باجوڑ کی تحصیل ماموند میں انسداد پولیو مہم پر مامور پولیس اہلکار کو فائرنگ کرکے شہید کردیا گیا۔
باجوڑکی تحصیل ماموند کےعلاقہ ڈمہ ڈولہ سیرئی میں پولیو ڈیوٹی پر مامور پولیس اہلکار کونامعلوم افراد نے فائرنگ کرکےشہید کیا۔ ڈی پی اوباجوڑ وقاص رفیق نے واقعہ کی تصدیق کردی۔ انہوں نے کہا کہ واقعہ کی تحقیقات شروع کردی ہیں۔
اس سے قبل گزشتہ مہم میں تحصیل سالارزئی کے علاقہ ملاسید میں پولیو ٹیم پر حملے میں ایک پولیس اہلکار اور پولیو ورکر شہید ہوا تھا۔
