تاریخ کی نئی بلند ترین سطح کو چھونے کے بعد ملک بھر میں آج سونے کی قیمت میں معمولی کمی ریکارڈ کی گئی۔
رپورٹ کے مطابق عالمی بلین مارکیٹ میں سونا 4 ڈالر کی کمی سے 2984 ڈالر فی اونس کا ہوگیا۔
بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 300 روپے کی معمولی کمی سے 3 لاکھ 13 ہزار 700 روپے پر آگیا۔
رپورٹ کے مطابق 10 گرام سونے کی قیمت 257 روپے کی کمی کے بعد 2 لاکھ 68 ہزار 947 روپے ہوگئی۔
پاکستان میں جمعہ کو سونے کی فی تولہ قیمت 4 ہزار 700 روپے کے بڑے اضافے سے ملکی تاریخ میں پہلی بار 3 لاکھ 14 ہزار روپے کی بلند ترین سطح پر پہنچ گئی تھی۔
رپورٹ کے مطابق ملک میں چاندی کی فی تولہ قیمت 3 ہزار 530 روپے پر مستحکم رہی۔
