علاقائی بحری سلامتی کے بدلتے ماحول اور اہم سمندری راستوں میں ممکنہ رکاوٹیں کے پیش نظر پاک بحریہ نے کثیرالجہتی خطرات سے نمٹنے کیلئے آپریشن محافظُ البحر شروع کر دیا۔
آئی ایس پی آر کے مطابق آپریشن محافظُ البحر کا مقصد قومی توانائی کی بلا تعطل ترسیل کی حفاظت یقینی بنانا ہے، پاک بحریہ کے ایسکارٹ آپریشنز نیشنل شپنگ کارپوریشن کےساتھ تعاون سےانجام دیئے جا رہے ہیں۔ پاک بحریہ موجودہ بحری صورتحال سے مکمل طور پر آگاہ ہے اور تجارتی جہازوں کی محفوظ اور پُرامن آمدورفت یقینی بنارہی ہے۔ اس وقت پاک بحریہ کے جہاز دو تجارتی جہازوں کو ایسکارٹ کر رہے ہیں۔ آئی ایس پی آر کے مطابق پاک بحریہ ابھرتے ہوئے بحری سلامتی کے چیلنجز سے نمٹنےکیلئے مکمل طور پر تیار ہے۔۔ پاک بحریہ قومی جہاز رانی کے تحفظ اور علاقائی بحری سلامتی کو یقینی بنانے کیلئے پُرعزم ہے۔
