امریکی سفارتخانے کی جانب سے جعفر ایکسپریس ٹرین پر حملے کی شدید مذمت کی گئی ہے۔
اس حوالے سے جاری خصوصی بیان میں امریکی سفارتخانے کی جانب سے کہا گیا کہ اس حملے کی ذمہ داری کالعدم بی ایل اے نے قبول کی ہے اور امریکا کالعدم بی ایل اے کو عالمی دہشتگرد گروپ قرار دے چکا ہے۔
بیان میں کہا گیا کہ متاثرین اور انکے اہل خانہ سے خوفناک واقعے پر ہمدردی اور تعزیت کا اظہار کرتے ہیں۔
بیان میں مزید کہا گیا کہ امریکہ پاکستان کا مضبوط شراکت دار رہے گا اور ہم اس مشکل وقت میں پاکستان کے ساتھ کھڑے ہیں۔
