پی ایس ایل 2021 کی چیمپئن ملتان سلطانز پاکستان سپر لیگ10 کی تیاری جمعہ کے روز سے شروع کررہی ہے۔
ملتان سلطانز کا پی ایس ایل10 کی تیاری کے لیے کیمپ جمعہ کو ملتان کرکٹ اسٹیڈیم میں فلڈ لائٹ میں شروع ہوگا جو 7 اپریل تک جاری رہے گا۔یہ کیمپ اہمیت کاحامل ہے اس سے کھلاڑیوں کو ایک دوسرے کو سمجھنے میں مدد ملے گی اور وہ ہوم گراؤنڈ پر بہترین سہولتوں کے ساتھ پریکٹس کا فائدہ اٹھائیں گے۔ ہیڈ کوچ عبدالرحمن ۔
پاکستان سپر لیگ کا آغاز11 اپریل کو ہوگا۔ملتان سلطانز اپنا پہلا میچ 12اپریل کو کراچی کنگز کے خلاف نیشنل بینک اسٹیڈیم کراچی میں کھیلے گی۔ملتان سلطانز کے چار روزہ کیمپ میں 9 کھلاڑی شریک ہونگے جن میں عامر عظمت برکی۔فیصل اکرم۔ افتخار احمد۔ کامران غلام۔ محمد حسنین۔شاہد عزیز۔اسامہ میر۔ یاسرخان اور عبید شاہ شامل ہیں۔
کپتان محمد رضوان سمیت دیگر11 کھلاڑی 8 اپریل کو اسکواڈ کو جوائن کریں گے۔ملتان سلطانز کے سات غیرملکی کھلاڑیوں میں کرس جارڈن ۔ڈیوڈ ولی ( انگلینڈ )۔گوڈاکیش موٹی ۔ جانسن چارلس۔ شائی ہوپ ( ویسٹ انڈیز) جوش لٹل( آئرلینڈ) اور مائیکل بریسویل ( نیوزی لینڈ ) شامل ہیں۔
