وفاقی حکومت کےذمہ سال 2030 تک واجب الادا مقامی قرضوں کی تفصیلات سامنے آ گئیں ہیں جس میں 2030تک مجموعی طور پر 49 ہزار 629 ارب روپے کے مقامی قرضے واجب الادا ہونے کا انکشاف ہوا ہے ۔
دستاویز کے مطابق یہ قرضے انویسٹمنٹ بانڈز،ٹریژری بلز،سکوک اوربچت اسکیموں کے ذریعے لیے گئے ہیں ، اگلے 5 سال میں واجب الادا قرض میں اصل رقم اور سود شامل ہے،2024 میں سب سے زیادہ 13 ہزار 269 ارب روپے مقامی قرض واپس کرنا ہے،2025 میں 12ہزار 723 ارب، 2026 میں 7 ہزار 684 ارب روپے ،2027 میں 4 ہزار 758 ارب، 2028 میں 5 ہزار 608 ارب قرضہ واجب الادا ہے۔
2029 میں 4153 ارب، 2030 میں 1434 ارب روپے ادا کرنےہیں، حکومت نےسب سے زیادہ 59 فیصد قرضہ انویسٹمنٹ بانڈز کے ذریعے لے رکھا ہے، 22 فیصد قرضہ ٹی بلز اور 10 فیصد سکوک بانڈز کےذریعے لیا گیا، باقی قرضہ قومی بچت اسکیموں اور پرائز بانڈزکی شکل میں لیا گیا ہے۔
