قومی اسمبلی کے اجلاس کا 19 نکاتی ایجنڈا جاری کر دیا گیا ۔
سپیکر ایاز صادق کی زیر صدارت قومی اسمبلی کا اجلاس دو روز کے وقفے کے بعد کل دوبارہ ہوگا جس میں اہم قوانین پیش کئے جائیں گے ۔
قومی اسمبلی کے اجلاس میں غیر ملکی سرکاری دستاویزات کے قانونی جواز کے خاتمے پر کنونشن مؤثر بنانے کا بل پیش ہوگا جبکہ وزیر دفاع خواجہ آصف بھنگ کے کنڑول اور ریگولیٹری اتھارٹی بل 2024 پیش کریں گے ۔
وزیر انفارمیشن ٹیکنالوجی ( آئی ٹی ) شزہ فاطمہ ٹیلی کمیونیکیشن ایپلٹ ٹربیونل بل پیش کریں گی اور وزیر نجکاری عبدالعلیم خان نجکاری کمیشن ترمیمی بل پیش کریں گے۔
اجلاس میں وزیر خزانہ آڈیٹرجنرل آف پاکستان اورسٹیٹ بینک کی سالانہ رپورٹس پیش کریں گے۔
علاوہ ازیں خلیجی ممالک میں ملکی بدنامی کا باعث بننے والے گداگروں سے متعلق توجہ دلاؤ نوٹس بھی قومی اسمبلی اجلاس کے ایجنڈے کا حصہ ہے۔
