پنجاب میں یونین کونسلزکی تعداد میں اضافہ کردیا گیا، یونین کونسلز 4 ہزار 15 سے بڑھا کر 6 ہزار 577 کردی گئی۔ لاہور کی ٹاؤنزکارپوریشنزمیں یونین کونسلوں کا بھی تعین مکمل کرلیا گیا۔
اعلامیے کے مطابق دیہی یونین کونسلوں کی تعداد 4056، اربن کونسلوں کی تعداد 2514 ہو گئی، لاہور، گوجرانوالہ، سیالکوٹ، سرگودھا اور ملتان میں ٹاؤنزمیونسپل کارپوریشنز ہوں گی۔
راولپنڈی، فیصل آباد، بہاولپوراور بہاولنگر میں ٹاؤنزمیونسپل کارپوریشنز ہونگی، میونسپل کارپوریشنز کی تعداد11 سے بڑھا کر 33 کردی گئی، میونسپل کمیٹیوں کی تعداد جو182تھی اب 220 ہوگئی۔
لاہور کی ٹاؤنزکارپوریشنزمیں یونین کونسلوں کا بھی تعین مکمل کرلیا گیا، ماڈل ٹاؤن 77 یونین کونسلز،شالیمار 72، لاہورسٹی 69 یونین کونسل ٹاؤن میونسپل کارپوریشن راوی 52 یوسیزپرمشتمل ہے۔ ٹاؤن میونسپل کارپوریشن نشتر 40، علامہ اقبال 37، رائے ونڈ 32 یو سیز۔پر مشتمل ہوگا۔ ٹاؤن میونسپل کارپوریشن صدر29 واہگہ 25 یونین کونسلوں پر مشتمل ہے۔
