الیکشن کمیشن آف پاکستان ( ای سی پی ) نے گوشوارے جمع نہ کروانے پر 138 ارکان قومی و اسمبلی اور سینیٹرز کی رکنیت معطل کردی ، معطل ارکان بحالی تک متعلقہ ایوان کی کسی کارروائی میں حصہ نہیں لے سکیں گے ۔
الیکشن کمیشن کی جانب سے عوامی نمائندوں کی رکنیت 2023-24 کے سالانہ مالی گوشوارے جمع نہ کروانے پر رکنیت معطل کی گئی اور ای سی پی نے اس حوالے سے چیئرمین سینیٹ اوراسپیکرز کو آگاہ کردیا ہے۔
گوشوارے جمع کروانے تک ارکان اسمبلی اور سینیٹرز کسی کارروائی میں حصہ نہیں لے سکیں گے اور اگر کسی رکن نےگوشواروں میں غلط معلومات فراہم کیں توکارروائی ہوگی۔
معطل ارکان میں اختر مینگل ،قاسم گیلانی اور طارق بشیر چیمہ سمیت 16 ارکان قومی اسمبلی سینیٹر محمد قاسم ، سینیٹر عبد القدوس اور پنجاب اسمبلی کے 68 ارکان شامل ہیں ۔
امیر جماعت اسلامی حافظ نعیم الرحمان سمیت سندھ اسمبلی کے 15، کے پی اسمبلی کے 33 اور بلوچستان اسمبلی کے 4 ارکان کی رکنیت بھی معطل کی گئی ہے ۔
