ٹویوٹا انڈس موٹرز (IMC) نے پاکستان میں اپنی 35 ویں سالگرہ کے موقع پر ٹویوٹا یارس 1.3 جی ایل آئی سی وی ٹی پر خصوصی پروموشن کا اعلان کر دیا ہے، جس میں جدید فیچرز شامل کیے گئے ہیں اور وہ بھی بغیر کسی اضافی لاگت کے۔یہ محدود مدت کی آفر ہے جس کا مقصد صارفین کو ایک بہتر، جدید اور پرکشش سیڈان فراہم کرنا ہے۔
یارس میں دو بڑی اپ گریڈز:
- الائے ویلز:معیاری اسٹیل ویلز کی جگہ اب خوبصورت اور مضبوط الائے ویلز فراہم کیے جا رہے ہیں جو نہ صرف گاڑی کی خوبصورتی میں اضافہ کرتے ہیں بلکہ پائیداری اور پرفارمنس میں بھی بہتری لاتے ہیں، جس سے ڈرائیونگ مزید ہموار ہو جاتی ہے۔
- جدید آڈیو سسٹم:یارس میں اب 6.8 انچ کا کیپیسٹیو ٹچ اسکرین انفوٹینمنٹ سسٹم نصب کیا گیا ہے، جو دو فونز کو بیک وقت بلوٹوتھ کے ذریعے کنیکٹ کرنے کی سہولت دیتا ہے۔ یہ سسٹم MP3، DVD/VCD پلے بیک، یو ایس بی پورٹس اور 2-وے وائرڈ "مِرر لنک" کی بھی سہولت فراہم کرتا ہے، جس سے صارفین کو ایک زبردست ملٹی میڈیا تجربہ حاصل ہوتا ہے۔
کوئی اضافی قیمت نہیں
ان اپ گریڈز کی سب سے خاص بات یہ ہے کہ صارفین کو ان کے لیے کوئی اضافی رقم ادا نہیں کرنی پڑے گی۔ گاڑی کی قیمت وہی رہے گی جو موجودہ یارس 1.3 جی ایل آئی سی وی ٹی کی ہے، اس طرح یہ آفر ایک شاندار ڈیل بن جاتی ہے۔
محدود مدت اور تعداد
ٹویوٹا انڈس موٹرز نے واضح کیا ہے کہ یہ پیشکش محدود وقت اور محدود تعداد کے لیے دستیاب ہے، لہٰذا دلچسپی رکھنے والے صارفین کو جلد فیصلہ کرنا ہوگا۔
