محکمہ ہائیرایجوکیشن پنجاب نے تعلیمی اداروں میں چھٹیوں سے متعلق اہم وضاحت جاری کردی۔
ترجمان محکمہ ہائیرایجوکیشن کے مطابق پنجاب کے کالجز کی چھٹیوں میں اضافہ نہیں ہوگا، سردیوں کی چھٹیوں میں اضافہ صرف اسکولز میں ہوگا۔
اعلامیے کے مطابق کالجز اور جامعات پر چھٹیوں میں اضافے کا اطلاق نہیں ہوگا، کالجز12جنوری سے معمول کے مطابق کھلیں گے۔
واضح رہے کہ طلباء کی صحت کی بہتری کیلئے پنجاب کے تعلیمی اداروں کی چھٹیاں ایک ہفتہ بڑھا دی گئیں۔ وزیرتعلیم پنجاب رانا سکندرحیات کا کہنا ہےکہ فیصلہ وزیر تعلیم کے سوشل میڈیا پیج پر عوامی سروے کی بنیاد پرکیاگیا،عوام سے مشاورت کے بعد اب تعلیمی ادارے 19 جنوری سے کھلیں گے،فیصلہ موسم کی شدت، طلباء کی صحت کو مدنظر رکھتے ہوئے کیا گیا۔
