پاکستان اور ترکیہ کے درمیان دفاعی تعاون میں اضافے اور ٹیکنالوجی کے تبادلے پر اتفاق ہوا ہے۔
وزیر تجارت جام کمال خان اور ترک ہم منصب عمر بولات کی اسلام آباد میں ملاقات ہوئی، ملاقات میں دوطرفہ سرمایہ کاری اور تجارتی تعلقات مزید مضبوط بنانے، دفاعی تعاون میں اضافے اور ٹیکنالوجی کے تبادلے پر اتفاق کیا گیا ۔
وزیر تجارت نے ترکیہ کو اپریل میں ہونے والی ہیلتھ کیئر اینڈ انڈسٹریل ایکسپو میں شرکت کی دعوت دی ۔ ترک وزیر تجارت نے کہا پاکستان ترکیہ کا دوسرا گھر ہے ۔ صدر اردوان اور وزیراعظم شہباز شریف کے قریبی تعلقات سے دوطرفہ تعاون کو فروغ ملا ۔ ترکیہ کی کمپنیاں پاکستان میں مزید سرمایہ کاری کےلیےتیار ہیں ۔
پاکستانی مصنوعات کی ترکیہ میں نمائش کے لیے “میڈ ان پاکستان” ایکسپو کی تجویز ۔ ترکیہ پاکستانی باسمتی چاول کی برآمدات بڑھانے کے لیےاقدامات کرے گا ۔ وزرائےتجارت کی ملاقات میں پاکستان ترکیہ کے ترجیحی تجارتی معاہدے کو مؤثر بنانے پر غور۔ ڈی ایٹ ترجیحی تجارتی معاہدے کی بحالی اور استحکام پر بھی تبادلہ خیال کیا گیا۔
