پاکستان کے سابق ٹیسٹ کرکٹر فاروق حمید انتقال کرگئے۔
خاندانی ذرائع نے پاکستان کے سابق ٹیسٹ کرکٹر فاروق حمید کے انتقال کی تصدیق کردی، سابق ٹیسٹ فاسٹ بولر فاروق حمید کی عمر 80 برس تھی۔
فاروق حمید ایک ٹیسٹ میں پاکستان کی نمائندگی کی، 43 فرسٹ کلاس میچز بھی کھیلے، فاروق حمید نے 43 فرسٹ کلاس میچز میں 111 وکٹیں حاصل کیں۔
فاروق حمید نے 1964 میں ایم سی جی میں آسٹریلیا کے خلاف پاکستان کی نمائندگی کی، پاکستان کرکٹ بورڈ نے ٹیسٹ فاسٹ بولر فاروق حمید کے انتقال پر اظہار افسوس کیا ہے۔
