سندھ کے علاقوں رانی پور اور قاضی احمد میں پنجاب سے سیہون جانیوالی زائرین کی گاڑیوں کو حادثات میں 16 افراد جاں بحق اور 30 زخمی ہوگئے، متعدد کی حالت تشویشناک ہے، ہلاکتوں میں اضافے کا بھی خدشہ ہے۔
پولیس کے مطابق رانی پور قومی شاہراہ پر پنجاب سے سیہون جانیوالی مسافر بس الٹ گئی، حادثے میں 10 مسافر جاں بحق اور 20 زخمی ہوگئے۔
پولیس کا کہنا ہے کہ زخمیوں کو گمبٹ اور مقامی اسپتال منتقل کیا جارہا ہے، کئی کی حالت تشویشناک ہے، ہلاکتوں میں اضافے کا خدشہ ہے۔
پولیس کے مطابق حادثہ حضرت لعل شہباز قلندر کے عرس پر جانیوالے زائرین کی گاڑی کو تیز رفتاری کے باعث پیش آیا۔
زائرین کی گاڑی کو دوسرا حادثہ قاضی احمد میں پیش آیا، واقعے میں 6 افراد جاں بحق اور دس زخمی ہوگئے، گاڑی بورے والا سے سیہون جارہی تھی۔
پولیس کے مطابق حادثہ قاضی احمد آمری روڈ پر پیش آیا، زائرین سہیون شریف حضرت لعل شہباز قلندر کے عرس میں شرکت کیلئے جا رہے تھے۔
پولیس کے مطابق 8 زخمیوں کو انتہائی تشویشناک حالت میں پی ایم یو اسپتال نوابشاہ ریفر کردیا گیا ہے۔
