کراچی کی سب سے بڑی ہول سیل مارکیٹ ڈیڑھ ماہ تک چینی کی قیمتوں میں پہلی بار کمی آئی ہے۔ وزیراعظم کے نوٹس کے بعد چینی 10 روپے فی کلو کم ہوگئی۔ سٹے باز غائب اور واٹس گروپس بند ہوچکے ہیں۔
چینی مافیا کیخلاف کریک ڈاون کے بعد کراچی، حیدر آباد اور سکھر کے سٹے بازوں کی الٹی گنتی شروع ہوگئی۔ وزیراعظم کے نوٹس کے بعد ہول سیل مارکیٹ جوڑیا بازار میں چینی دس روپے فی کلو کم ہوگئی۔
تاجروں کو امید ہے قیمتیں ابھی اور کم ہونگی۔ چئیرمین ہولسیل گروسرز عبدالروف کا کہنا ہے کہ یہ سب بے لگام ہوئے تھے۔ ڈلیوری آرڈر پر سیلز ٹیکس شناختی کارڈ نمبر نہیں تھی۔ بے نامی ڈلیوری آرڈرز گھوم رہے تھے، حکومت کا کریک ڈاون جاری رہا تو 130 پر آجائے گی۔
ہول سیل مارکیٹ میں چینی فی کلو 158 روپے جبکہ ریٹیل پر 160 سے 165 روپے میں بیچی جارہی ہے۔
رمضان میں شوگر مافیا نے چینی 200 روپے فی کلو پہنچانے کا ارادہ کیا تھالیکن ذخیرہ اندوزوں اور شوگر کارٹل کیخلاف کریک ڈاون کے بعد منصوبہ ناکام ہوتا نظر آرہا ہے۔ مارکیٹ ذرائع کے مطابق سٹے باز غائب اور واٹس گروپس بند ہوچکے ہیں
اسٹیک ہولڈرز کا کہنا ہے کہ ڈیڑھ ماہ تک قیمتیں بڑھنے کے بعد پہلی بار کمی خوش آئند ہے۔ لیکن کریک ڈاون جاری رہنا چاہیے۔
