وزیراعلیٰ پنجاب مریم نواز نے "اپنی چھت، اپنا گھر" کا دائرہ کار وسیع کرکے جوائنٹ فیملیز تک بڑھادیا۔
توسیعی منصوبے کے تحت پنجاب کی جوائنٹ فیملیز کو گھر کی توسیع کےلیے "اپنی چھت، اپنا گھر" اسکیم کے تحت بلاسود اور آسان اقساط پرقرض ملے گا، وزیراعلیٰ پنجاب مریم نوازنے گھروں کی توسیع کے بلاسود قرضے کےاجرا کی منظوری دیدی۔
وزیراعلیٰ مریم نواز نے جون 2026 تک ایک لاکھ 60 ہزار گھر بنانے کا بڑا ہدف دیدیا، پنجاب میں جن کے پاس زمین نہیں انکو زمین بھی ملے گی اور گھر بنانے کیلئے بلاسود اور آسان قرض بھی ملےگا۔
وزیراعلیٰ مریم نواز اسکیم کے تحت 1534 پلاٹوں کی الاٹمنٹ کی منظوری دے دی، پہلے مرحلے میں جہلم میں 194،قصور 129، فیصل آباد میں 84 اور لودھراں 59 پلاٹ بذریعہ قرعہ اندازی دیئے جائیں گے۔
