غیر قانونی غیر ملکیوں اور افغان سٹیزن کارڈ ہولڈرز کے انخلاء میں 16 دن باقی رہ گئے۔
غیر قانونی غیرملکیوں اور افغان سٹیزن کارڈ ہولڈرز کو پاکستان چھوڑنے کیلئے 31 مارچ تک کی ڈیڈ لائن دی گئی ہے، یکم اپریل کے بعد غیرقانونی غیرملکیوں اور افغان سیٹزن کارڈ ہولڈرز کو ملک بدر کیا جائے گا۔
حکومت کی جانب سے اس بات کی یقین دہانی کرائی گئی ہے کہ انخلا ءکے دوران کسی سے بدسلوکی نہیں کی جائے گی، حکومت نے واپس جانے والوں کے لیے خواراک اور صحت کی سہولیات کے انتظامات مکمل کر لیے ہیں۔
حکومت نے واضح کیا ہے کہ غیر ملکیوں کو پاکستان میں رہنے کے لیے قانونی تقاضے پورے کرنا ہوں گے، مقررہ تاریخ گزر جانے کے بعد متعلقہ افراد کے خلاف سخت قانونی کاروائی عمل میں لائی جائے گی۔
