہ کیا جہاں انہوں نے نائجیریا کے وزیر دفاع محمد بدارو ابوبکر سے ملاقات کی۔
پاک فوج کے شعبہ تعلقات عامہ ( آئی ایس پی آر ) کی جانب سے جاری ہونے والے بیان کے مطابق جنرل مرزا نے نائجیریا کی مسلح افواج کی قیادت سے بھی ملاقاتیں کیں جن میں چیف آف ڈیفنس اسٹاف جنرل کرسٹوفر موسیٰ، آرمی چیف لیفٹیننٹ جنرل اولوفیمی، نیول چیف وائس ایڈمرل اوگالا، اور ایئر چیف ایئر مارشل حسن ابوبکر شامل تھے۔
ان الگ الگ ملاقاتوں میں انسداد دہشت گردی، سیکیورٹی، دفاعی تعاون، اور علاقائی و عالمی امور پر تفصیلی تبادلہ خیال کیا گیا۔
دونوں ممالک نے دفاعی تعاون کو مزید مضبوط کرنے کے عزم کا اعادہ کیا۔
آئی ایس پی آر کے مطابق نائجیرین قیادت نے پاکستانی افواج کی پیشہ ورانہ صلاحیتوں اور دہشت گردی کے خلاف جنگ میں دی گئی قربانیوں کو سراہا۔
