بڑھتے ہوئے درجہ حرارت سے بالائی خیبرپختونخوا اور گلگت بلتستان میں برفانی جھیلیں پھٹنے کا خدشہ پیدا ہو گیاہے، ریسکیو حکام کو تیاریاں مکمل رکھنے کی ہدایت کر دی گئی ۔
محکمہ موسمیات کے مطابق گزشتہ کچھ روز سے ملک کے شمالی علاقوں میں درجہ حرارت معمول سے زیادہ ریکارڈ کیا جا رہا ہے ۔ مارچ میں زیادہ درجہ حرارت کے باعث بالائی خیبرپختونخوا اور گلگت بلتستان میں برفانی جھیلیں پھٹنے کا خدشہ ہے ۔ جس سے فلیش فلڈنگ اور لینڈ سلائیڈنگ کا خطرہ پیدا ہو رہا ہے ۔ اس صورت حال کے پیش نظر ریسکیو اداروں کو کسی بھی ہنگامی صورتحال سےنمٹنے کیلئے پوری تیاری رکھنے کی ہدایت جاری کر دی گئی ہیں ۔
