پاکستانی آل راؤنڈر خوشدل شاہ پر نیوزی لینڈ کے خلاف پہلے ٹی ٹوینٹی میچ کے دوران ضابطہ اخلاق کی خلاف ورزی کرنے پر جرمانہ عائد کردیا گیا۔
پاکستانی آل راؤنڈر خوشدل شاہ کو میچ فیس کا 50 فیصد جرمانہ ادا کرنا ہوگا کیونکہ انہوں نے میچ کے دوران کیوی کھلاڑی سے جان بوجھ کر ٹکراؤ کیا۔
میڈیا رپورٹس کے مطابق خوشدل شاہ کو انٹرنیشنل کرکٹ کونسل (آئی سی سی) کے ضابطہ اخلاق کے لیول 2 کی خلاف ورزی کا مرتکب پایا گیا جس کے نتیجے میں انہیں 3 ڈی میرٹ پوائنٹس بھی دیے گئے۔
آئی سی سی کے قوانین کے تحت اگر کوئی کھلاڑی 24 ماہ کے اندر 4 یا اس سے زائد ڈی میرٹ پوائنٹس حاصل کر لیتا ہے تو اسے معطلی کا سامنا کرنا پڑ سکتا ہے۔
یہ واقعہ پاکستان اور نیوزی لینڈ کے درمیان جاری سیریز کے پہلے ٹی ٹوینٹی میچ کے دوران پیش آیا جس نے میچ کے بعد کافی توجہ حاصل کی۔
