صدر آصف زرداری کا کہنا ہے کہ چند دہائیوں میں چین کی تیز رفتار ترقی اور تبدیلی نے بہت متاثر کیا، چین کی ترقی دنیا کیلئے مثال ہے، چین کی ترقی سے دنیا کو کوئی خطرہ نہیں۔
دورۂ چین کے دوران صدر مملکت آصف علی زرداری نے چینی سرکاری میڈیا کو انٹرویو دیتے ہوئے کہا کہ چین دوسرے ممالک کے اندرونی معاملات میں مداخلت نہیں کرتا، چین کی ترقی سے دنیا کو کوئی خطرہ نہیں۔
ان کا کہنا ہے کہ چند دہائیوں میں چین کی تیز رفتار ترقی اور تبدیلی نے بہت متاثر کیا، چین کی ترقی دنیا کیلئے مثال ہے۔
صدر مملکت نے مزید کہا کہ چین کی ترقی دنیا کیلئے اچھی چیز ہے، میں آپ کا ہمسایہ ہوں اور صدیوں سے ہوں، ایک ہمسایہ جو جانتا ہو کہ چین کسی اور ملک میں مداخلت نہیں کرتا، وہ خوفزدہ کیوں ہوگا؟۔
آصف زرداری کا کہنا ہے کہ اس لیے مجھے کبھی چین سے خوف محسوس نہیں ہوا، مجھے کسی اور ملک سے خوف ہوسکتا ہے، چین سے نہیں، مجھے پُرامن بات چیت اور ہماری دوستی پر بھروسہ ہے۔
