قومی ٹیم کے کپتان بابراعظم سب سے زیادہ ٹی 20 انٹرنیشنل میچز جیتنے والے کپتان بن گئے۔
پاکستانی کپتان بابراعظم نے یوگنڈا کے کپتان برائن مسابا کا ریکارڈ توڑ دیا اور سب سے زیادہ ٹی 20 انٹرنیشنل جیتنے والے کپتان کا اعزاز اپنے نام کر لیا۔
بابر اعظم نے یہ اعزاز آئرلینڈ کے خلاف دوسرے ٹی 20 میں کامیابی کے بعد حاصل کیا۔
بابر اعظم کی قیادت میں پاکستان نے آئرلینڈ کےخلاف 45 ویں فاتح حاصل کی ہے۔
یوگنڈا کے کپتان برائن مسابا نے بطور کپتان 44 میچز میں کامیابی حاصل کر رکھی ہے۔
دوسری جانب چیئرمین پاکستان کرکٹ بورڈ ( پی سی بی ) محسن نقوی نے بابر اعظم کو یہ اعزاز حاصل کرنے پر مبارکباد پیش کی اور انہیں شرٹ کا تحفہ پیش کیا ہے۔
