پنجاب حکومت نے پلاسٹک انڈسٹری کی رجسٹریشن آن لائن کرنے کا فیصلہ کرلیا۔
پنجاب کی سینئر وزیر مریم اورنگزیب کا کہنا ہےکہ پلاسٹک پروڈیوسرز، سپلائرز، کلیکٹرز اور ری سائیکلرز کی رجسٹریشن آن لائن کی جائےگی،بذریعہ رجسٹریشن پلاسٹک کی سپلائی سائیڈ کو غیر رسمی معیشت سےنکال کرمکمل طور پر رسمی معیشت کا حصہ بنانامقصود ہے۔
مریم اورنگزیب کےمطابق پچھترماٸیکرون سے کم حجم والے پولیتھین بیگز کے خلاف ایکشن لیا جارہا ہے۔ محکمہ تحفظ ماحول نے نو پلاسٹک تھیلے بنانے والی فیکٹریوں کو خلاف ورزی پر نوٹس جاری کر دیے۔۔۔ اینٹی پلاسٹک اسکواڈز پلاسٹک تھیلوں پرپابندی کے نفاذ کے لیے فوڈ پوائنٹس، مارکیٹوں اور دکانوں کا معائنہ کر رہے ہیں۔ ماحولیاتی آلودگی پر قابو پانے کے لیےپلاسٹک بیگز کے استعمال کو ختم کرنے کے لیے سخت اقدامات کررہے ہیں۔
انہوں نےکہاکہ کارروائیوں کےدوران دکانداروں کو متبادل ماحول دوست بیگز استعمال کرنے کی ہدایت کی گئی ہے۔پلاسٹک آلودگی ہمارے ماحول اور انسانی صحت کے لیےایک سنگین خطرہ ہے۔مریم نواز اس مسئلے کوجڑ سےختم کرنے کے لیےپرعزم ہیں،وزیراعلیٰ پنجاب نے خلاف ورزی کرنےوالوں کے ساتھ کسی قسم کی رعایت نہ برتنے کی ہدایت کی ہے،ہم یہ اقدام صرف ماحول کی بہتری کے لیے ہی نہیں بلکہ آئندہ نسلوں کو ایک صاف اور صحت مند ماحول فراہم کرنے کے لیے اٹھا رہے ہیں۔
